Naga Chaitanya |అఖిల్ దర్శకుడితో నాగచైతన్య సినిమా

బంగార్రాజు త‌ర్వాత సినిమాల‌కు చిన్న‌పాటి విరామం ఇచ్చిన నాగ‌చైత‌న్య మ‌ళ్లీ స్పీడు పెంచారు. వ‌రుస‌గా కొత్త సినిమాల్ని సెట్స్‌పైకి తీసుకొచ్చేందుకు ప్ర‌ణాళిక‌ల‌ను సిద్ధం చేస్తున్నారు. స‌ర్కారువారి పాట‌తో భారీ స‌క్సెస్ అందుకున్న ద‌ర్శ‌కుడు ప‌ర‌శురామ్‌తో  నాగ‌చైత‌న్య‌తో ఓ సినిమా చేయ‌బోతున్నారు. 14 రీల్స్ ప్ల‌స్ సంస్థ నిర్మించ‌నున్న ఈ సినిమా త్వ‌ర‌లోనే సెట్స్‌పైకి రానున్న‌ది. 

తాజాగా చైతూ మ‌రో చిత్రానికి గ్రీన్‌సిగ్న‌ల్ ఇచ్చిన‌ట్లు స‌మాచారం. మోస్ట్ ఎలిజిబుల్ బ్యాచ్‌లర్ ద‌ర్శ‌కుడు బొమ్మ‌రిల్లు భాస్క‌ర్‌తో అత‌డు ఓ సినిమా చేయ‌బోతున్న‌ట్లు స‌మాచారం. బొమ్మ‌రిల్లుతో తొలి అడుగులోనే ప్ర‌శంస‌ల‌ను అందుకున్నాడు భాస్క‌ర్‌. ఈ సినిమా త‌ర్వాత అత‌డికి ఆ స్థాయి విజ‌యం మ‌ళ్లీ ద‌క్క‌లేదు. తిరిగి మోస్ట్ ఎలిజిబుల్ బ్యాచ్‌ల‌ర్‌తో ఫామ్‌లోకి వ‌చ్చిన భాస్క‌ర్ ఇటీవ‌లే నాగ‌చైత‌న్య‌కు ఓ క‌థ‌ను వినిపించిన‌ట్లు స‌మాచారం. 

యూత్‌ఫుల్ ల‌వ్ ఎంట‌ర్‌టైన‌ర్‌గా ఈ సినిమా రూపొంద‌నున్నట్లు చెబుతున్నారు. నేటిత‌రం ఫ్యామిలీస్ ఎదుర్కొంటున్న ఓ స‌మ‌స్య‌ను చ‌ర్చిస్తూ ద‌ర్శ‌కుడు సిద్ధం చేసిన క‌థ న‌చ్చ‌డంతో నాగ‌చైత‌న్య ఈ సినిమాను అంగీక‌రించిన‌ట్లు స‌మాచారం. ఏకే ఎంట‌ర్‌టైన్‌మెంట్స్ సంస్థ ఈ సినిమాను నిర్మించ‌బోతున్న‌ట్లు తెలిసింది. త్వ‌ర‌లోనే ఈ చిత్రానికి సంబంధించిన అధికారిక ప్ర‌క‌ట‌న వెలువ‌డ‌నున్న‌ట్లు వార్త‌లు వినిపిస్తున్నాయి. 

కాగా నాగ‌చైత‌న్య హీరోగా న‌టించిన థాంక్యూ చిత్రం జూలై 8న రిలీజ్ కానుంది. విక్ర‌మ్ కె కుమార్ ఈ చిత్రానికి ద‌ర్శ‌క‌త్వం వ‌హిస్తున్నారు. ఈ దర్శకుడితోనే దూత అనే వెబ్‌సిరీస్ చేస్తున్నారు నాగ‌చైత‌న్య‌. హార‌ర్ క‌థాంశంతో రూపొందుతున్న ఈ వెబ్‌సిరీస్ అమెజాన్ ప్రైమ్‌లో స్ట్రీమింగ్ కానున్న‌ది.