Bold Movie OTT: అనుకున్న‌దానికంటే ముందుగానే ఓటీటీలోకి వెరైటీ కాన్సెప్ట్‌తో వ‌చ్చిన‌ బాలీవుడ్‌ బోల్డ్ మూవీ

Bold Movie OTT: యానిమ‌ల్ బ్యూటీ త్రిప్రి డిమ్రి హీరోయిన్‌గా న‌టించిన బాలీవుడ్ బోల్డ్ మూవీ బ్యాడ్ న్యూస్ అనుకున్న‌దానికంటే ముందుగానే ఓటీటీలోకి రాబోతోంది. ఈ రొమాంటిక్ మూవీ స్ట్రీమింగ్ హ‌క్కుల‌ను అమెజాన్ ప్రైమ్ ఓటీటీ సొంతం చేసుకున్న‌ది. సెప్టెంబ‌ర్‌లో బ్యాడ్‌న్యూస్ ఓటీటీలోకి రానున్న‌ట్లు ప్ర‌చారం జ‌రిగింది.

ఆగ‌స్ట్‌లోనే ఓటీటీలోకి...

బ్యాడ్ న్యూస్ ఓటీటీ రిలీజ్ విష‌యంలో మేక‌ర్స్‌తో పాటు అమెజాన్ ప్రైమ్ త‌మ నిర్ణ‌యాన్ని మార్చుకున్న‌ట్లు స‌మాచారం. ప‌దిహేను రోజుల ముందుగానే బ్యాడ్‌న్యూస్ మూవీని ఓటీటీలోకి తీసుకురావాల‌ని ఫిక్సైన‌ట్లు తెలిసింది.ఆగ‌స్ట్‌లోనే ఈ బోల్డ్ మూవీ అమెజాన్ ప్రైమ్ ద్వారా ఓటీటీ ఆడియెన్స్ ముందుకు రాబోతోంది.

ఆగ‌స్ట్ 16 లేదా 23న బ్యాడ్‌న్యూస్ రిలీజ్ కానున్న‌ట్లు తెలిసింది. తొలుత రెంట‌ల్ విధానంలో ఈ బాలీవుడ్‌ మూవీని రిలీజ్ చేసి ఆ త‌ర్వాత ఫ్రీ స్ట్రీమింగ్‌ను అందుబాటులోకి తీసుకువ‌చ్చేలా అమెజాన్ ప్రైమ్ సంస్థ ప్లాన్ చేస్తోన్న‌ట్లు తెలిసింది. బ్యాడ్ న్యూస్ ఓటీటీ రిలీజ్ డేట్‌పై ఆగ‌స్ట్ సెకండ్ వీక్‌లో క్లారిటీ రానున్న‌ట్లు స‌మాచారం.

ఎన‌భై కోట్ల క‌లెక్ష‌న్స్‌...

ఈ బోల్డ్ రొమాంటిక్‌ మూవీలో విక్కీ కౌషల్, అమీ విర్క్ హీరోలుగా న‌టిస్తోన్నారు. క‌ర‌ణ్ జోహార్ ప్రొడ్యూస్ చేశాడు. జూలై 19న థియేట‌ర్ల‌లో రిలీజైన ఈ మూవీ ప‌ది రోజుల్లో ఎన‌భై కోట్ల వ‌సూళ్ల‌ను రాబ‌ట్టిన‌ట్లు ట్రేడ్ వ‌ర్గాలు చెబుతోన్నాయి. అయితే బ్యాడ్‌న్యూస్ మూవీ ఇంకా లాభాల్లోకి అడుగుపెట్ట‌న‌ట్లు తెలిసింది.

దాదాపు తొంభై కోట్ల బ‌డ్జెట్‌తో రూపొందిన ఈ మూవీకి ప్రాఫిట్స్ రావాలంటే ఇంకో ప‌ది కోట్ల‌కుపైనే క‌లెక్ష‌న్స్ రావాల్సివుంద‌ని చెబుతోన్నారు. ఈ బాలీవుడ్ మూవీలో స‌న్యా మ‌ల్హోత్రా, ఫాతిమా స‌నా షేక్‌, నేహా ధూపియా కీల‌క పాత్ర‌ల్లో క‌నిపించ‌బోతున్నారు.

బ్యాడ్‌న్యూస్ క‌థ ఇదే...

బోల్డ్ కాన్సెప్ట్‌తో డైరెక్ట‌ర్ ఆనంద్ తివారీ బ్యాడ్ న్యూస్ మూవీని తెర‌కెక్కించాడు. అఖిల్‌ను (విక్కీ కౌశ‌ల్‌) స‌లోనీ బ‌గ్గా ( త్రిప్తి డిమ్రి) పెళ్లి చేసుకుంటుంది. కానీ మ‌న‌స్ప‌ర్థ‌ల కార‌ణంగా కొద్ది రోజుల్లోనే అఖిల్ నుంచి స‌లోనీ విడాకులు తీసుకుంటుంది. ఆ త‌ర్వాత అనుకోకుండా గుర్బీర్ సింగ్ తో (అమీ విర్క్‌) స‌లోనీ రిలేష‌న్‌ కొన‌సాగిస్తుంది. అఖిల్‌, గుర్బీర్ ఇద్ద‌రి కార‌ణంగా స‌లోనీ త‌ల్లికాబోతున్న‌ట్లు, ఆమెకు ట్విన్స్ పుట్ట‌బోతున్న‌ట్లు డాక్ట‌ర్స్ ప్ర‌క‌టిస్తారు.

ఈ క‌వ‌ల పిల్ల‌ల్లో ఒక‌రు అఖిల్ సంతాన‌మ‌ని, మ‌రొక‌రు గుర్బీర్‌కు జ‌న్మించ‌నున్న‌ట్లు డాక్ట‌ర్లు వెల్ల‌డిస్తారు. హెటేరో పాట‌ర్న‌ల్ సూప‌ర్ ఫెకండేష‌న్ కార‌ణంగా ఇలా జ‌రిగింద‌ని డాక్ట‌ర్లు చెబుతారు. అఖిల్‌, గుర్బీర్ సింగ్‌ల‌లో స‌లోనీ ఎవ‌రిని నిజంగా ప్రేమించింది. త‌మ పిల్ల‌ల కోసం అఖిల్‌, గుర్బీర్ ఎలాంటి నిర్ణ‌యాలు తీసుకున్నార‌న్న‌దే ఈ మూవీ క‌థ‌. అక్ష‌య్ కుమార్, క‌రీనా క‌పూర్‌, కియారా అద్వానీ హీరోహీరోయిన్లుగా 2019లో రిలీజైన గుడ్ న్యూస్ మూవీకి సీక్వెల్‌గా బ్యాడ్ న్యూస్ ప్రేక్ష‌కుల ముందుకొచ్చింది.

యాన‌మిల్‌తో ఓవ‌ర్‌నైట్ స్టార్‌...

యానిమ‌ల్ మూవీతో ఓవ‌ర్‌నైట్‌లో స్టార్‌గా మారిపోయింది త్రిప్తి డిమ్రి. ర‌ణ‌భీర్‌క‌పూర్ హీరోగా సందీప్ వంగా ద‌ర్శ‌క‌త్వంలో రూపొందిన ఈ మూవీలో జోయా అనే యువ‌తిగా బోల్డ్ రోల్‌లో న‌టించింది. ఈ మూవీలో ర‌ణ‌భీర్‌క‌పూర్‌తో త్రిప్తి డిమ్రి చేసిన ఇంటిమేట్ సీన్స్ హాట్ టాపిక్‌గా నిలిచాయి.

ఈ ఇంటిమేట్ సీన్స్‌లో న్యూడ్‌గా క‌నిపించింది త్రిప్తి డిమ్రి.యానిమ‌ల్ రిలీజ్ త‌ర్వాత త్రిప్తి డిమ్రికి ఫ్యాన్ ఫాలోయింగ్ బాగా పెరిగిపోయింది. బాలీవుడ్‌లో అవ‌కాశాలు క్యూ క‌డుతోన్నాయి. ప్ర‌స్తుతం హిందీలో ఏడు సినిమాలు చేస్తోంది. భూల్ బుల‌య్యా 3, ధ‌డ‌క్ 2, విక్కీ విద్యా కా వో వాలా వీడియోతో పాటు మ‌రో నాలుగు సినిమాల షూటింగ్‌లు జ‌రుగుతోన్నాయి.