SAW X OTT Release Date: ఓటీటీలోకి రాబోతున్న మరో హాలీవుడ్ హారర్ మిస్టరీ థ్రిల్లర్ మూవీ

SAW X OTT Release Date: హాలీవుడ్ లో గతేడాది రిలీజైన సూపర్ హిట్ హారర్ మూవీ సా టెన్ (SAW X). టోబిన్ బెల్ నటించిన ఈ సినిమా ఫిబ్రవరి 23 నుంచి లయన్స్‌గేట్ ప్లే (Lionsgate Play)లో స్ట్రీమింగ్ కానుంది. గతేడాది సెప్టెంబర్ 29న ఈ మూవీ థియేటర్లలో రిలీజైంది. 13 మిలియన్ డాలర్ల బడ్జెట్ తో తెరకెక్కిన ఈ మూవీ బాక్సాఫీస్ దగ్గర 111 మిలియన్ డాలర్లకుపైగా వసూలు చేసింది.

ఓటీటీలోకి సా టెన్

ఈ మధ్యే జియో సినిమాలోకి మరో హాలీవుడ్ హారర్ మూవీ ది ఎగ్జార్సిస్ట్: బిలీవర్ వచ్చిన విషయం తెలిసిందే. ఇక ఇప్పుడు సా టెన్ మూవీ కూడా భయపెట్టడానికి వస్తోంది. ఇదో సీక్వెల్ మూవీ. ఈ సినిమాలో జాన్ క్రేమర్ పాత్రలో టోబిన్ బెల్ నటించాడు. సా టెన్ మూవీ లయన్స్‌గేట్ ఓటీటీలో ఫిబ్రవరి 23 నుంచి స్ట్రీమింగ్ కాబోతోంది.

సా ఫిల్మ్ సిరీస్ లో ఇది పదో మూవీ కావడం విశేషం. 2004లో తొలి సినిమా వచ్చింది. ఆ తర్వాత 2010 వరకూ ప్రతి ఏడాది ఈ సా హారర్ ఫ్రాంఛైజీ నుంచి ఒక్కో సీక్వెల్ రిలీజైంది. ఆ తర్వాత ఏడేళ్ల గ్యాప్ తో 2017లో జిగ్సా మూవీ రిలీజైంది, ఇది ఫ్రాంఛైజీలో వచ్చిన 8వ మూవీ. ఇక 2021లో స్రైరల్ పేరుతో 9వ సినిమా రాగా.. 2023లో సా టెన్ రిలీజైంది.

ఈ లేటెస్ట్ మూవీకి కెవిన్ గ్రూటెర్ట్ దర్శకత్వం వహించాడు. ఈ సినిమాలో క్యాన్సర్ తో బారిన పడిన జాన్ క్రేమర్ చికిత్స కోసం మెక్సికో వెళ్తాడు. అక్కడ ఓ ప్రయోగాత్మక, రిస్కీ చికిత్స కోసం సిద్ధమవుతాడు. అయితే అదంతా ఓ స్కామ్ అని తెలుసుకుంటాడు. ఆ తర్వాత ఏం జరిగిందన్నది ఈ సా టెన్ మూవీ కథ.

ది ఎగ్జార్సిస్ట్ బిలీవర్

ఈ మధ్యే హాలీవుడ్ హారర్ మూవీ ది ఎగ్జార్సిస్ట్ బిలీవర్ మూవీ కూడా ఓటీటీలోకి వచ్చిన విషయం తెలిసిందే. ఈ సినిమా జియో సినిమాలోకి వచ్చింది. ది ఎగ్జార్సిస్ట్ ఫ్రాంఛైజీ నుంచి వచ్చిన ఆరో సినిమా ఇది. తొలిసారి 1973లో ది ఎగ్జార్సిస్ట్ టైటిల్ తో వచ్చి వణికించిన మూవీ.. గతేడాది అక్టోబర్ లో ఆరో సీక్వెల్ ది ఎగ్జార్సిస్ట్: బిలీవర్ పేరుతో మరోసారి ప్రేక్షకుల ముందుకు వచ్చింది. అంతకుముందు వచ్చిన సినిమాలతో పోలిస్తే ఈ మూవీకి కాస్త నెగటివ్ టాక్ వచ్చినా.. బాక్సాఫీస్ దగ్గర మాత్రం సక్సెసైంది.