NBK 109: సంక్రాంతికి బాల‌కృష్ణ వ‌ర్సెస్ రామ్‌చ‌ర‌ణ్ - ఎన్‌బీకే 109 రిలీజ్ డేట్ చెప్పేశారుగా!

NBK 109: సంక్రాంతి పండుగ సంద‌ర్భంగా టాలీవుడ్ బాక్సాఫీస్ వ‌ద్ద బాల‌కృష్ణ‌, రామ్‌చ‌ర‌ణ్ పోటీప‌డ‌బోతున్నారు. భ‌గ‌వంత్ కేస‌రి బ్లాక్‌బ‌స్ట‌ర్ త‌ర్వాత డైరెక్ట‌ర్ బాబీతో ఓ యాక్ష‌న్ ఎంట‌ర్‌టైన‌ర్ మూవీ చేయ‌బోతున్నాడు బాల‌కృష్ణ‌. ద‌స‌రా సంద‌ర్భంగా శ‌నివారం ఈ సినిమా రిలీజ్ డేట్‌ను మేక‌ర్స్ అనౌన్స్‌చేశారు. సంక్రాంతికి బాల‌కృష్ణ మూవీని రిలీజ్ చేయ‌బోతున్న‌ట్లు ప్ర‌క‌టించారు. గొడ్డ‌లి ప‌ట్టుకొని గుర్రం స్వారీ చేస్తోన్న బాల‌కృష్ణ కొత్త పోస్ట‌ర్‌ను రిలీజ్ చేశారు. ఈ పోస్ట‌ర్‌లో బాల‌కృష్ణ ముఖాన్ని మాత్రం చూపించ‌లేదు. ఈ సినిమాలో బాల‌కృష్ణ స్టైలిష్‌గా క‌నిపిస్తాడ‌ని అన్నారు.

దీపావ‌ళికి టీజ‌ర్‌...

బాల‌కృష్ణ, డైరెక్ట‌ర్ బాబీ మూవీ టీజ‌ర్‌ను దీపావ‌ళికి రిలీజ్ చేయ‌బోతున్న‌ట్లు మేక‌ర్స్ ప్ర‌క‌టించారు.ఈ భారీ బ‌డ్జెట్ సినిమాను సితార ఎంట‌ర్‌టైన్‌మెంట్స్ సంస్థ ప్రొడ్యూస్ చేస్తోంది. బాల‌కృష్ణ హీరోగా న‌టిస్తోన్న 109వ మూవీ ఇది. ఈ మూవీలో యానిమ‌ల్ ఫేమ్ బాలీవుడ్ న‌టుడు బాబీడియోల్ విల‌న్‌గా క‌నిపించ‌బోతున్నాడు. ఈ సినిమా షూటింగ్ తుది ద‌శ‌కు చేరుకున్న‌ట్లు స‌మాచారం సినిమాకు త‌మ‌న్ మ్యూజిక్ అందిస్తోన్నాడు

డాకు మ‌హ‌రాజ్‌...

బాల‌కృష్ణ డైరెక్ట‌ర్ బాబీ మూవీకి డాకు మ‌హ‌రాజ్ అనే టైటిల్‌ను ఫిక్స్ చేసిన‌ట్లు ప్ర‌చారం జ‌రుగుతోంది. బాల‌కృష్ణ క్యారెక్ట‌ర్‌ను అనుగుణంగానే ఈ టైటిల్‌ను సెలెక్ట్ చేసుకున్న‌ట్లు చెబుతోన్నారు. సంక్రాంతి కానుక‌గా జ‌న‌వ‌రి 12న ఈ సినిమా రిలీజ్ కానున్న‌ట్లు వార్త‌లు వినిపిస్తున్నాయి.

గేమ్ ఛేంజ‌ర్ కూడా...

బాల‌కృష్ణ మూవీకి రెండు రోజుల ముందుగా రామ్‌చ‌ర‌ణ్ గేమ్ ఛేంజ‌ర్ మూవీ ప్రేక్ష‌కుల ముందుకు రాబోతోంది. జ‌న‌వ‌రి 10న ఈ సినిమాను రిలీజ్ చేయ‌నున్న‌ట్లు శ‌నివారం నిర్మాత దిల్‌రాజు అనౌన్స్‌చేశాడు. వ‌చ్చే సంక్రాంతికి చిరంజీవి విశ్వంభ‌ర కూడా రిలీజ్ కావాల్సింది. గేమ్ ఛేంజ‌ర్ కోసం పండుగ రేసు నుంచి చిరంజీవి వెన‌క్కివెళ్లిపోయారు. బాల‌కృష్ణ‌, రామ్‌చ‌ర‌ణ్ సినిమాల‌తో పాటు వెంక‌టేష్‌, అనిల్‌రావిపూడి కాంబోలో వ‌స్తోన్న మూవీ కూడా సంక్రాంతికి తెలుగు ప్రేక్ష‌కుల‌ను ప‌ల‌క‌రించ‌నుంది.

బాల‌కృష్ణ‌, బోయ‌పాటి శ్రీను నాలుగో మూవీ...

టాలీవుడ్‌లో స‌క్సెస్‌ఫుల్ కాంబోల‌లో ఒక‌టిగా పేరుతెచ్చుకున్నారు హీరో బాల‌కృష్ణ‌, డైరెక్ట‌ర్ బోయ‌పాటి శ్రీను. వీరిద్ద‌రి క‌ల‌యిక‌లో నాలుగో సినిమా రాబోతుంది. అక్టోబ‌ర్ 16న పూజా కార్య‌క్ర‌మాల‌తో ఈ సినిమా లాంఛ్ కానుంది. గ‌తంలో బాల‌కృష్ణ, బోయ‌పాటి శ్రీను కాంబినేష‌న్‌లో సింహా, లెజెండ్‌, అఖండ వ‌చ్చాయి.నాలుగో మూవీ అఖండ‌కు సీక్వెల్ అని ప్ర‌చారం జ‌రుగుతోంది.