Actor Sivaji Elimination: హీరో శివాజీకి భరించలేనంత చేయి నొప్పి.. బిగ్ బాస్ నుంచి ఎలిమినేట్?

Bigg Boss 7 Telugu 9th Week Elimination: బిగ్ బాస్ 7 తెలుగు సీజన్ నిజంగానే అంతా ఉల్టా పుల్టాగా సాగుతోంది. తొమ్మిదో వారం ఇప్పటివరకు టేస్టీ తేజ ఎలిమినేట్ అవుతాడని అంతా అనుకున్నారు. కానీ, అనూహ్యంగా ఈవారం హీరో శివాజీ ఎలిమినేట్ కానున్నట్లు తెలుస్తోంది. అయితే, బిగ్ బాస్ 7 తెలుగు నవంబర్ 4వ తేది ఎపిసోడ్‌లో కెప్టెన్సీ కంటెండర్ టాస్కులో వీర సింహాలు టీమ్ గెలిచింది. వారిలో గౌతమ్, యావర్, అర్జున్, శోభా, తేజ, రతిక ఉన్నారు.

అయితే, కెప్టెన్ అవడం కోసం బీన్స్ టాస్క్ ఇచ్చాడు బిగ్ బాస్. కానీ ఇక్కడే పెద్ద మెలిక పెట్టాడు. ఆ టాస్కును గెలిచిన వీర సింహాల టీమ్‌కు బదులుగా ఓడిన గర్జించే పులులు టీమ్ ఆడాల్సిందిగా బిగ్ బాస్ చెప్పాడు. అంటే వీర సింహాలు టీమ్‌లోని కంటెస్టెంట్లకు బదులుగా వారు సెలెక్ట్ చేసుకున్న గర్జించే పులులు టీమ్ లోని సభ్యులు ఆడాలి. ఈ క్రమంలో గౌతమ్ ప్లేసులో అశ్విని, అర్జున్ కోసం శివాజీ, శోభా కోసం అమర్, తేజకు బదులు ప్రియాంక, రతికకు బదులు భోలే ఆడారు.

బీన్స్ టాస్క్ ఆడే క్రమంలో చివరిగా శివాజీ, అమర్, ప్రియాంక ఉన్నారు. ఆ సమయంలో శివాజీ బ్యాగ్‌ను అమర్ గట్టిగా లాగాడు. దీంతో శివాజీ చేయికి నొప్పి వచ్చింది. అప్పుడు టాస్క్ నుంచి శివాజీ తప్పుకున్నాడు. టాస్కులో అమర్ గెలవడంతో శోభా కెప్టెన్ అయింది. ఈ టాస్క్ అంతా గురువారం షూట్ చేశారు. కానీ, శుక్రవారం రోజంతా శివాజీకి భరించలేనంతగా నొప్పి కలిగింది. దీంతో శివాజీని శనివారం ఎలిమినేట్ చేసే అవకాశం ఉందని బిగ్ బాస్ వర్గాల నుంచి వచ్చిన సమాచారం.

అయితే, అప్పటికే చేయి నొప్పితో ఉన్న శివాజీని ఫిజికల్ టాస్క్ ఆడించడం బీబీ తప్పని కామెంట్లు వినిపిస్తున్నాయి. అలాగే, అగ్రెషన్‌గా ఏది చూసుకోకుండా శివాజీ బ్యాగ్ లాగడం అమర్ దీప్ తప్పు అని కూడా

అంటున్నారు. మొత్తానికి అయితే, చేయి అతి నొప్పి కారణంగా శివాజీ ఎలిమినేట్ అయ్యే ఛాన్సెస్ కనిపిస్తున్నాయి. ఒకవేళ అదే జరిగితే.. ఈవారం ఎలిమినేట్ అవ్వాల్సిన తేజ తప్పించుకున్నట్లే.