Chanakya Niti Telugu: మీ జీవితంలో ఎట్టి పరిస్థితుల్లో వీళ్లకు మాత్రం సలహాలు ఇవ్వకూడదు.. చాణక్య నీతి చెబుతుందిదే

చెడ్డ పనుల వల్ల చెడు ఫలితాలు వస్తాయి. కానీ కొన్నిసార్లు మంచి చేయడం వల్ల కూడా చెడు ఫలితాలు వస్తాయి. చెడు మరియు అధర్మ మార్గం నుండి ప్రజలను దూరంగా ఉంచడానికి ఈ సామెత తరచుగా వాడతారు. అవును,ఆచార్య చాణక్యుడి నీతి  కూడా ఇలాగే చెబుతుంది. నిజానికి చాణక్యుడు తన నైతికతలో విజయవంతమైన జీవితాన్ని సాధించడానికి చాణక్య నీతిలో అనేక పాఠాలు చెప్పాడు. ఇందులో వ్యక్తి ప్రవర్తన, అతని జీవనశైలికి సంబంధించిన ప్రతి చిన్నా పెద్ద విషయం ఉంటుంది. ఆచార్య చాణక్యుడు మరొక వ్యక్తికి సలహాలు ఇచ్చే విషయం  గురించి కూడా ఒక పాఠం చెప్పారు. చాణక్యుడి ప్రకారం, మీరు మీ జీవితంలో ఎప్పుడూ వైఫల్యాన్ని ఎదుర్కోకూడదనుకుంటే, ఈ ఐదుగురిని ఎట్టి పరిస్థితుల్లో సలహా ఇవ్వవద్దని చెప్పారు. ఇంతకీ ఆ ఐదుగురు ఎవరో తెలుసుకుందాం.

ఎవరికి సలహాలు ఇవ్వకూడదు?

మూర్ఖులకు:

చాణక్యుడు మొదట మూర్ఖులను సలహాలు ఇవ్వవద్దని చాణక్య నీతిలో చెబుతాడు. అలాంటి వారు మీ మాటల లోతును, అర్థాన్ని, మంచితనాన్ని అర్థం చేసుకోలేకపోతారు. సమయం వచ్చినప్పుడు, ఈ వ్యక్తులు వారి మూర్ఖత్వం కారణంగా మిమ్మల్ని కూడా ఇబ్బందులకు గురి చేయవచ్చు. కాబట్టి అలాంటి వారికి సలహాలు ఇవ్వడం ద్వారా ఏ వ్యక్తి అయినా తన విలువైన సమయాన్ని, శక్తిని వృథా చేసుకున్నట్లే అంటాడు చాణక్య.

భార్యాభర్తలు:

భార్యాభర్తలు జీవిత రథానికి రెండు చక్రాలు అంటారు చాణక్య. అందుకే భార్యాభర్తలు కలిసి ఏదైనా పని చేస్తున్నప్పుడు, వారి పనిలో ఎటువంటి జోక్యం చేసుకోకూడదు. లేదా సలహా ఇవ్వకూడదు. ఇలా చేసే వ్యక్తి వారికి శత్రువు అవుతాడు. వాళ్లకు సలహాలు ఇచ్చిన వ్యక్తుల దగ్గరే క్రమంగా విషయాలు దాచిపెట్టడం మొదలు పెడతారు.

అహంకారికి:

అహంకారికి కూడా సలహాలు ఇవ్వకూడదని చాణక్య నీతిలో చెబుతాడు. అలాంటి వారు తమ అభిప్రాయాన్ని చెప్పడానికి, ఒప్పించడానికి మాత్రమే ఇష్టపడతారు. తప్ప ఎదుటి వ్యక్తి సలహాలు వినరు. అటువంటి వ్యక్తులు ఎల్లప్పుడూ అవతలి వ్యక్తిని తక్కువగా అంచనా వేస్తారు. తక్కువగా చూస్తారు. ఈ వ్యక్తులు ఎల్లప్పుడూ ఇతరుల మాటలు పనికిరానివిగా భావిస్తారు. అలాంటి వారికి సలహాలిస్తే వాళ్ల అహంకారిస్తే సలహాలిచ్చిన వాళ్లనే అవమానిస్తారు.

అత్యాశ పరులకు:

ఆచార్య చాణక్యుడి నీతి ప్రకారం అత్యాశపరులకు ఎప్పుడూ సలహాలు ఇవ్వకూడదు. అలాంటి వారు సమయం వచ్చినప్పుడు మిమ్మల్ని తమ అత్యాశకు ఉపయోగించుకోవడానికి వెనుకాడరు. అత్యాశపరులు మీ సలహా నుండి ప్రయోజనం పొందినంత కాలం మాత్రమే దానిని అనుసరిస్తారు. ఆ తరువాత, ఏ కారణం లేకుండానే మిమ్మల్ని కనీసం గుర్తించరు. మాట్లాడరు.

చెడ్డవారు:

చాణక్యుడి ప్రకారం చెడు అలవాట్లు ఉన్నవారికి ఎప్పుడూ సలహా ఇవ్వకూడదు. అలాంటి వారు ఎప్పుడూ మంచితనం ఉన్నవాళ్లతో స్నేహం చేయరు. మీరు వారికి కొన్ని మంచి సలహాలు ఇచ్చినా, వారు మిమ్మల్ని ఎగతాళి చేస్తారు లేదా మీ సలహా తీసుకోవడం ద్వారా వారు మీకు హాని చేయడానికి ప్రయత్నిస్తారు. అలాంటి వారికి దూరంగా ఉండటం మంచిది.