Bold Thriller OTT: ఓటీటీలోకి విరూపాక్ష హీరోయిన్ మలయాళం బోల్డ్ థ్రిల్లర్ మూవీ - ఎందులో చూడాలంటే?

Bold Thriller OTT:: విరూపాక్ష హీరోయిన్ సంయుక్త మీన‌న్ ప్ర‌ధాన పాత్ర‌లో న‌టించిన మ‌ల‌యాళం మూవీ బూమ్‌రాంగ్ ఓటీటీలోకి వ‌చ్చింది. బోల్డ్ థ్రిల్ల‌ర్‌గా తెర‌కెక్కిన ఈ సినిమాలో దేవ‌ర ఫేమ్ షైన్ టామ్ చాకో, చెంబ‌న్ వినోద్ జోస్‌ కీల‌క పాత్ర‌ల్లో న‌టించారు. మ‌ను సుధాక‌ర‌న్ ద‌ర్శ‌క‌త్వం వ‌హించాడు.

ఔట్‌డేటెడ్ స్టోరీ...

గ‌త ఏడాది థియేట‌ర్ల‌లో బూమ్‌రాంగ్ మూవీ రిలీజైంది. ఔట్‌డేటెడ్ కామెడీ, స్టోరీలైన్ కార‌ణంగా డిజాస్ట‌ర్‌గా నిలిచింది. దాదాపు ఏడాది త‌ర్వాత ఈ మూవీ ఓటీటీలోకి వ‌చ్చింది. సైనా ప్లే ఓటీటీలో మ‌ల‌యాళంతో పాటు త‌మిళంలో ఈ మూవీ స్ట్రీమింగ్ అవుతోంది.

వివాదంలో సంయుక్త‌....

బూమ్‌రాంగ్ రిలీజ్ టైమ్‌లో ప్ర‌మోష‌న్స్‌కు సంయుక్త మీన‌న్ దూరంగా ఉండ‌టం మ‌ల‌యాళ సినీ ప‌రిశ్ర‌మ‌లో వివాదానికి దారితీసింది. సంయుక్త మీన‌న్‌పై ఆర్టిస్ట్ అసోసియేష‌న్‌లో ద‌ర్శ‌క‌నిర్మాత‌లు కంప్లైంట్ ఇచ్చారు. త‌న‌ క్యారెక్ట‌ర్స్‌ను డైరెక్ట‌ర్ ఒక‌లా చెప్పి మ‌రోలా షూట్ చేశాడ‌ని, బోల్డ్ జోక్స్‌, డైలాగ్స్‌ను కావాల‌నే పెట్టాడంటూ ద‌ర్శ‌కుడిపై సంయుక్త విమ‌ర్శ‌లు గుప్పించింది.

బూమ్‌రాంగ్ క‌థ ఇదే...

రోనీ (షైన్ టామ్ చాకో), విశ్వ‌నాథం (చెంబ‌న్ వినోద్ జోస్‌)తో వారి మ‌రో ఇద్ద‌రి ఫ్రెండ్స్‌ను వ‌ల‌పు వ‌ల వేసి త‌న అపార్ట్‌మెంట్‌కు ర‌ప్పించుకుంటుంది హ‌నీ పాల్‌. ఆమె ఫ్లాట్‌లోకి వ‌చ్చిన న‌లుగురుస్నేహితుల‌కు ఊహించ‌ని ప‌రిణామాలు ఎదుర‌వుతాయి. ‌

హనీ పాల్ అస‌లు పేరు అంజ‌లి అని, త‌మ‌పై రివేంజ్ తీర్చుకోవ‌డానికే అపార్ట్‌మెంట్‌కు ర‌ప్పించేలా చేసింద‌ని తెలుసుకుంటారు? అంజ‌లి...హ‌నీపాల్‌గా మార‌డానికి కార‌ణం ఏమిటి? న‌లుగురు స్నేహితుల‌పై ఆమె ఎందుకు ప‌గ‌ను పెంచుకుంది అన్న‌దే ఈ మూవీ క‌థ‌.

భీమ్లానాయ‌క్‌తో ఎంట్రీ...

మ‌ల‌యాళ సినిమాల‌తో కెరీర్‌ను ప్రారంభించిన సంయుక్త మీన‌న్ ప్ర‌స్తుతం టాలీవుడ్‌లో మోస్ట్ బిజీయెస్ట్ హీరోయిన్‌గా కొన‌సాగుతోంది. ప‌వ‌న్ క‌ళ్యాణ్ భీమ్లానాయ‌క్ మూవీతో టాలీవుడ్‌లోకి ఎంట్రీ ఇచ్చింది సంయుక్త మీన‌న్‌.

ఈ మూవీలో రానా ద‌గ్గుబాటి భార్య పాత్ర‌లో క‌నిపించింది. ఆ త‌ర్వాత బింబిసార‌, విరూపాక్ష‌, సార్ సినిమాల‌తో హ్యాట్రిక్ హిట్స్ అందుకున్న‌ది. ఈ మూడు సినిమాల్లో గ్లామ‌ర్‌కు దూరంగా యాక్టింగ్‌కు స్కోప్ ఉన్న క్యారెక్ట‌ర్స్‌లో క‌నిపించింది.

నాలుగు సినిమాలు....

ప్ర‌స్తుతం తెలుగులో నాలుగు సినిమాలు చేస్తోంది సంయుక్త‌. నిఖిల్ స్వ‌యంభూలో మెయిన్ హీరోయిన్‌గా న‌టిస్తోంది. శ‌ర్వానంద్‌, బెల్లంకొండ సాయిశ్రీనివాస్‌ల‌తో జోడీగా క‌నిపించ‌బోతున్న‌ది. వీటితో పాటు ఇటీవ‌లే ఓ లేడీ ఓరియెంటెడ్ థ్రిల్ల‌ర్ మూవీకి సంయుక్త‌ గ్రీన్‌సిగ్న‌ల్ ఇచ్చింది. ప్ర‌స్తుతం ఈ నాలుగు సినిమాల షూటింగ్‌లు జ‌రుగుతోన్నాయి. తెలుగుతో పాటు మ‌ల‌యాళం, బాలీవుడ్‌లో మ‌రో రెండు సినిమాల్లో హీరోయిన్‌గా న‌టిస్తోంది.