Carrot Milk Recipe : చలికాలంలో క్యారెట్ మిల్క్ వల్ల కలిగే లాభాలు ఎన్నో.. రెసిపీ ఇదే..

Carrot Milk Recipe : మీ ఉదయాన్ని హాట్ డ్రింక్​తో హెల్తీగా ప్రారంభించాలి అనుకుంటే మీరు క్యారెట్ మిల్క్​ని ట్రై చేయవచ్చు. ఇది మీకు వెచ్చదనాన్ని ఇవ్వడమే కాకుండా.. అందానికి, ఆరోగ్యానికి మేలు చేస్తుంది. అంతేకాకుండా మీకు ఎక్కువసేపు ఎనర్జీనిస్తుంది. మరి ఈ రెసిపీని ఎలా తయారు చేయాలి.. కావాల్సిన పదార్థాలు ఏమిటో ఇప్పుడు తెలుసుకుందాం.

కావాల్సిన పదార్థాలు

* క్యారెట్లు - 2 (పొట్టు తీసిపెట్టుకోవాలి)

* పాలు - 2 కప్పులు

* దాల్చిన చెక్క - 1

* ఏలకులు - 2

* చక్కెర - మీ రుచికి తగినంత

* బాదం పప్పులు - 5

* కుంకుమ పువ్వు - కొంచెం

తయారీ విధానం

ముందుగా క్యారెట్​లను పీల్​ చేసి.. ముక్కలుగా కట్ చేసి.. మెత్తగా ఉడికించాలి. క్యారెట్​లను.. బాదంలతో కలిపి బ్లెండర్​లో వేయండి. కొంచెం నీరు వేసి ప్యూరీలా చేయండి. ఇప్పుడు పాన్​లో పాలు వేడి చేసి.. దానిలో దాల్చిన చెక్క వేయండి. అనంతరం క్యారెట్ ప్యూరీ వేసి.. 5 నిమిషాలు ఉడికించండి. దానిలో కుంకుమ పువ్వు, పంచదార వేసి బాగా కలపండి. అంతే వేడి వేడి క్యారెట్ పాలు మీకు రెడీ. అంతే దానిని ఓ గ్లాసులోకి బాదం పలుకులతో గార్నిష్ చేసి సర్వ్ చేసుకోండి.