Breakfast Recipe : హెల్తీ బ్రేక్​ఫాస్ట్ తినాలనుకుంటే.. వెజ్ గ్రిల్డ్ శాండ్​విచ్​ బెస్ట్

Today Breakfast Recipe : చాలా మంది ఉదయాన్నే బ్రేక్​ఫాస్ట్​గా శాండ్​విచ్​ తీసుకుంటారు. కానీ ఇంట్లో దానిని ఎలా తయారు చేసుకోవాలో వారికి సరిగా తెలియదు. అయితే మీ శాండ్​విచ్​ని మరింత టేస్టీగా మార్చుకోవాలనుకుంటే.. మీరు వెజ్​ గ్రిల్డ్ శాండ్‌విచ్​ (Veg Grilled Sandwich)ని ట్రై చేయాలి. దీనిని తయారు చేయడం కూడా సులువే. దీనికి కావాల్సిన పదార్థాలు ఏమిటి? ఎలా తయారు చేయాలో ఇప్పుడు తెలుసుకుందాం.

కావాల్సిన పదార్థాలు

* బ్రెడ్ - 6 స్లైస్

* ఉల్లిపాయ - 1

* బంగాళదుంప - 1 (ఉడికించినది)

* క్యాప్సికమ్ - 1 చిన్నది లేదా పెద్ద దానిలో సగం

* కీర దోస - 1 చిన్నది

* క్యారెట్ - 1

* పనీర్ - 100 గ్రాములు (తురిమినది)

* చీజ్ - 4 స్లైస్

* మయోన్నైస్ - 4 స్పూన్స్

* ఉప్పు - తగినంత

* టమోట సాస్ - మీకు నచ్చినంత

* బ్లాక్ పెప్పర్ - ఇష్టం ఉంటే వేసుకోవచ్చు (ఆప్షనల్)

తయారీ విధానం

ముందుగా కీర దోసకాయ, ఉల్లిపాయ, క్యాప్సికమ్‌లను స్లైస్‌లుగా కట్ చేసుకోవాలి. అనంతరం తురిమిన క్యారెట్, పనీర్ కలపాలి. దానిలో మయోన్నైస్ వేసి.. టొమాటో సాస్‌తో బ్రెడ్ ముక్కలను స్మెర్ చేయండి. దానిపై సాల్ట్, బ్లాక్ పెప్పర్ చల్లండి.

ఇలా బేస్ తయారుచేసుకున్నాక.. బ్రెడ్​పై కూరగాయలను ప్లేస్ చేయండి. దానిపై తురిమిన క్యారెట్, పనీర్​ను ఉంచండి. దానిపై చీజ్ స్లైస్​ వేయండి. మరో బ్రెడ్​ స్లైస్​తో ఈ స్టఫ్​ను కప్పి.. బటర్​తో గ్రిల్ చేయండి. వెరీ హెల్తీ టేస్టీ బ్రేక్​ ఫాస్ట్ మీ సొంతం. హ్యాపీగా లాగించేయండి.