Bread Balls Recipe : 4 బ్రెడ్ ముక్కలు.. ఒక కప్పు కొబ్బరి తురుముతో బ్రెడ్ బాల్స్.. స్నాక్స్ కోసం అదిరిపోతుంది

ఇంట్లో పిల్లలు ఉంటే.. నిత్యం చిరుతిళ్లు అడుగుతూనే ఉంటారు. నిత్యం చిరుతిళ్లు అడిగే పిల్లలకు దుకాణాల్లో చిరుతిళ్లు కొనే బదులు ఇంట్లోని పదార్థాలతో తయారు చేస్తే డబ్బు ఆదా అవడమే కాకుండా పిల్లల ఆరోగ్యం కూడా పాడవుతుంది. మీ ఇంట్లో బ్రెడ్, కొబ్బరి ఉంటే వాటితో రుచికరమైన బ్రెడ్ బాల్ తయారు చేయండి. ఈ బ్రెడ్ బాల్స్‌ను 10 నిమిషాల్లో తయారు చేయడం చాలా సులభం.

సాధారణంగా పిల్లలకు ప్రతీ సాయంత్రం స్నాక్స్ పెడుతూ ఉంటాం. చాలా మంది బయట నుంచి తీసుకొచ్చినవే ఇస్తారు. కానీ ఇంట్లోనే తయారు చేసిన బ్రెడ్ బాల్స్ ఆరోగ్యానికి కూడా మంచివి.

బ్రెడ్ బాల్స్ రెసిపీని ఎలా తయారు చేయాలో తెలుసుకోవాలనుకుంటున్నారా? ఇది చేయడం చాలా సులభం. సమయం కూడా ఎక్కువగా పట్టదు. పిల్లలు, పెద్దలు ఇష్టంగా తింటారు

బ్రెడ్ బాల్స్ కోసం కావాల్సిన పదార్థాలు

బ్రెడ్ - 4 ముక్కలు, కొబ్బరి తురుము - 1 కప్పు, చక్కెర - 1 టేబుల్ స్పూన్, యాలకులు - 1/4 టీస్పూన్, బాదం, జీడిపప్పు - కొద్దిగా (సన్నగా తరిగినవి), మిల్క్ - 2 టేబుల్ స్పూన్, నూనె - వేయించడానికి కావలసిన మొత్తం

బ్రెడ్ బాల్స్ తయారీ విధానం

ముందుగా బ్రెడ్ ముక్కలను తీసుకుని ముక్కలుగా కట్ చేసి మిక్సర్ జార్ లో వేయాలి.

తర్వాత అందులో కొబ్బరి తురుము వేసి బాగా రుబ్బుకోవాలి.

ఇప్పుడు ఒక గిన్నెలోకి తీసుకుని అందులో పంచదార, యాలకుల పొడి, బాదం ముక్కలు, జీడిపప్పు వేసి చేతులతో మెత్తగా చేసుకోవాలి.

అనంతరం అందులో 2 టేబుల్ స్పూన్ల కాచి చల్లార్చిన పాలను పోసి చేతులతో బాగా మెత్తగా చేయాలి.

మెత్తగా చేసిన బ్రెడ్ ముక్కలను చిన్న చిన్న ఉండలుగా చేసి ప్లేటులో పెట్టుకోవాలి.

చివరగా ఓవెన్‌లో ఫ్రైయింగ్‌ పాన్‌ పెట్టి, వేయించడానికి కావల్సినంత నూనె వేసి, వేడయ్యాక అందులో బంగారు రంగు వచ్చేవరకు వేయించుకుంటే రుచికరమైన కరకరలాడే బ్రెడ్ బాల్స్ రెడీ.

అయితే వీటిలో కావాలి అనుకుంటే కాస్త నెయ్యి కూడా కలుపుకోవచ్చు. చాలా రుచి కరంగా ఉంటాయి. ఈ బ్రెడ్ బాస్స్ చేసేందుకు పెద్దగా కష్టపడాల్సిన పనిలేదు. కావాలి అనుకున్న పది నిమిషాల్లో తయారు చేయవచ్చు. చిన్న పిల్లలకు స్నాక్స్ తినడం ఇష్టంగా ఉంటుంది. అలాంటివారు బయట తీసుకొచ్చిన ఆహారాలు ఇవ్వకుండా ఇంట్లోనే ఇలా తయారు చేసి ఇస్తే ఆరోగ్యానికి మంచిది.