OTT Releases This Weekend: ఈ వీకెండ్ ఓటీటీల్లో సినిమాల జాతర.. ఈ రెండూ మిస్ కావద్దు

OTT Releases This Weekend: ప్రతి వారంలాగే ఈ వీకెండ్ కూడా ఓటీటీ ప్రేక్షకులకు వినోదం పంచడానికి ఎన్నో సినిమాలు, టీవీ షోలు డిజిటల్ ప్లాట్‌ఫామ్స్ పైకి రానున్నాయి. ఇందులో ఎన్నాళ్లుగానో ఎదురు చూస్తున్న ది కేరళ స్టోరీ, నా సామిరంగలాంటి మూవీస్ ఉన్నాయి. మరి ఈ వీకెండ్ రాబోతున్న ఆ సినిమాలు, షోలు ఏవో ఒకసారి చూద్దాం.

వీకెండ్ ఓటీటీ రిలీజెస్ ఇవే..

ఈ వీకెండ్ చూడటానికి ఇప్పటికే కొన్ని టాప్ సినిమాలు ఓటీటీల్లోకి రాగా.. శుక్ర, శనివారాల్లో మరిన్ని సినిమాలు, షోలు వస్తున్నాయి. డిస్నీ ప్లస్ హాట్‌స్టార్, జీ5, ప్రైమ్ వీడియో, నెట్‌ఫ్లిక్స్ లాంటి ఓటీటీల్లో ఈ వీకెండ్ చూడటానికి ఇప్పటికే వచ్చిన, రాబోతున్న సినిమాలు, షోలు ఏవో మీరూ చూడండి.

ది కేరళ స్టోరీ - జీ5 ఓటీటీ

గతేడాది థియేటర్లలో రిలీజై సంచలన విజయం సాధించిన వివాదాస్పద మూవీ ది కేరళ స్టోరీ మూవీ మొత్తానికి ఓటీటీలోకి వచ్చేస్తోంది. ఈ సినిమా శుక్రవారం (ఫిబ్రవరి 16) నుంచి జీ5 ఓటీటీలో స్ట్రీమింగ్ కానుంది. ఈ సినిమా కోసం ఎన్నో నెలలుగా ఓటీటీ ప్రేక్షకులు ఎదురు చూస్తున్నారు.

నా సామిరంగ - డిస్నీ ప్లస్ హాట్‌స్టార్

ఈ ఏడాది సంక్రాంతికి రిలీజై మంచి హిట్ కొట్టిన అక్కినేని నాగార్జున మూవీ నా సామిరంగ మూవీ శనివారం (ఫిబ్రవరి 17) నుంచి డిస్నీ ప్లస్ హాట్‌స్టార్ లో స్ట్రీమింగ్ కానుంది. ఇప్పటికే సైంధవ్, గుంటూరు కారంలాంటి సంక్రాంతి సినిమాలు రాగా.. ఇప్పుడీ నా సామిరంగ రాబోతోంది. హనుమాన్ మాత్రం వచ్చే నెలలో ఓటీటీలోకి అడుగు పెట్టనుంది.

సలార్ హిందీ వెర్షన్ - డిస్నీ ప్లస్ హాట్‌స్టార్

ప్రభాస్ నటించిన సలార్ మూవీ ఇప్పటికే తెలుగుతోపాటు తమిళం, మలయాళం, కన్నడ, ఇంగ్లిష్ వెర్షన్లు నెట్‌ఫ్లిక్స్ లో అందుబాటులో ఉన్నాయి. అయితే సలార్ హిందీ వెర్షన్ హక్కులు మాత్రం దక్కించుకున్న డిస్నీ ప్లస్ హాట్‌స్టార్ శుక్రవారం (ఫిబ్రవరి 16) నుంచి స్ట్రీమింగ్ చేయనుంది. హిందీలో చూడాలనుకున్న వారు హాట్‌స్టార్ లో చూడొచ్చు.

భామాకలాపం 2 -ఆహా ఓటీటీ

ప్రియమణి నటించిన భామాకలాపం 2 మూవీ ఆహా ఓటీటీలో శుక్రవారం (ఫిబ్రవరి 16) నుంచి రానుంది. గతంలో భామాకలాపం మూవీ థియేటర్లలో రిలీజ్ కాగా.. ఇప్పుడు సీక్వెల్ మాత్రం నేరుగా ఓటీటీలోకి వచ్చేస్తోంది.

ఇవి కూడా చూడండి

పైన చెప్పిన సినిమాలే కాకుండా మరికొన్ని కూడా రాబోతున్నాయి. వాటిలో జయరాం నటించిన అబ్రహం ఓజ్లర్ (డిస్నీ ప్లస్ హాట్ స్టార్), ఐన్‌స్టీన్ అండ్ ద బాంబ్ (నెట్‌ఫ్లిక్స్), టోక్యో వైస్ సీజన్ (లయన్స్‌గేట్ ప్లే), హౌస్ ఆఫ్ నింజాస్ (నెట్‌ఫ్లిక్స్), దిస్ ఈజ్ మి నౌ ఎ లవ్ స్టోరీ (ప్రైమ్ వీడియో), డంకీ (నెట్‌ఫ్లిక్స్) లాంటి సినిమాలు, వెబ్ షోలను ఈ వీకెండ్ లో చూడొచ్చు. ఇప్పటికే గుంటూరు కారం, సభా నాయగన్, లవ్ స్టోరీయాలాంటివి కూడా ఓటీటీల్లో అందుబాటులో ఉన్నాయి.