Sarkar Promo: సుడిగాలి సుధీర్ షోలో తెలుగు సీరియ‌ల్ హీరోయిన్ల గొడ‌వ - స‌ర్కార్ లేటెస్ట్ ఎపిసోడ్‌పై ఓ లుక్కేయండి!

Sarkar Promo: సుడిగాలి సుధీర్ హోస్ట్‌గా వ్య‌వ‌హ‌రిస్తోన్న స‌ర్కార్ గేమ్ షోలో తెలుగు సీరియ‌ల్ హీరోయిన్స్ సంద‌డి చేయ‌బోతున్నారు. ఈ ఎపిసోడ్‌కు మేఘ‌న లోకేష్‌, య‌శ్మీ గౌడ‌, పూజ‌, సౌంద‌ర్య గెస్ట్‌లుగా వచ్చారు. ఈ ఎపిసోడ్ ప్రోమోను ఆహా ఓటీటీ రిలీజ్ చేసింది.

సుధీర్ కోసం గొడ‌వ‌...

సీరియ‌ల్ హీరోయిన్ల‌పై సుధీర్ వేసిన పంచ్‌లు, సెటైర్ల‌తో ప్రోమో న‌వ్వుల‌ను కురిపిస్తోంది. ఈ ప్రోమో ఆరంభంలోనే సుధీర్ నా వాడు అంటే నా వాడు అని మేఘ‌న లోకేష్, సౌంద‌ర్య గొడ‌వ‌ ప‌డుతూ క‌నిపించారు. ఇద్ద‌రు అంద‌మైన అమ్మాయిలు నా కోసం స‌ర్కార్ షోలో గొడ‌వ ప‌డుతున్నారా...జ‌న‌ర‌ల్‌గా నేను అంటాను అంద‌రితో నువ్వు నాకే సొంతం అని సుధీర్ వారితో చెబుతూ ప్రోమోలో క‌నిపించారు.

మీరు శ్రీకాకుళం వెళ్లారా...మేఘ‌న అడ‌గ్గానే...ఎందుకు అని సుధీర్ ఆమెను అడిగాడు. శ్రీకాకుళంలో పులి తిరుగుతుంద‌ని పేప‌ర్ల‌పై రాశారు అంటూ సుధీర్‌పై మేఘ‌న పొగ‌డ్త‌లు కురిపించింది. ఇప్ప‌టివ‌ర‌కు అంద‌రూ న‌న్ను పులిరాజా అని అన‌డం విన్నాను గానీ అంటూ సుధీర్ కూడా ఆమె పొగ‌డ్త‌ల‌పై పంచ్‌లు వేశాడు.

సేమ్ డైలాగ్ రైట‌ర్‌...

ఆ త‌ర్వాత షోలోకి ఎంట్రీ ఇచ్చిన పూజ మూర్తి...సుధీర్‌ను ఉద్దేశిస్తూ మీరు చాలా హ్యాండ్స‌మ్‌గా ఉన్నారు అన‌గానే...య‌శ్మీ గౌడ‌ హ్యాండ్స‌మ్ అంటావేంటి హీరోలా ఉన్నాడ‌ని అన్న‌ది. ఏ రియాలిటీ షో..మీకు సేమ్ రైట‌ర్ డైలాగ్స్ రాశాడా అని సుధీర్ వారికి స‌మాధాన‌మివ్వ‌డం కామెడీని పంచింది. మీ వ‌ల్ల ఒక‌రు రిటైర్ అయిపోయారు అని పూజ అన‌గానే ఎవ‌రూ అడిగితే మీరు మ‌న్మ‌థుడు అంటారు...వాళ్లు మ్యూజిక్ వేస్తారు. నా లైఫ్ ఫ‌స‌క్ అంటూ సుధీర్ ఆమెకు రిప్లై ఇచ్చారు.

హాలీవుడ్ వాళ్ల‌కు థాంక్స్‌...

మీది ఎర్ర‌గ‌డ్డ అని న‌న్ను అడుగుతాడు. అమ్మాయిల‌ను పిచ్చెక్కిస్తున్నారు. అంద‌రూ అక్క‌డే ఉంటున్నారు అని చెబుతారు అంటూ య‌శ్మి గౌడ పై సుధీర్ కౌంట‌ర్లు వేశాడు. హాలీవుడ్ వాళ్లు మీకు థాంక్స్ చెప్పాలి అని పూజ అన‌గానే ఎందుకు నేను హాలీవుడ్ వెళ్ల‌నందుకేగా సుధీర్ కౌంట‌ర్లు ఇవ్వ‌డం ప్రోమోలో ఆక‌ట్టుకుంటోంది.

గేమ్ షోలో సుధీర్ అడిగిన ప్ర‌శ్న‌ల‌కు క్లూల కోసం మేఘ‌న లోకేష్‌, య‌శ్మీ, సౌంద‌ర్య‌, పూజ బేరాలు ఆడ‌టం న‌వ్వుల‌ను పంచుతుంది. షాపింగ్ చేసేప్పుడు కూడా తాము ఎలా బేరాలు ఆడుతుంది న‌లుగురు కామెడీని పంచారు. ఈ ప్రోమో తాలూకు ఫుల్ ఎపిసోడ్ ను ఆహా ఓటీటీలో చూడొచ్చు.

మూడు గేమ్ షోల‌కు

ప్ర‌స్తుతం సుడిగాలి సుధీర్ స‌ర్కార్‌తో పాటు ఫ్యామిలీ స్టార్స్‌, కామెడీ స్టాక్ ఎక్స్ ఛేంజ్ షోల‌కు హోస్ట్‌గా వ్య‌వ‌హ‌రిస్తోన్నాడు. సినిమాల కార‌ణంగా కొన్నాళ్లు టీవీ షోల‌కు దూర‌మ‌య్యాడు. ప్ర‌స్తుతం గోట్‌తో పాటు మ‌రికొన్ని సినిమాలు చేస్తోన్నాడు. త్వ‌ర‌లోనే అత‌డు జ‌బ‌ర్ధ‌స్త్‌లోకి రీఎంట్రీ ఇచ్చే అవ‌కాశం ఉన్న‌ట్లు ప్ర‌చారం జ‌రుగుతోంది. సినిమాల కార‌ణంగా 2022లో జ‌బ‌ర్ధ‌స్థ్ నుంచి బ‌య‌ట‌కు వ‌చ్చాడు సుధీర్‌. గ‌త ఏడాది సుధీర్ న‌టించిన కాలింగ్ స‌హ‌స్ర మూవీ మాత్ర‌మే రిలీజైంది.