Bigg Boss Sunday Episode: బిగ్‌బాస్ గిఫ్ట్‌కు గంగ‌వ్వ క‌న్నీళ్లు - కంటెస్టెంట్స్‌పై అన‌సూయ‌, హైప‌ర్ ఆది పంచ్‌లు

Bigg Boss Sunday Episode: దీపావ‌ళి ఎపిసోడ్‌లో నాగార్జున‌తో పాటు కంటెస్టెంట్స్ అంద‌రూ ట్రెడిష‌న‌ల్ డ్రెస్‌ల‌లో క‌నిపించారు. కంటెస్టెంట్స్‌కు డ్యాన్స్ టాస్క్ ఇచ్చాడు నాగార్జున‌. త‌మ ద‌గ్గ‌ర ఉన్న ప్రాప‌ర్టీస్ వాడుకుంటూ సినిమా పాట‌ల‌కు జంట‌గా డ్యాన్స్ చేయాల‌ని చెప్పాడు.

తొలుత పృథ్వీ, విష్ణుప్రియ రింగా రింగా పాట‌కు డ్యాన్స్ చేశారు. వారిద్ద‌రు స‌రిగ్గా చేయ‌లేక‌పోవ‌డంతో మ‌రో అవ‌కాశం ఇచ్చాడు నాగార్జున. ఈ సారి సోగ్గాడే చిన్ని నాయ‌న పాట‌కు త‌మ డ్యాన్సుతో అద‌ర‌గొట్టారు.అయినా పృథ్వీ, విష్ణుప్రియ‌ల‌కు నాగార్జున ఐదు మార్కులే ఇచ్చాడు.

నిఖిల్‌, య‌ష్మి స్టెప్పుల‌కు ఫిదా...

ఆ త‌ర్వాత నిఖిల్‌, య‌ష్మి వాన వాన వెల్లువాయే పాట‌కు డ్యాన్స్‌చేశారు. వారి స్టెప్పుల‌కు నాగార్జున ఫిదా అయ్యాడు. ఎనిమిది మార్కులు ఇచ్చాడు. న‌బీల్‌, హ‌రితేజ వెల్లువొచ్చి గోదార‌మ్మ పాట‌కు డ్యాన్స్‌చేశారు. మెహ‌బూబ్ - ప్రేర‌ణ‌, అవినాష్ - రోహిణి, గంగ‌వ్వ - టేస్టీ తేజ క‌లిసి స్టెప్పులు వేశారు. గంగ‌వ్వ ఎఫ‌ర్ట్స్‌కు నాగార్జున తొమ్మిది మార్కులు ఇచ్చాడు.

గంగ‌వ్వ విన్న‌ర్‌...

డ్యాన్స్ టాస్క్‌లో గెలిచిన గంగ‌వ్వ‌, టేస్టీ తేజ‌ల‌లో ఒక‌రికే గిఫ్ట్ ఉంటుంద‌ని నాగార్జున అన్నాడు. గంగ‌వ్వ‌కే గిఫ్ట్ ఇవ్వ‌మ‌ని టేస్టీ తేజ అన్నాడు. కూతురు పంపించిన వీడియో మెసేజ్‌ను గంగ‌వ్వ‌కు చూపించాడు నాగార్జున‌. విన్న‌ర్‌గా నిల‌వాలంటూ గంగ‌వ్వ కూతురు అన్న‌ది. ఈ వీడియో చూసి గంగ‌వ్వ క‌న్నీళ్లు పెట్టుకుంటుంది. ఆ త‌ర్వాత ఇచ్చిన కొబ్బ‌రికాయ టాస్క్‌లో విష్ణుప్రియ సేఫ్ అయ్యింది.

అన‌సూయ ఎంట్రీ...

ఆ త‌ర్వాత బిగ్‌బాస్ హౌజ్‌లోకి అన‌సూయ ఎంట్రీ ఇచ్చింది. సూయ...సూయ...అన‌సూయ అనే పాట‌కు డ్యాన్స్ చేస్తూ స్టేజ్‌పైకి ఫుల్ జోష్ అడుగుపెట్టింది. పుష్ప 2 గురించి అప్‌డేట్స్ ఇచ్చింది. పుష్ప అస‌లు క‌థ మొత్తం సీక్వెల్‌లోనే ఉంటుంద‌ని, ప్ర‌తి ప‌దినిమిషాల‌కు ఓ హై మూవ్‌మెంట్ ఉంటుంద‌ని అన‌సూయ అన్న‌ది.

రోహిణి, అవినాష్ విన్‌...

బిగ్‌బాస్ హౌజ్‌లో ట్రెజ‌ర్ హంట్ పేరుతో రెండు జంట‌ల‌తో గేమ్ ఆడించాడు. రోహిణి- అవినాష్‌, నిఖిల్ - య‌ష్మి ఈ గేమ్ ఆడారు. అన‌సూయ వారికి క్లూ ఇచ్చింది. ఈ టాస్క్‌లో రోహిణి- ఆవినాష్ గెలిచారు. ఆ త‌ర్వాత నామినేష‌న్స్ టాస్క్‌లో నిఖిల్ సేఫ్ అయ్యాడు.

సినిమా టీమ్స్‌...

అన‌సూయ త‌ర్వాత క మూవీ టీమ్ బిగ్‌బాస్‌లోకి ఎంట్రీ ఇచ్చింది. క‌ళ్లుమూసుకో...బొమ్మ గీసుకో అనే టాస్క్ ఇచ్చాడు. క‌తో పాటు ల‌క్కీ భాస్క‌ర్ టీమ్ కూడా బిగ్‌బాస్‌లో సంద‌డి చేసింది. దుల్క‌ర్ స‌ల్మాన్‌తో మాట్లాడే అవ‌కాశం న‌య‌ని పావ‌నితో పాటు విష్ణుప్రియ‌, హ‌రిణిల‌కు నాగార్జున ఇచ్చాడు.

ఆ త‌ర్వాత అమ‌ర‌న్ హీరోహీరోయిన్లు శివ‌కార్తికేయ‌న్‌, సాయిప‌ల్ల‌వితో పాటు జ‌బ‌ర్ధ‌స్థ్ క‌మెడియ‌న్ హైప‌ర్ ఆది కూడా బిగ్‌బాస్‌కు గెస్ట్‌గా వ‌చ్చాడు. నామినేష‌న్స్‌లో ఉన్న ఆరుగురిలో చివ‌ర‌లో న‌య‌ని పావ‌ని, మెహ‌బూబ్ ఎలిమినేష‌న్స్‌లో నిలిచారు. న‌య‌నిని సేవ్ చేసిన బిగ్‌బాస్ మెహ‌బూబ్ ఎలిమినేట్ అవుతోన్న‌ట్లు ప్ర‌క‌టించాడు.