The Raja Saab: ‘ది రాజాసాబ్’ సినిమా షూటింగ్ వీడియో రిలీజ్.. ప్రభాస్ సూపర్ లుక్: చూసేయండి

పాన్ ఇండియా రెబల్ స్టార్ ప్రభాస్ వరుసగా రెండు బ్లాక్‍బస్టర్లు కొట్టేశారు. గతేడాది సలార్ మూవీతో సూపర్ హిట్ సాధించారు. ఈ ఏడాది ‘కల్కి 2898 ఏడీ’ చిత్రంతో అద్భుతమైన సక్సెస్ అందుకున్నారు. నాగ్ అశ్విన్ దర్శకత్వం వహించిన ఈ సైన్స్ ఫిక్షన్ చిత్రం సుమారు రూ.1200కోట్ల గ్రాస్ కలెక్షన్లు దక్కించుకుంది. ప్రభాస్ ప్రస్తుతం మారుతీతో ‘ది రాజాసాబ్’ చిత్రం చేస్తున్నారు. ఈ సినిమాకు క్రేజ్ విపరీతంగా ఉంది.

కెరీర్లో తక్కువ బడ్జెట్ కామెడీ సినిమాలే చేసిన డైరెక్టర్ మారుతితో ప్రభాస్ మూవీ చేస్తుండటంతో ‘ది రాజాసాబ్’పై మొదటి నుంచి ఆసక్తి ఎక్కువగా ఉంది. ప్రస్తుతం ఈ మూవీ షూటింగ్ జోరుగా సాగుతోంది. ఈ తరుణంలో నేడు (అక్టోబర్ 8) ఈ సినిమా స్పెషల్ మేకింగ్ వీడియోను టీమ్ రిలీజ్ చేసింది.

మారుతి పుట్టిన రోజున..

డైరెక్టర్ మారుతి పుట్టిన రోజు సందర్భంగా ది రాజాసాబ్ సెట్స్ నుంచి షూటింగ్‍కు సంబంధించిన మేకింగ్ వీడియోను నేడు మేకర్స్ తీసుకొచ్చారు. మారుతి డైరెక్షన్ చేస్తున్న క్లిప్స్ ఈ వీడియోలో ఉన్నాయి. బ్లడ్‍లోనే ఎంటర్‌టైన్‍మెంట్ ఉన్న వ్యక్తి మారుతి ఉంటూ వీడియోలో ఉంది.

ఈ వీడియో చివర్లో హీరో ప్రభాస్ కనిపించారు. మారుతి భుజంపై చేయి వేసి ప్రభాస్ నవ్వారు. ఈ వీడియోలో ఆయన లుక్ హైలైట్‍గా నిలిచింది. బ్లాక్ టీ షర్ట్ ధరించి.. మెడలో స్కార్ఫ్ వేసుకున్నారు. వింటేజ్ ప్రభాస్ లుక్ కనిపించింది. సైడ్ లుక్ అదిరిపోయింది. ఇది సోషల్ మీడియాలో వైరల్ అవుతోంది.

హారర్ రొమాంటిక్ కామెడీ సినిమాగా ‘ది రాజాసాబ్’ చిత్రాన్ని మారుతి తెరకెక్కిస్తున్నారు. ఈ చిత్రంలో ప్రభాస్ కామెడీ సీన్స్ కూడా ఉంటాయని తెలుస్తోంది. ఒకప్పటి డార్లింగ్‍ ప్రభాస్‍ను మళ్లీ ఈ మూవీలో చూడొచ్చని ఫ్యాన్స్ ఎంతగానో ఎదురుచూస్తున్నారు. ఇప్పటికే ఈ మూవీ నుంచి ప్రభాస్ లుక్‍తో గ్లింప్స్ వీడియో వచ్చింది. రెబల్ స్టార్ క్లాసీ లుక్‍కు అందరూ ఫిదా అయ్యారు.

ది రాజాసాబ్ మూవీలో నిధి అగర్వాల్, మాళవిక మోహనన్ హీరోయిన్లుగా నటిస్తున్నారు. రిధి కుమార్, కామెడీ బ్రహ్మ బ్రహ్మానందం, వెన్నెల కిశోర్, రాజీవ్ కనకాల కీలకపాత్రలు పోషిస్తున్నారు. సంజయ్ దత్ కూడా ఓ ముఖ్యమైన క్యారెక్టర్ చేస్తున్నారని తెలుస్తోంది. ఈ మూవీకి థమన్ సంగీతం అందిస్తున్నారు. పీపుల్ మీడియా ఫ్యాక్టరీ పతాకంపై టీజీ విశ్వప్రసాద్, వివేక్ కూచిబొట్ల ఈ మూవీని ప్రొడ్యూజ్ చేస్తున్నారు.

ప్రభాస్ లైనప్

రెబల్ స్టార్ ప్రభాస్ వరుస సినిమాలతో బిజీగా ఉన్నారు. ది రాజాసాబ్ షూటింగ్ ఇప్పటికే దాదాపు పూర్తి కావొస్తోందని తెలుస్తోంది. తదుపరి సందీప్ రెడ్డి వంగాతో స్పిరిట్ మూవీ చేయనున్నారు ప్రభాస్. ఈ సినిమా షూటింగ్ డిసెంబర్‌లో మొదలయ్యే అవకాశం ఉందని గతంలో సందీప్ చెప్పారు. ఈ చిత్రంలో పవర్‌ఫుల్ పోలీస్ ఆఫీసర్‌గా డార్లింగ్ నటించనున్నారని తెలిపారు.

డైరెక్టర్ హను రాఘవపూడితోనూ ఓ మూవీకి ప్రభాస్ ఓకే చెప్పారు. పీరియడ్ యాక్షన్ డ్రామాగా ఈ చిత్రం ఉండనుంది. దీనికి ఫౌజీ అనే టైటిల్ కూడా ఖరారైనట్టు తెలుస్తోంది. ఈ మూవీ పూజా కార్యక్రమాలు కూడా జరిగాయి.