Sandeep Bhaiya trailer: టీవీఎఫ్ నుంచి మరో సూపర్ వెబ్ సిరీస్.. సందీప్ భయ్యా ట్రైలర్ రిలీజ్

Sandeep Bhaiya trailer: టీవీఎఫ్ (TVF) నుంచి వచ్చే వెబ్ సిరీస్ అన్నీ యూత్ ను ఎంతగానో ఆకట్టుకుంటాయి. రెండేళ్ల కిందట ఇదే టీవీఎఫ్ తీసుకొచ్చిన ఆస్పిరెంట్స్ (Aspirants) వెబ్ సిరీస్ గుర్తుంది కదా. యూపీఎస్సీ సాధించాలని కలలు కనే యువత చుట్టూ తిరిగే కథతో ఈ సిరీస్ రూపొందించారు. ఆ సిరీస్ లో సన్నీ హిందూజా పోషించిన సందీప్ భయ్యా పాత్రకు మంచి రెస్పాన్స్ వచ్చింది.

దీంతో అదే పాత్ర పేరుతో ఇప్పుడు టీవీఎఫ్ మరో వెబ్ సిరీస్ రూపొందించింది. ఈ సందీప్ భయ్యా సిరీస్ ట్రైలర్ సోమవారం (జూన్ 26) రిలీజైంది. ఈ సిరీస్ వచ్చే శుక్రవారం (జూన్ 30) నుంచి యూట్యూబ్ లో స్ట్రీమింగ్ కానుంది. సందీప్ భయ్యా పాత్ర చిన్నతనం నుంచి యూపీఎస్సీ పరీక్ష పాసయ్యే వరకూ చేసిన ప్రయాణాన్ని ఈ సిరీస్ లో చూపించనున్నారు.

ఈ క్రమంలో అతడు ఎదుర్కొన్న ఇబ్బందులు, సవాళ్లను ట్రైలర్ లో చూపించారు. ఆస్పిరెంట్స్ సిరీస్ లో యూపీఎస్సీ అభ్యర్థులకు మెంటార్ పాత్రలో ఈ సందీప్ భయ్యా కనిపించాడు. ఇప్పుడతడి పేరు మీదే ప్రత్యేకంగా ఓ సిరీస్ రూపొందించడం విశేషం. ఆ ఆస్పిరెంట్స్ సిరీస్ లాగే ఈ సందీప్ భయ్యా ట్రైలర్ చాలా ఇంట్రెస్టింగా ఉంది.

ఆస్పిరెంట్స్ వెబ్ సిరీస్ అమెజాన్ మినీ టీవీలో అందుబాటులో ఉంది. ఈమధ్యే జీ5లో వచ్చిన కోర్ట్ డ్రామా సిర్ఫ్ ఏక్ బంధా కాఫీ హై మూవీ డైరెక్టర్ అపూర్వ్ సింగ్ కర్కియే ఈ సిరీస్ ను కూడా డైరెక్ట్ చేశాడు. యూపీఎస్సీ పరీక్షకు సిద్ధమయ్యే ప్రతి ఒక్కరూ చూడాల్సిన సిరీస్ ఈ ఆస్పిరెంట్స్.

టీవీఎఫ్ నుంచి ఇప్పటికే ఎన్నో ఇంట్రెస్టింగ్ వెబ్ సిరీస్ లు వచ్చాయి. ఇక్కడ టీవీఎఫ్ అంటే ది వైరల్ ఫీవర్. ఈ బ్యానర్ లో ట్రిప్లింగ్, పిచర్స్, యే మేరీ ఫ్యామిలీ, పర్మనెంట్ రూమ్మేట్స్, కాలేజ్ రొమాన్స్, హాస్టల్ డేజ్, కోటా ఫ్యాక్టరీ, పంచాయత్ లాంటి ఎందరో మెచ్చిన సిరీస్ లు వచ్చాయి.