Bigg Boss 7 Telugu : శోభా శెట్టి, ప్రియాంక డామినేషన్.. కాళ్లు పట్టుకున్న అశ్వినీ!

బిగ్ బాస్ హౌస్‍లో సోమవారం ఎపిసోడ్ రసవత్తరంగా సాగింది. ఎప్పటిలాగే సోమవారం కావడంతో నామినేషన్స్ వాడీవేడీగా సాగాయి. హౌస్‍లోని లేడీ కంటెస్టెంట్లను రాజమాతలుగా ప్రకటించాడు బిగ్ బాస్. నామినేషన్స్ ను వారి సమక్షంలోనే చేశారు. రాజమాతలుగా ఉన్న శోభా శెట్టి, ప్రియాంక, రతికా, అశ్వినీలే నామినేట్ అయిన కంటెస్టెంట్లను డిసైడ్ చేశారు. దీంతో ఎపిసోడ్ ఆసక్తిగా సాగింది. సింహాసనంపై కూర్చొన్న రాజమాతలు నిర్ణయం మాత్రం కాస్త సిల్లీగానే అనిపించింది.

మెుదట నామినేషన్స్ వేసేందుకు అమర్‍దీప్, అర్జున్ వచ్చారు. అమర్‍దీప్ ఎప్పటిలాగే భోలేను టార్గెట్ చేశాడు. బాల్స్ టాస్క్ సమయంలో బ్లాక్ బాల్ ఇచ్చి.. వెనక్కు తగ్గడంపై ఆట తీరు నచ్చలేదని నామినేట్ చేశాడు. అవతలివారితో కనీసం డిఫెండ్ చేయలేదని చెప్పాడు. బ్లాక్ బాల్ ఇవ్వడం నా స్ట్రాటజీ అని చెప్పుకొచ్చాడు భోలే. ఎలా డిఫెండ్ చేయాలని నాకు క్లారిటీ ఉందని, నాకు చెప్పేందుకు నువ్వు ఎవరు అని భోలే ప్రశ్నించాడు. ఈ సందర్భంగా కాస్త వాగ్వాదం జరిగింది. నామినేషన్ వేసే సమయంలో బలమైన కారణంతో వేయమని తెలిపాడు భోలే. గౌతమ్‍ను అర్జున్ నామినేట్ చేశాడు. వేరే వాళ్లు చెప్పింది విని.. శివాజీ మీద అలా చేయడంపై నచ్చలేదని నామినేట్ చేశాడు. ఈ ఇద్దరి వాదనలు విన్న రాజమాతలు భోలేను నామినేట్ చేశారు.

యావర్, ప్రశాంత్ వచ్చి నామినేషన్స్ లో పాల్గొన్నారు. అమర్‍దీప్‍ను యావర్ నామినేట్ చేశాడు. రతికాతో తిరిగేది ఫుటేజీ కోసమని నువ్వు చెప్పడం సరిగా లేదని అన్నాడు యావర్. నేను చెప్పలేదని అమర్ తెలిపాడు. నువ్ నా మీద వేసే పాయింట్స్ సరిగా లేవని చెప్పాడు. ప్రశాంత్ వచ్చి.. గౌతమ్ ను నామినేట్ చేశాడు. అనంతరం భోలే వచ్చి.. అమర్‍దీప్‍ను నామినేట్ చేశాడు. ఈ సందర్భంగా వాగ్వాదం మెుదలైంది. అశ్వినీ ఏదో మాట్లాడపోతుంటే.. ప్రియాంక సీరియస్ అయింది. దీంతో గొడవ మెుదలైంది.

తాను వీక్‍గా వచ్చానని నామినేట్ చేశావని, నేను తెలివిగా వచ్చానని భోలే చెప్పుకొచ్చాడు. వీక్ అని బిగ్ బాస్ చెప్పాడని ప్రయాంక చెప్పింది. తర్వాత నన్ను మీరు మేనేజ్ చేస్తున్నారని కామెంట్స్ చేశాడు భోలే. అశ్వినీ మధ్యలో ఒక మాట అనబోతుంటే.. సీరియస్ అయింది ప్రియాంక. శివాజీని గౌతమ్ నామినేట్ చేశాడు. డాక్టర్‍వు అయి ఉండి అని మాట చెప్పావని, నా క్యారెక్టర్ గురించి చెప్పినట్టుగా అనిపించిందని చెప్పాడు గౌతమ్. డాక్టర్ అనడం క్యారెక్టర్ గురించి తప్పుగా మాట్లాడటం ఎలా అవుతుందని ప్రశ్నించాడు శివాజీ. నేను అయితే యాక్సెప్ట్ చేయడం లేదని రాజమాతలకు తెలిపాడు.

తర్వాత నేను నీలా మాట్లాడలేనా.. అని ప్రియాంకను అశ్వినీ ప్రశ్నించింది. దీంతో శోభా శెట్టి కూడా మధ్యలోకి వచ్చింది. అంటే నీలాగా మాట్లాడలేను అంటే నేను వేస్ట్ అని అర్థమా అని అశ్వినీ అడిగింది. నువ్ కెమెరా ముందుకు వెళ్లి.. అందరినీ బ్యాడ్ చేయిపో అని అరిచింది శోభా శెట్టి. ప్రియాంక, శోభా శెట్టి లేచి గట్టిగా గట్టిగా అరిచారు. దీంతో అశ్వినీ లేచి కాళ్లు మెుక్కుతానమ్మా.. అంటూ ఏడ్చింది. ఇక్కడ మాత్రం ప్రియాంక, శోభా శెట్టి డామినేషన్ చేసినట్టుగా కనిపించింది ప్రేక్షకులకు.

తర్వాత శివాజీ వచ్చి.. అమర్‍దీప్‍ను నామినేట్ చేశాడు. బ్యాగ్ లాగడంతో తన చెయ్యి నొప్పి వచ్చిందని చెప్పాడు. యావర్ వచ్చి.. అమర్‍దీప్‍ను నామినేట్ చేయాలనుకున్నాడు. ఒక్కరు ఒకరినే నామినేట్ చేయాలనే కారణంగా తనను తానే సెల్ఫ్ నామినేషన్ చేసుకున్నాడు. అయితే ఈ ఇద్దరిలో ఒకరినే డిసైడ్ చేయాల్సి ఉండగా.. ఇందులో శోభా, ప్రియాంక యావర్‍ను నామినేట్ చేయాలని అన్నారు. రతికా, అశ్వినీ.. అమర్ దీప్ పేరు చెప్పారు. చివరకు ప్రియాంక, శోభా చెప్పినట్టుగా యావర్‍ను నామినేట్ చేసేందుకు ఒప్పుకున్నామని ప్రేక్షకులకు చెప్పింది రతికా.

చివరగా నలుగురు రాజమాతల్లో ఒకరిని నామినేట్ చేయాలని బిగ్ బాస్ చెప్పాడు. దీంతో రతికా, అశ్వినీ.. కలిసి ప్రియాంకను నామినేట్ చేశారు. రతికా, ప్రియాంక పేర్లు టై కావడంతో కెప్టెన్ శోభా నిర్ణయం తీసుకుంది. రతికాను నామినేట్ చేసింది. మెుత్తానికి నామినేషన్స్ లో భోలే, గౌతమ్, శివాజీ, యావర్, రతికా ఉన్నారు.