Nuvvu Nenu Prema Serial: సూప‌ర్ హిట్ సీరియ‌ల్‌కు స‌డెన్‌గా శుభం కార్డు - నువ్వు నేను ప్రేమ క్లైమాక్స్ డేట్ ఇదే!

Nuvvu Nenu Prema Serial: నువ్వు నేను ప్రేమ సీరియ‌ల్ కు అతి త్వ‌ర‌లో శుభంకార్డు ప‌డ‌నుంది. ఈ సీరియ‌ల్ క్లైమాక్స్ కు చేరుకున్న‌ట్లు ప్ర‌క‌టించి ఫ్యాన్స్‌కు షాకిచ్చింది స్టార్ మా ఛానెల్‌. ఇప్ప‌టికే ఈ సీరియ‌ల్ క్లైమాక్స్ ఎపిసోడ్ షూటింగ్ పూర్త‌యిన‌ట్లు స‌మాచారం. న‌వంబ‌ర్ 9న చివ‌రి ఎపిసోడ్ టెలికాస్ట్ ఉంటుంద‌ని అంటున్నారు.

టీఆర్‌పీలో టాప్‌...

ప్ర‌స్తుతం స్టార్ మా సీరియ‌ల్స్‌లో టీఆర్‌పీ రేటింగ్ ప‌రంగా టాప్ టెన్‌లో ఒక‌టిగా నువ్వు నేను ప్రేమ సీరియ‌ల్ కొన‌సాగుతోంది. లేటెస్ట్ టీఆర్‌పీలో 5 టీఆర్‌పీ రేటింగ్‌ను ద‌క్కించుకున్న‌ది. అర్బ‌న్ ఏరియాలో 4.21 టీఆర్‌పీ వ‌చ్చింది. ఒక‌ప్పుడు ఈ సీరియ‌ల్ టీఆర్‌పీ ప‌రంగా నంబ‌ర్‌వ‌న్ ప్లేస్‌లో నిలిచింది. ఫ్యామిలీస్‌తో పాటు యూత్ ఆడియెన్స్‌లో నువ్వు నేను ప్రేమ‌ సీరియ‌ల్ మంచి క్రేజ్‌ను సొంతం చేసుకున్న‌ది.

అర్థాంత‌రంగా ఎండ్ కార్డ్‌...

టీఆర్‌పీ బాగానే ఉన్నా నువ్వు నేను ప్రేమ సీరియ‌ల్‌కు అర్ధాంత‌రంగా శుభం కార్డు వేయ‌డం ఆస‌క్తిక‌రంగా మారింది. నువ్వు నేను సీరియ‌ల్‌ను చూసేది విక్ర‌మాదిత్య‌, ప‌ద్మావ‌తి కోస‌మ‌ని, వారికోస‌మైనా మ‌రికొన్నాళ్లు ఈ సీరియ‌ల్‌ను కొన‌సాగిస్తే బాగుంటుంద‌ని ఫ్యాన్స్ కామెంట్స్ చేస్తోన్నారు. విక్కీ, ప‌ద్దు జోడీని మిస్స‌వుతామంటూ చెబుతోన్నారు.

2022లో ప్రారంభం...

నువ్వు నేను ప్రేమ సీరియ‌ల్ 2022లో ప్రారంభ‌మైంది. ఇప్ప‌టివ‌ర‌కు ఈ సీరియ‌ల్ 769 ఎపిసోడ్స్ టెలికాస్ట్ అయ్యాయి. ఈ సీరియ‌ల్‌లో విక్ర‌మాదిత్యగా స్వామినాథ‌న్ అనంత‌రామ‌న్ న‌టించ‌గా...ప‌ద్మావ‌తి పాత్ర‌ను ప‌విత్రా బీ నాయ‌క్ పోషిస్తోంది. మ‌ధుబాల విజ‌య్‌కుమార్‌, మ‌నీష్ రెడ్డి, చిన్నా, న‌వ్య‌, వాహిని కీల‌క పాత్ర‌లు పోషిస్తోన్నారు. ప్ర‌స్తుతం స్టార్‌మాలో ఈ సీరియ‌ల్ మ‌ధ్యాహ్నం ఒంటిగంట‌కు ప్ర‌సార‌మ‌వుతోంది. ఇదివ‌ర‌కు సాయంత్రం ఏడుగంట‌ల నుంచి ఏడున్న‌ర గంట‌ల వ‌ర‌కు టెలికాస్ట్ అయ్యేది.

నువ్వు నేను ప్రేమ క‌థ ఇదే....

విక్ర‌మాదిత్య అలియాస్ విక్కీ డ‌బ్బుకు మాత్ర‌మే విలువ‌నిచ్చే ఓ బిజినెస్‌మెన్‌. డ‌బ్బు కంటే అనుబంధాలు, అప్యాయ‌త‌లే ముఖ్య‌మ‌ని న‌మ్ముతుంటుంది మిడిల్ క్లాస్ అమ్మాయి ప‌ద్మావ‌తి. అనుకోకుండా విక్కీ జీవితంలోకి భార్య‌గా వ‌స్తుంది ప‌ద్మావ‌తి.

భిన్న మ‌న‌స్త‌త్వాలు క‌లిసిన ఈ జంట కాపురం ఎలా సాగింది? భ‌ర్త కోసం ప‌ద్మావ‌తి ఎలాంటి త్యాగాలు చేసింది? విక్కీ నుంచి ప‌ద్మావ‌తిని దూరం చేయాల‌ని ముర‌ళీ కృష్ణ ఎలాంటి కుట్ర‌లు ప‌న్నాడు? ప‌ద్మావ‌తి ప్రేమ‌, మంచిత‌నాన్ని విక్కీ అర్థం చేసుకున్నాడా? లేదా? అనే క‌థాంశంతో నువ్వు నేను ప్రేమ సీరియ‌ల్ న‌డుస్తోంది. ముర‌ళీకృష్ణ కుట్ర‌ల‌ను విక్కీ తెలుసుకోవ‌డంతో అపార్థాలు,అపోహ‌త‌లు తొల‌గిపోయి విక్కీ, ప‌ద్మావ‌తి ఒక్క‌టైన‌ట్లుగా క‌న్వీన్సింగ్ క్లైమాక్స్‌తోనే ఈ సీరియ‌ల్‌ను ఎండ్ చేయ‌బోతున్న‌ట్లు స‌మాచారం.

కొత్త సీరియ‌ల్‌...

నువ్వు నేను ప్రేమ సీరియ‌ల్ స్థానంలో మ‌రో కొత్త సీరియ‌ల్‌ను స్టార్ మా మొద‌లుపెట్ట‌బోతున్న‌ట్లు తెలుస్తోంది. కొత్త సీరియ‌ల్ టైటిల్‌ను త్వ‌ర‌లోనే అనౌన్స్‌చేయ‌నున్నారు.