Telugu TV Serials latest TRP Ratings: తెలుగు సీరియల్స్ లేటెస్ట్ టీఆర్పీ రేటింగ్స్ ఇవే.. టాప్ 10లోకి కొత్త సీరియల్

Telugu TV Serials latest TRP Ratings: తెలుగు టీవీ సీరియల్స్ లేటెస్ట్ టీఆర్పీ రేటింగ్స్ రిలీజయ్యాయి. జులై 15 నుంచి జులై 21తో ముగిసిన వారానికిగాను ఈ టీఆర్పీ రేటింగ్స్ రిలీజ్ చేశారు. సీరియల్స్ టీఆర్పీ లెక్కించే అధికారిక బార్క్ సైట్ ఈ తాజా రేటింగ్స్ ను విడుదల చేసింది. ఈ లేటెస్ట్ టాప్ 10 చూస్తే కొత్తగా మరో స్టార్ మా సీరియల్ వచ్చి చేరింది.

దీంతో తెలుగు సీరియల్స్ లో తన పట్టును మరింత పెంచుకుంది స్టార్ మా ఛానెల్. టాప్ 10లో ఏకంగా ఏడు ఆ ఛానెల్ కు చెందిన సీరియల్సే కావడం విశేషం. బ్రహ్మముడి, నాగ పంచమి, కృష్ణా ముకుందా మురారి, మల్లీలాంటి సీరియల్స్ తోపాటు కొత్తగా ఎద లోయల్లో ఇంద్రధనస్సు సీరియల్ కూడా టాప్ 10లోకి వచ్చింది. ఈ సీరియల్ పదో స్థానంలో ఉంది.

మరోవైపు జీ తెలుగు ఛానెల్ కు చెందిన మూడు సీరియల్స్ మాత్రమే టాప్ 10లో ఉన్నాయి. త్రినయని, ప్రేమ ఎంత మధురం, పడమటి సంధ్యారాగంలాంటి సీరియల్స్ టాప్ 10లో చోటు దక్కించుకున్నాయి. ఈ లేటెస్ట్ టీఆర్పీ రేటింగ్స్ ఆగస్ట్ 2న అప్‌డేట్ అయ్యాయి. ఎప్పటిలాగే స్టార్ మా, జీ తెలుగు ఛానెల్స్ కు చెందిన సీరియల్స్ మాత్రమే టాప్ 10లో ఉన్నాయి.

తెలుగు సీరియల్స్ టీఆర్పీ రేటింగ్స్‌లో టాప్ 10 ఇవే