Romantic Comedy OTT: త్రిప్తి డిమ్రి రొమాంటిక్ కామెడీ మూవీ ఓటీటీలోకి వ‌చ్చేది అప్పుడే - ఫ‌స్ట్ నైట్ సీడీ మిస్స‌యితే!

Romantic Comedy OTT: యానిమల్ మూవీతో ఓవ‌ర్‌నైట్‌లోనే స్టార్‌గా మారిపోయింది త్రిప్తి డిమ్రి. ర‌ణ్‌బీర్‌క‌పూర్ హీరోగా సందీప్ వంగా ద‌ర్శ‌క‌త్వంలో తెర‌కెక్కిన ఈ మూవీలో బోల్డ్ క్యారెక్ట‌ర్‌లో త్రిప్తి డిమ్రి క‌నిపించింది.

ఈ సినిమాతో యువ‌త‌రం ఆరాధ్య నాయిక‌గా మారిపోయింది. బాలీవుడ్‌తో పాటు సౌత్‌లో ఈ అమ్మ‌డి ఫాలోయింగ్ భారీగా పెరిగింది. బాలీవుడ్‌లో త్రిప్తి డిమ్రికి అవ‌కాశాలు క్యూ క‌డుతోన్నాయి.యానిమ‌ల్ త‌ర్వాత త్రిప్తి డిమ్రి హీరోయిన్‌గా న‌టించిన బ్యాడ్ న్యూస్ మూవీ బాక్సాఫీస్ వ‌ద్ద వంద కోట్ల క‌లెక్ష‌న్స్ రాబ‌ట్టింది.

రొమాంటిక్ కామెడీ మూవీ...

విక్కీ విద్యా కా వో వాలా వీడియో మూవీతో ఈ శుక్ర‌వారం (అక్టోబ‌ర్ 11న‌) ప్రేక్ష‌కుల ముందుకొచ్చింది త్రిప్తి డిమ్రి. రొమాంటిక్ ఎంట‌ర్‌టైన‌ర్‌గా తెర‌కెక్కిన ఈ మూవీలో రాజ్‌కుమార్ రావ్ హీరోగా న‌టించాడు. మ‌ల్లికా షెరావ‌త్‌, విజ‌య్ రాజ్‌, మ‌స్త్ అలీ కీల‌క పాత్ర‌లు పోషించారు. రాజ్ శాండిల్య ద‌ర్శ‌క‌త్వం వ‌హించాడు.

ఫ‌స్ట్ డే పాజిటివ్ టాక్‌...

విక్కీ విద్యా కా వో వాలా వీడియో మూవీ ఫ‌స్ట్ డే పాజిటివ్ టాక్‌ను సొంతం చేసుకుంది. శుక్ర‌వారం రోజు ఈ మూవీకి ఐదున్న‌ర కోట్ల క‌లెక్ష‌న్స్ రాబ‌ట్టిన‌ట్లు బాలీవుడ్ ట్రేడ్ వ‌ర్గాలు తెలిపాయి.

నెట్‌ఫ్లిక్స్‌లో...

విక్కీ విద్యా కా వో వాలా వీడియో ఓటీటీ ప్లాట్‌ఫామ్ ఫిక్సైంది. థియేట్రిక‌ల్ రిలీజ్‌కు ముందే ఈ సినిమా డిజిట‌ల్ హ‌క్కుల‌ను నెట్‌ఫ్లిక్స్ సొంతం చేసుకున్న‌ది. 25 కోట్ల‌కు ఓటీటీ రైట్స్ అమ్ముడుపోయిన‌ట్లు స‌మాచారం. థియేట‌ర్ల‌లో రిలీజైన ఐదు వారాల త‌ర్వాత న‌వంబ‌ర్ మూడు లేదా నాలుగో వారంలో ఈ రొమాంటిక్ కామెడీ మూవీ ఓటీటీలో రిలీజ్ కానున్న‌ట్లు చెబుతోన్నారు.

ఫ‌స్ట్ నైట్ సీడీ మిస్స‌యితే...

1990 బ్యాక్‌డ్రాప్‌లో రొమాంటిక్ కామెడీ అంశాల‌తో ద‌ర్శ‌కుడు రాజ్ శాండిల్య విక్కీ విద్యా కా వో వాలా మూవీని తెర‌కెక్కించాడు. విక్కీ (రాజ్‌కుమార్ రావ్‌), విద్యా( త్రిప్తి డిమ్రి) కొత్త‌గా పెళ్లిచేసుకుంటారు. దాంప‌త్య జీవితం మ‌ధురంగా సాగ‌డంతో పాటు భ‌విష్య‌త్తులో త‌మ మ‌ధ్య ఎలాంటి గొడ‌వ‌లు రాకుండా ఉండాల‌నే ఆలోచ‌న‌తో ఫ‌స్ట్ నైట్ మొత్తాన్ని రికార్డ్ చేసి ఓ సీడీలో భ‌ద్ర‌ప‌రుస్తారు.

విక్కీ, విద్యా ఇంట్లో దొంగ‌లు ప‌డి ఆ సీడీని ఎత్తుకెళ‌తారు. పోయిన సీడీని విక్కీ, విద్యా తిరిగి ఎలా ద‌క్కించుకున్నారు?ఈ క్ర‌మంలో వారు ఎదుర్కొన్నే క‌ష్టాల‌ను ఫ‌న్నీగా ఈ మూవీలో చూపించారుఈ మూవీలో గ్లామ‌ర్‌, కామెడీ టైమింగ్ క‌ల‌బోత‌గా సాగే పాత్ర‌లో త్రిప్తి డిమ్రి క‌నిపించింది.

విక్కీ విద్యా కా వో వాలా వీడియో త‌ర్వాత భూల్ భూల‌య్య 3, ధ‌డ‌క్ 2 సినిమాలు చేస్తోంది త్రిప్తి డిమ్రి. టాలీవుడ్ నుంచి ఆమెకు ఆఫ‌ర్లు వ‌స్తోన్నాయి.