Tollywood: రిలీజ్ డేట్స్ తారుమారు - సంక్రాంతి రేసు చిరు ఔట్ - పండుగ బ‌రిలో గేమ్ ఛేంజ‌ర్ - ఓ రోజు ముందుగా పుష్ప 2 విడుద‌ల
సంక్రాంతి సినిమాల రిలీజ్ డేట్స్ మ‌రోసారి తారుమారుకున్న‌ట్లు టాలీవుడ్ వ‌ర్గాల్లోప్ర‌చారం జ‌రుగుతోంది. సంక్రాంతికి రిలీజ్ కావాల్సిన విశ్వంభ‌ర వాయిదాప‌డ‌నున్న‌ట్లు స‌మాచారం. గేమ్ ఛేంజ‌ర్ పండుగ రేసులోకి వ‌చ్చే అవ‌కాశం ఉంద‌ని చెబుతోన్నారు. పుష్ప 2 రిలీజ్ డేట్ కూడా మారిన‌ట్లు స‌మాచారం.
వ‌చ్చే ఏడాది సంక్రాంతి బ‌రిలో నిలిచే సినిమాలు ఏవ‌న్న‌ది తెలుగుప్రేక్ష‌కుల్లో ఆస‌క్తిక‌రంగా మారింది. చిరంజీవి విశ్వంభ‌ర, వెంక‌టేష్ సంక్రాంతికి వ‌స్తున్నాంతో పాటు మ‌రికొంద‌రు హీరోల సినిమాలు సంక్రాంతికివిడుద‌ల కానున్న‌ట్లు ప్ర‌చారం జ‌రుగుతోంది. తాజాగా రిలీజ్ డేట్స్ మ‌రోసారి తారుమారు కానున్న‌ట్లు టాలీవుడ్ స‌ర్కిల్‌లో ప్ర‌చారంజ‌రుగుతోంది.
విశ్వంభ‌ర ఔట్...
సంక్రాంతి రేసు నుంచి చిరంజీవి విశ్వంభ‌ర త‌ప్పుకోనున్న‌ట్లు చెబుతోన్నారు. విశ్వంభ‌ర పండుగ బ‌రి నుంచి వైదొలిగితే ఆ స్థానంలో రామ్‌చ‌ర‌ణ్ గేమ్ ఛేంజ‌ర్ రిలీజ‌య్యే అవ‌కాశం ఉంద‌ని అంటున్నారు. మ‌రోవైపు పుష్ప 2 అనుకున్న డేట్ కంటే ఓ రోజు ముందుగానే రిలీజ్ కానున్న‌ట్లు వార్త‌లు వినిపిస్తున్నాయి.
పండుగ నుంచి వెన‌క్కి...
చిరంజీవి విశ్వంభ‌ర మూవీని సంక్రాంతికి రిలీజ్ చేయ‌నున్న‌ట్లు ఓపెనింగ్ రోజే మేక‌ర్స్ ప్ర‌క‌టించారు. చిరంజీవి వైర‌ల్ ఫీవ‌ర్ కార‌ణంగా రిలీజ్ ప్లానింగ్ రివ‌ర్సైన‌ట్లు స‌మాచారం. చిరంజీవి ఫీవ‌ర్ బారిన ప‌డ‌టంతో చాలా రోజుల పాటు ఈ సినిమా షూటింగ్ నిలిచిపోయింది. ఆ ఎఫెక్ట్ రిలీజ్ డేట్‌పై ప‌డిన‌ట్లు ప్ర‌చారంజ‌రుగుతోంది.
సంక్రాంతికి ఈ సినిమారిలీజ్ కావ‌డం డౌట్‌గా మారింద‌ని అంటున్నారు. షూటింగ్, ప్రీ ప్రొడ‌క్ష‌న్ ప‌నులు ఆలస్యం కానుండ‌టంతో విశ్వంభ‌ర సంక్రాంతి రేసు నుంచి వెన‌క్కి వెళ్ల‌బోతున్న‌ట్లు స‌మాచారం.
విశ్వంభ‌ర మూవీకి బింబిసార ఫేమ్ వ‌శిష్ట మ‌ల్లిడి ద‌ర్శ‌క‌త్వం వ‌హిస్తున్నాడు. ఈ సినిమాలోచిరంజీవికి జోడీగా త్రిష హీరోయిన్‌గా న‌టిస్తోంది. ఆషికా రంగ‌నాథ్‌, మీనాక్షి చౌద‌రి కీల‌క పాత్ర‌లు పోషిస్తున్నారు.
గేమ్ ఛేంజ‌ర్ ఇన్‌...
ఒక‌వేళ సంక్రాంతి రేసు నుంచి విశ్వంభ‌ర వెన‌క్కి వెళితే...చిరు మూవీ స్థానంలో గేమ్ ఛేంజ‌ర్‌ను రిలీజ్ చేయాల‌నే యోచ‌న‌లో దిల్‌రాజు ఉన్న‌ట్లు ఇండ‌స్ట్రీ స‌ర్కిల్స్‌లో టాక్ వినిపిస్తుంది. గేమ్ ఛేంజ‌ర్ సినిమాను డిసెంబ‌ర్‌లో రిలీజ్ చేయాల‌ని అనుకుంటున్నారు. కానీ ఇప్ప‌టివ‌ర‌కు డేట్ మాత్రం వెల్ల‌డించ‌లేదు. అయితే డిసెంబ‌ర్ కంటే సంక్రాంతి అయితే బ‌డ్జెట్, బిజినెస్ ప‌రంగా గేమ్ ఛేంజ‌ర్‌కు అడ్వాంటేజ్ అవుతుంద‌ని ఆలోచ‌న‌లో మేక‌ర్స్ ఉన్న‌ట్లు స‌మాచారం.
శంక‌ర్ డైరెక్ష‌న్‌లో దాదాపు 170 కోట్ల బ‌డ్జెట్‌తో గేమ్ ఛేంజ‌ర్ రూపొందుతోంది. పొలిటిక‌ల్ యాక్ష‌న్ ఎంట‌ర్‌టైన‌ర్‌గా రూపొందుతోన్న ఈ మూవీలో కియారా అద్వానీ హీరోయిన్‌గా న‌టిస్తోంది. విశ్వంభ‌ర, గేమ్ ఛేంజ‌ర్ రిలీజ్‌డేట్స్‌పై త్వ‌ర‌లో క్లారిటీ రానున్న‌ట్లు స‌మాచారం.
ఓ రోజు ముందుగా పుష్ప 2
పుష్ప 2 రిలీజ్ డేట్‌పై టాలీవుడ్ వ‌ర్గాల్లో ఓ ఆస‌క్తిక‌ర వార్త చ‌క్క‌ర్లు కొడుతోంది. పుష్ప 2 ప్ర‌క‌టించిన తేదీ కంటే ఓ రోజు ముందుగానే ప్రేక్ష‌కుల ముందుకు రానున్న‌ట్లు స‌మాచారం. పుష్ప 2 మూవీని డిసెంబ‌ర్ 6న విడుద‌ల చేయ‌బోతున్న‌ట్లు నిర్మాత‌లు ప్ర‌క‌టించారు. తాజా స‌మాచారం ప్ర‌కారం డిసెంబ‌ర్ 6న కాకుండా డిసెంబ‌ర్ 5నే ఈ మూవీ విడుద‌ల‌కానున్న‌ట్లు స‌మాచారం.
రిలీజ్ డేట్ ఛేంజ్‌పై మ‌రో ఒక‌టి రెండు రోజుల్లో నిర్మాత‌లే అధికారిక ప్ర‌క‌ట‌న చేసే అవ‌కాశం ఉంద‌ని అంటున్నారు. అర్జున్ హీరోగా న‌టిస్తోన్న ఈ సీక్వెల్ మూవీకి సుకుమార్ ద‌ర్శ‌క‌త్వం వ‌హిస్తోన్నాడు. ర‌ష్మిక మంద‌న్న హీరోయిన్‌గా క‌నిపించ‌బోతున్న‌ది. పుష్ప పార్ట్ వ‌న్ మూవీ వ‌ర‌ల్డ్ వైడ్‌గా 375 కోట్ల‌కుపైగా క‌లెక్ష‌న్స్ రాబ‌ట్టి రికార్డులు క్రియేట్ చేసింది.
అలాగే సంక్రాంతి బ‌రిలో వెంక‌టేష్ సంక్రాంతికి వ‌స్తున్నాంతో పాటు అజిత్ గుడ్‌బ్యాడ్ అగ్లీ, సందీప్ కిష‌న్ మ‌జాకా స‌హా మ‌రికొన్ని సినిమాలు రిలీజ్ కానున్న‌ట్లు వార్త‌లొస్తున్నాయి.
