Darling: ప్రియదర్శి నా కెమిస్ట్రీని చాలా ఇష్ట పడుతున్నారు.. హీరోయిన్ నభా నటేష్ కామెంట్స్
20 July 2024, 8:13 IST
Share
Nabha Natesh Priyadarshi Chemistry Darling Success Meet: ప్రియదర్శి, నభా నటేష్ హీరో హీరోయిన్లుగా నటించిన డార్లింగ్ సినిమాకు మంచి రెస్పాన్స్ వస్తోంది. ఈ నేపథ్యంలో డార్లింగ్ సక్సెస్ మీట్ నిర్వహించారు. ఈ వేడుకలో ప్రియదర్శి, నభా నటేష్ ఇంట్రెస్టింగ్ కామెంట్స్ చేశారు.
ప్రియదర్శి నా కెమిస్ట్రీని చాలా ఇష్ట పడుతున్నారు.. హీరోయిన్ నభా నటేష్ కామెంట్స్
Nabha Natesh Priyadarshi Darling Success Meet: ప్రియదర్శి, నభా నటేష్ లీడ్ రోల్స్‌లో నటించిన రొమాంటిక్ కామెడీ క్లీన్ ఫ్యామిలీ ఎంటర్ టైనర్ మూవీ డార్లింగ్. ఈ సినిమాకు అశ్విన్ రామ్ దర్శకత్వం వహించారు. డార్లింగ్ మూవీతోనే టాలీవుడ్‌కు దర్శకుడిగా పరిచయం అయ్యారు అశ్విన్ రామ్.
ట్రెమండస్ రెస్పాన్స్
ప్రైమ్‌షో ఎంటర్టైన్మెంట్ పతాకంపై కె నిరంజన్ రెడ్డి, శ్రీమతి చైతన్య ఈ చిత్రాన్ని నిర్మించారు. జూలై 19న థియేటర్లలో విడుదైలన డార్లింగ్ సినిమాకు మంచి రెస్పాన్స్ వస్తోంది. రిలీజ్ కంటే ముందు వేసిన డార్లింగ్ ప్రిమియర్స్ షోలకు కూడా ట్రెమండస్ రెస్పాన్స్ వచ్చింది. అలా శుక్రవారం ప్రపంచ వ్యాప్తంగా విడుదలై అన్ని వర్గాల ప్రేక్షకుల నుంచి అద్భుతమైన స్పందనతో డార్లింగ్ ఘన విజయాన్ని అందుకుంది.
డార్లింగ్ సక్సెస్ మీట్
ఈ నేపథ్యంలో డార్లింగ్ చిత్ర యూనిట్ సక్సెస్ మీట్ నిర్వహించింది. ఈ సక్సెస్ మీట్‌లో హీరో హీరోయిన్స్, డైరెక్టర్‌తోపాటు ఇతర టెక్నిషియన్స్ తమ మనసులోని భావాలని పంచుకున్నారు. సక్సెస్ మీట్‌లో హీరో ప్రియదర్శి మాట్లాడుతూ.. "నిన్న శ్రీరాములు థియేటర్, ట్రిపుల్ ఏలో ప్రిమియర్స్ హౌస్ ఫుల్ షోస్ చూసిన తర్వాత చాలా మంచిగా అనిపించింది. క్రౌడ్ రెస్పాన్స్ అదిరిపోయింది. కామెడీ, ఎమోషన్స్‌కి అద్భుతంగా కనెక్ట్ అవుతున్నారు" అని చెప్పారు.
అలాంటి అప్రిషియేషన్
"డార్లింగ్ సినిమా చూసిన మా అమ్మగారు క్లాప్స్ కొట్టడం చాలా ఆనందంగా అనిపించింది. మన ఇంట్లోనే మనం చేసిన వర్క్‌కి అలాంటి అప్రిషియేషన్ వస్తే ఆ సంతోషం వేరుంటుంది. వుమెన్ ఆడియన్స్ చాలా కనెక్ట్ అయ్యారు. సినిమా చూసి చాలా హ్యాపీగా ఫీలయ్యారు. అందరి నుంచి చాలా అద్భుతమైన రెస్పాన్స్ వస్తోంది" అని ప్రియదర్శి తెలిపారు.
హ్యాపీ డార్లింగ్ డే
"రానున్న రోజుల్లో ఫ్యామిలీ ఆడియన్స్ అంతా థియేటర్స్‌కి వెళ్లి డార్లింగ్ చూడాలని కోరుకుంటున్నాను. ఫ్యామిలీ ఆడియన్స్ అందరూ చూడదగ్గ సినిమా డార్లింగ్. తప్పకుండా థియేటర్స్‌కి వచ్చి డార్లింగ్ చూసి ఎంజాయ్ చేయండి. హ్యాపీ డార్లింగ్ డే. థాంక్ యూ" అని ప్రియదర్శిన తన స్పీచ్ ముగించారు.
దర్శి, నా కెమిస్ట్రీని ఇష్టపడుతున్నారు
"డార్లింగ్ మూవీ ఒక క్లీన్ ఫ్యామిలీ ఎంటర్ టైనర్. ఎక్కువమంది ఫ్యామిలీ ఆడియన్స్, అమ్మాయిలు సినిమాని, దర్శి, నా కెమిస్ట్రీని చాలా ఇష్టపడుతున్నారు. జనాలకు చాలా నచ్చుతుంది. ఆడియన్స్ రెస్పాన్స్ చాలా బావుంది. ప్రిమియర్స్‌కి చాలా మంచి రెస్పాన్స్ వచ్చింది" అని హీరోయిన్ నభా నటేష్ తెలిపింది.
మరింతగా ఇష్టపడతారని
"సెకండ్ హాఫ్‌లో కొన్ని ఎమోషనల్ సీన్స్‌కి క్లాప్స్ పడటం చాలా ఆనందాన్ని ఇచ్చింది. ఆడియన్స్ సపోర్ట్ ఇలానే ఉండాలని కోరుకుంటున్నాను. అందరికీ థాంక్ యూ సో మచ్" అని నభా నటేష్ చెప్పుకొచ్చింది. డైరెక్టర్ అశ్విన్ రామ్ మాట్లాడుతూ.. "డార్లింగ్ మేము ఊహించినట్లే ఆడియన్స్‌కి అద్భుతంగా రీచ్ అయింది. ముఖ్యంగా ఫ్యామిలీ ఆడియన్స్ ఇష్టపడుతున్నారు. రానున్న రోజుల్లో మరింతగా ఫ్యామిలీ, వుమెన్ ఆడియన్స్ డార్లింగ్‌ని ఇష్టపడతారని ఆశిస్తున్నాం" అని అన్నారు.