Star Maa Serials TRP Ratings: స్టార్ మాలో అదరగొడుతున్న కొత్త సీరియల్.. మళ్లీ ఆ సీరియల్‌కే టాప్ టీఆర్పీ రేటింగ్

Star Maa Serials TRP Ratings: తెలుగు టీవీ సీరియల్స్ 47వ వారానికి సంబంధించిన టీఆర్పీ రేటింగ్స్ రిలీజయ్యాయి. ఊహించినట్లే ప్రైమ్ టైమ్ నుంచి వెళ్లిపోయిన బ్రహ్మముడి కనిపించకుండా పోగా.. కార్తీకదీపం టాప్ లోకి దూసుకెళ్లి అక్కడే స్థిరంగా ఉంది. మరోవైపు బ్రహ్మముడి స్థానంలో వచ్చిన ఇల్లు ఇల్లాలు పిల్లలు తొలి వారం నుంచే టీఆర్పీ రేటింగ్స్ లో అదరగొడుతోంది.

స్టార్ మా సీరియల్స్ టీఆర్పీ రేటింగ్స్

స్టార్ మా సీరియల్స్ 47వ వారం కూడా దుమ్మ రేపాయి. టాప్ 10లో మొదటి ఆరు స్థానాలు మరోసారి ఆ ఛానెల్లో వచ్చే సీరియల్సే సొంతం చేసుకున్నాయి. తొలి స్థానంలో 12.31 రేటింగ్ తో కార్తీకదీపం నిలిచింది. ఇక రెండో స్థానంలో కొత్త సీరియల్ ఇల్లు ఇల్లాలు పిల్లలు 11.11తో ఉండటం విశేషం. తొలి వారం నుంచే ఆ సీరియల్ ఏకంగా రెండో స్థానానికి దూసుకొచ్చింది.

మూడో స్థానంలో చిన్ని సీరియల్ 10.61తో, నాలుగో స్థానంలో ఇంటింటి రామాయణం 10.37తో, ఐదో స్థానంలో గుండె నిండా గుడి గంటలు 9.66తో, ఆరో స్థానంలో మగువ ఓ మగువ 9.53తో నిలిచాయి. ఎన్నో నెలల పాటు టాప్ లో కొనసాగిన బ్రహ్మముడి టైమ్ మధ్యాహ్నానికి మారడంతో ఆ సీరియల్ రేటింగ్ క్రమంగా పడిపోతూ వస్తోంది. తాజాగా 47వ వారం 6.05 రేటింగ్ మాత్రమే సాధించింది.

మేఘ సందేశం.. దుమ్ము రేపింది

జీ తెలుగు సీరియల్స్ లో ఈసారి మేఘ సందేశం సీరియల్ దుమ్ము రేపిందని చెప్పొచ్చు. తొలిసారి ఈ సీరియల్ ఏకంగా 9.00 రేటింగ్ సాధించడం విశేషం. జీ తెలుగులో టాప్ లో, ఓవరాల్ గా ఏడో స్థానంలో నిలిచింది. ఇక నిండు నూరేళ్ల సావాసం 7.87, పడమటి సంధ్యారాగం 7.58, జగద్ధాత్రి 6.59, త్రినయని 6.52, అమ్మాయిగారు 5.73 రేటింగ్స్ సాధించాయి.

ఈటీవీ, జెమిని సీరియల్స్ రేటింగ్స్

ఇక ఈటీవీ సీరియల్స్ విషయానికి వస్తే ఈ వారం కూడా రంగులరాట్నం 3.57తో టాప్ లో ఉంది. ఆ తర్వాతి స్థానాల్లో వరుసగా మనసంతా నువ్వే (3.36), బొమ్మరిల్లు (2.85), రావోయి చందమామ (2.75), శతమానంభవతి (2.28) సీరియల్స్ ఉన్నాయి.

అటు జెమిని సీరియల్స్ ఈవారం కూడా తీవ్రంగా నిరాశ పరిచాయి. ఈ ఛానెల్లో శ్రీమద్ రామాయణం 1.65తో అత్యధిక రేటింగ్ సాధించిన సీరియల్ గా నిలిచింది. ఆ తర్వాత కొత్తగా రెక్కలొచ్చెనా 1.36, సివంగి 1.12, భైరవి 1.03, నువ్వే కావాలి 0.98 రేటింగ్స్ తో ఉన్నాయి.