Shaakuntalam Premiere Talk: శాకుంత‌లం ప్రీమియ‌ర్‌కు షాకింగ్ రెస్పాన్స్ - స‌మంత సినిమాపై నెగెటివ్ కామెంట్స్‌

Shaakuntalam Premiere Talk: శాకుంతలం సినిమాతో మ‌రో రెండు రోజుల్లో ప్రేక్ష‌కుల ముందుకు రాబోతున్న‌ది స‌మంత‌. మైథ‌లాజిక‌ల్ ల‌వ్‌స్టోరీగా రూపొందిన ఈ సినిమా ఏప్రిల్ 14న వ‌ర‌ల్డ్‌వైడ్‌గా రిలీజ్ కానుంది. ఈ భారీ బ‌డ్జెట్ సినిమాకు గుణ‌శేఖ‌ర్ ద‌ర్శ‌క‌త్వం వ‌హిస్తోన్నాడు. రిలీజ్‌కు ముందు హైద‌రాబాద్‌తో పాటు ప్ర‌ధాన న‌గ‌రాల్లో ఈ సినిమా పెయిడ్ త్రీడీ ప్రీమియ‌ర్స్‌ను వేయ‌బోతున్న‌ట్లు చిత్ర యూనిట్ అనౌన్స్ చేసిన సంగ‌తి తెలిసిందే.

సోమ‌వారం హైద‌రాబాద్‌లో టాలీవుడ్ వ‌ర్గాల‌తో పాటు అభిమానుల‌కు ఈ సినిమా స్పెష‌ల్ షో వేశారు. ఫ‌స్ట్ ప్రీమియ‌ర్‌కు మిక్స్‌డ్ రెస్పాన్స్ రావ‌డం చిత్ర యూనిట్‌ను క‌ల‌వ‌ర‌పెడుతోంది. ఈ పెయిడ్ ప్రీమియ‌ర్ చూసిన చాలా మంది అభిమానులు సినిమాపై నెగెటివ్ కామెంట్స్ చేస్తోన్నారు. వీఎఫ్ఎక్స్ తో పాటు సమంత డ‌బ్బింగ్ సినిమాకు మైన‌స్ అయ్యిందంటూ కామెంట్స్ చేస్తోన్నారు.

స్క్రీన్‌ప్లే విష‌యంలో గుణ‌శేఖ‌ర్ త‌డ‌బ‌డిన‌ట్లు చెబుతోన్నారు. మ‌రికొంద‌రు శాకుంత‌లం పాత్ర‌కు స‌మంత సూట్ కాలేద‌ని సోష‌ల్ మీడియాలో కామెంట్స్ పెడుతోన్నారు. తెలుగులో రిలీజ్‌కు ముందు మ‌రికొన్ని ప్రీమియ‌ర్స్ వేయాల‌ని చిత్ర యూనిట్ నిర్ణ‌యించుకున్న‌ట్లు తెలిసింది. కానీ ఫ‌స్ట్ ప్రీమియ‌ర్‌కు నెగెటివ్ టాక్‌ రావ‌డంతో ఆ నిర్ణ‌యాన్ని వాయిదా వేయాల‌ని అనుకుంటోన్న‌ట్లు తెలిసింది.

కాగా ఈ నెగెటివ్ ప్ర‌చారం వెనుక అక్కినేని ఫ్యాన్స్ ఉన్న‌ట్లు స‌మంత అభిమానులు ఆరోపిస్తోన్నారు. మ‌హాభార‌తంలోని దుష్యంతుడు, శ‌కుంత‌ల ప్రేమ‌క‌థ ఆధారంగా గుణ‌శేఖ‌ర్ శాకుంత‌లం సినిమాను తెర‌కెక్కించారు. ఇందులో దుష్యంతుడిగా మ‌ల‌యాళ న‌టుడు దేవ్‌మోహ‌న్ క‌నిపించ‌బోతున్నాడు. శాకుంత‌లం సినిమాను దిల్‌రాజుతో క‌లిసి గుణ‌శేఖ‌ర్ కూతురు నీలిమ నిర్మించింది.