Darling Movie: రిలీజ్‌కు ముందే లాభాలు - ప్రియ‌ద‌ర్శి, న‌భాన‌టేష్ డార్లింగ్‌కు వ‌చ్చిన టేబుల్ ప్రాఫిట్స్ ఎంతంటే?

Darling Movie: ప్రియ‌ద‌ర్శి, న‌భాన‌టేష్ జంట‌గా న‌టించిన డార్లింగ్ మూవీ జూలై19న థియేట‌ర్ల‌లోకి రాబోతోంది. రొమాంటిక్ కామెడీ ఎంట‌ర్‌టైన‌ర్‌గా తెర‌కెక్కిన ఈ మూవీతో అశ్విన్ రామ్ డైరెక్ట‌ర్‌గా టాలీవుడ్‌లోకి ఎంట్రీ ఇస్తోన్నాడు. థియేట‌ర్ల‌లో రిలీజ్‌కు ముందే ఈసినిమా లాభాల్లోకిఅడుగుపెట్టిన‌ట్లు మేక‌ర్స్ వెల్ల‌డించారు.

దాదాపు ప‌ది కోట్ల బ‌డ్జెట్ బ‌డ్జెట్‌తో డార్లింగ్ మూవీ రూపొందిన‌ట్లు స‌మాచారం. ఈ సినిమా థియేట్రిక‌ల్ బిజినెస్ వ‌ర‌ల్డ్ వైడ్‌గా ఏడు కోట్ల వ‌ర‌కు జ‌రిగిన‌ట్లు మేక‌ర్స్ వెల్ల‌డించారు. ఓటీటీ, శాటిలైట్ వంటి నాన్ థియేట్రిక‌ల్ రైట్స్ ద్వారా మ‌రో ఎనిమిది కోట్లు వ‌చ్చిన‌ట్లు పేర్కొన్నారు. మొత్తంగా రిలీజ్‌కు ముందే ఈ సినిమా ప‌దిహేను కోట్ల వ‌ర‌కు తిరిగి రాబ‌ట్టింది. మేక‌ర్స్‌కు డార్లింగ్ ఐదు కోట్ల వ‌ర‌కు లాభాల‌ను మిగిల్చిన‌ట్లు చెబుతోన్నారు.

మ‌ల్టీపుల్ ప‌ర్స‌నాలిటీ డిజార్డ‌ర్‌...

డార్లింగ్ సినిమాలో మ‌ల్టీపుల్ ప‌ర్స‌నాలిటీ డిజార్డ‌ర్‌ స‌మ‌స్య‌తో బాధ‌ప‌డే యువ‌తిగా న‌భాన‌టేష్ క‌నిపిస్తోంది. పెళ్లి త‌ర్వాత భార్య‌కు మ‌ల్టీపుల్‌ ప‌ర్స‌నాలిటీ డిజార్డ‌ర్ ఉంద‌ని తెలిసి ఓ భ‌ర్త ఏం చేశాడు? ఈ స‌మ‌స్య కార‌ణంగా ఆ భ‌ర్త ఎలాంటి ఇబ్బందులు ప‌డ్డాడు? భార్య‌కున్న స‌మ‌స్య‌ను అర్థం చేసుకున్నాడా లేదా అన్న‌దే ఈ మూవీ క‌థ‌. డార్లింగ్ మూవీలో అన‌న్య నాగ‌ళ్ల ఓ కీల‌క పాత్ర పోషిస్తోంది. ఆమె క్యారెక్ట‌ర్ ఏమిట‌న్న‌ది మేక‌ర్స్ రివీల్ చేయ‌లేదు.

హ‌నుమాన్ ప్రొడ్యూస‌ర్స్‌...

హ‌నుమాన్‌తో బ్లాక్‌బ‌స్ట‌ర్ హిట్ అందుకున్న నిరంజ‌న్‌రెడ్డి, చైత‌న్య రెడ్డి డార్లింగ్ మూవీని ప్రొడ్యూస్ చేస్తోన్నారు. ఈ సినిమాలో బ్ర‌హ్మానందం, టాక్సీవాలా విష్ణు, కృష్ణ తేజ్ ఇంపార్టెంట్ రోల్స్‌లో క‌నిపించ‌బోతున్నారు. ఈ సినిమాకు వివేక్ సాగ‌ర్ మ్యూజిక్ అందిస్తోన్నాడు.

రెండేళ్ల త‌ర్వాత టాలీవుడ్‌లోకి...

డార్లింగ్ మూవీతో న‌భాన‌టేష్ రెండేళ్ల గ్యాప్ త‌ర్వాత టాలీవుడ్‌లోకి రీఎంట్రీ ఇస్తోంది. ఓ యాక్సిడెంట్ కార‌ణంగా సినిమాల‌కు దూర‌మైంది న‌భాన‌టేష్‌. న‌న్ను దోచుకుందువ‌టే మూవీతో టాలీవుడ్‌లోకి ఎంట్రీ ఇచ్చిన న‌భాన‌టేష్ ఇస్మార్ట్ శంక‌ర్‌తో ఫ‌స్ట్ క‌మ‌ర్షియ‌ల్ స‌క్సెస్‌ను అందుకున్న‌ది. ఆ త‌ర్వాత డిస్కోరాజా, సోలో బ్ర‌తుకే సోబెట‌ర్‌తో పాటు మ‌రికొన్ని సినిమాలు చేసింది. ప్ర‌స్తుతం డార్లింగ్ మూవీతో పాటు నిఖిల్ స్వ‌యంభూలో హీరోయిన్‌గా న‌టిస్తోంది న‌భాన‌టేష్‌.

మ‌ర‌చిపోలేని విజ‌యం

మ‌రోవైపు ప్రియ‌ద‌ర్శి హీరోగా బ‌ల‌గం మూవీతో కెరీర్‌లో మ‌ర‌చిపోలేని విజ‌యాన్ని సొంతం చేసుకున్న‌ది. వేణు టిల్లు ద‌ర్శ‌క‌త్వంలో గ‌త ఏడాది చిన్న సినిమాగా రిలీజైన బ‌ల‌గం నిర్మాత‌ల‌కు లాభాల పంట‌ను ప‌డించింది. కోటి బ‌డ్జెట్‌తో రూపొందిన ఈ మూవీ 30 కోట్ల‌కుపైగా క‌లెక్ష‌న్స్ ద‌క్కించుకున్న‌ది.

ఓ వైపు హీరోగా న‌టిస్తూనే క‌మెడియ‌న్‌గా కొన‌సాగుతోన్నాడు ప్రియ‌ద‌ర్శి. ఓభీమ్ బుష్‌లో కీల‌క పాత్ర పోషించాడు. సినిమాల‌తో పాటు వెబ్‌సిరీస్‌ల‌పై ఫోక‌స్ పెడుతోన్న ప్రియ‌ద‌ర్శి తెలుగులో లూజ‌ర్, ఇన్ ది నేమ్ ఆఫ్ గాడ్‌,తో పాటు సేవ్ ది టైగ‌ర్స్ వెబ్‌సిరీస్‌లు చేశాడు.