Bigg Boss Buzz: బిగ్‌బాస్‌లో న‌య‌ని పావ‌ని తుస్ ప‌టాకా - టాప్ ఫైవ్ కంటెస్టెంట్స్ వీళ్లే - మెహ‌బూబ్ కామెంట్స్‌

Bigg Boss Buzz: బిగ్‌బాస్ లో న‌య‌ని పావ‌ని తుస్ ప‌టాకా అని మెహ‌బూబ్ దిల్ సే కామెంట్ చేశాడు. బిగ్‌బాస్ సీజ‌న్ 8 ఎనిమిదో వారంలో మెహ‌బూబ్ ఎలిమినేట్ అయ్యాడు. వైల్డ్ కార్డ్ ఎంట్రీ ద్వారా బిగ్‌బాస్‌లోకి అడుగుపెట్టిన మెహ‌బూబ్ కేవ‌లం మూడు వారాలు మాత్ర‌మే హౌజ్‌లో ఉన్నాడు.

త‌న బిగ్‌బాస్ జ‌ర్నీతో పాటు ఎలిమినేట్ కావ‌డానికి కార‌ణాల‌పై బిగ్‌బాస్ బ‌జ్‌లో ఇంట్రెస్టింగ్ కామెంట్స్ చేశాడు మెహ‌బూబ్‌. గేమ్‌ల‌తో పాటు యాక్టివిటీస్‌ల‌లో చురుకుగా పార్టిసిప‌ట్ చేశాన‌ని, హౌజ్‌లోని అంద‌రితో క‌లివిడిగానే ఉంటూ వ‌చ్చాన‌ని, . అయినా ఎందుకు ఎలిమినేట్ అయ్యానో త‌న‌కే తెలియ‌ద‌ని బిగ్‌బాస్ బ‌జ్‌లో మెహ‌బూబ్ చెప్పాడు.

అదే మైన‌స్‌గా మారంద‌నుకోను..

బిగ్‌బాస్ హౌజ్‌లో నా మ‌న‌సుకు ఏది అనిపించిందో అది చేసుకుంటూ వెళ్లాను. ఇత‌రుల‌తో డిస్క‌స్ చేయ‌డం కంటే సింపుల్‌గా ఒక్క మాట‌తో ఏదైనా తేల్చ‌డానికే నేను ఇష్ట‌ప‌డ‌తా. బిగ్‌బాస్‌లో కూడా అలాగే ఉన్నా.

అది మైన‌స్‌గా మారింద‌ని నేను అనుకోన‌ని మెహ‌బూబ్ చెప్పాడు. బిగ్‌బాస్ నాలుగో సీజ‌న్‌లో చాలా అగ్రెసివ్‌గా గేమ్ ఆడా...గెల‌వాల‌నే త‌ప‌న‌తో ఎప్పుడూ క‌నిపించా...ఈ సీజ‌న్‌లో దూకుడు త‌గ్గించి మెచ్యూర్డ్‌గా ఆడాటానికే ప్ర‌య‌త్నించా అని మెహ‌బూబ్ అన్నాడు.

నిఖిల్‌ను నామినేట్ చేయాల‌నుకున్నా...

ఈ వారం సేవ్ అయితే నెక్స్ట్ వీక్‌లో నిఖిల్‌ను నామినేట్ చేయాల‌ని అనుకున్నాన‌ని మెహ‌బూబ్ అన్నాడు. టాస్క్‌ల‌లో జాగ్ర‌త్త‌గా ఆడాల‌ని అంద‌రికి స‌ల‌హాలు ఇస్తూ తాను మాత్రం దూకుడుగా ఆడుతాడ‌ని మెహ‌బూబ్ అన్నాడు. అడ్డొచ్చిన వారిని ఇష్టం వ‌చ్చిన‌ట్లుగా తోసేస్తుంటాడ‌ని నిఖిల్‌పై కంప్లైంట్ చేశాడు మెహ‌బూబ్‌.

పేలే ప‌టాకా...తుస్ ప‌టాకా...

బిగ్‌బాస్ హౌజ్‌లో పేలే ప‌టాకా ఎవ‌రు..తుస్ ప‌టాకా ఎవ‌రూ అని అడిగిన ప్ర‌శ్న‌ల‌కు మెహ‌బూబ్ ఇంట్రెస్టింగ్‌గా ఆన్స‌ర్స్ ఇచ్చారు. య‌ష్మి పేలే ప‌టాకా అని అన్నాడు. స్టార్ట్‌గా గేమ్ ఆడుతుంద‌ని చెప్పాడు.

న‌బీల్ కూడా పేలే ప‌టాకానేన‌ని చెప్పాడు. వీరిద్ద‌రితో పాటు నిఖిల్‌, ప్రేర‌ణ‌, టేస్టీ తేజ‌, రోహిణి, గంగ‌వ్వ‌, గౌత‌మ్‌, విష్ణుప్రియ‌, అవినాష్ ల‌కు పేలే ప‌టాకా ట్యాగ్ ఇచ్చాడు. ప్రేర‌ణ‌, నిఖిల్ టాప్ ఫైవ్‌లో ఖ‌చ్చితంగా నిలుస్తార‌ని తెలిపాడు.

గంగ‌వ్వ‌ను నామినేట్ చేయ‌క‌పోవ‌డానికి కార‌ణం ఇదే?

బిగ్‌బాస్‌లో గంగ‌వ్వ‌ను ఎవ‌రూ నామినేట్ చేయ‌క‌పోవ‌డానికి కార‌ణ‌మేమిట‌నేదానిపై మెహ‌బూబ్ క్లారిటీ ఇచ్చాడు. గ‌త సీజ‌న్‌లో బిగ్‌బాస్‌కు వ‌చ్చిన‌ప్పుడు త‌నంత‌ట తానే వెళ్లిపోయింది గంగ‌వ్వ‌.

ఈ సారి మాత్రం ఎక్కువ రోజులు హౌజ్‌లో ఉండాల‌ని వ‌చ్చింది. ఎవ‌రైనా త‌న‌ను నామినేట్ చేస్తే వెళ్లిపోతాన‌నే భ‌యం ఆమెలో ఉంది. త‌న‌ను ఎవ‌రూ నామినేట్ చేయ‌ద్ద‌ని గంగ‌వ్వ అంద‌రిని రిక్వెస్ట్ చేసింది. . గంగ‌వ్వ హౌజ్‌లో ఉండాల‌ని అంద‌రూ అనుకున్నారు కాబ‌ట్టే నామినేట్ చేయ‌డం లేద‌ని మెహ‌బూబ్ తెలిపాడు.

సీజ‌న్ 4 నంచి అటాచ్‌మెంట్‌...

సీజ‌న్ 4 నుంచి గంగ‌వ్వ‌తో ఎటాచ్‌మెంట్ ఏర్ప‌డింద‌ని, ఎప్పుడు ఫోన్ చేసినా మంచి అమ్మాయిని చూసి పెళ్లిచేసుకోమ‌ని చెబుతుంటుంద‌ని మెహ‌బూబ్ అన్నాడు. గంగ‌వ్వ కాలికి ఉన్న క‌డియం తానే చేయించి ఇచ్చాన‌ని, దానిపై నా పేరును గంగ‌వ్వ‌నే రాయించుకుంద‌ని మెహ‌బూబ్ పేర్కొన్నాడు.

విష్ణుప్రియ గేమ్‌లో అంత సీరియ‌స్‌నెస్ లేద‌ని, ఆమెలోని నిజాయితీ కార‌ణంగానే ఇప్ప‌టికీ హౌజ్‌లో స‌ర్వైర్ అవుతుంద‌ని అనిపించింద‌ని మెహ‌బూబ్ తెలిపాడు. న‌య‌ని పావ‌ని తుస్ పాటాకా అని మెహ‌బూబ్ చెప్పాడు.