Bigg Boss Nominations: ఈవారం నామినేషన్స్‌లో ఆరుగురు.. కొత్త వాళ్లలో ఇద్దరే నామినేట్.. ఆమెకు మాత్రం స్పెషల్ ఆఫర్!

Bigg Boss 8 Telugu Nominations This Week: బిగ్ బాస్ తెలుగు 8 సీజన్ మరింత జోరుగా సాగుతోంది. వైల్డ్ కార్డ్ కంటెస్టెంట్స్‌గా మాజీ బిగ్ బాస్ సభ్యులు రావడంతో షో మరింత ఊపందుకుంది. బిగ్ బాస్ తెలుగు 8 రీలోడ్ ఈవెంట్‌లో 8 మంది కొత్తగా వైల్డ్ కార్డ్ ద్వారా కంటెస్టెంట్స్ ఎంట్రీ ఇచ్చారు. వారి ఎంట్రీతోనే షోపై క్రేజ్ తీసుకొచ్చారు.

నాలుగు టాస్క్‌లు

వైల్డ్ కార్డ్ అనే పదానికి న్యాయం చేసేలా వైల్డ్‌గా ఉన్నారని అనిపించింది. వైల్డ్ కార్డ్ కంటెస్టెంట్స్‌గా 8 మంది రాగా వారిని రాయల్ క్లాన్‌గా హోస్ట్ నాగార్జున ప్రకటించారు. ఈ 8 మందిలో హరితేజ, టేస్టీ తేజ, నయని పావని, మెహబూబ్ దిల్ సే, జబర్దస్త్ రోహిణి, గౌతమ్ కృష్ణ, జబర్దస్త్ అవినాష్, గంగవ్వ ఉన్నారు. వీరి ఎంట్రీతోనే ఇద్దరికి చొప్పున మొత్తం నాలుగు టాస్క్‌లు ఇచ్చారు.

ఆ టాస్క్‌ల్లో మూడింటిని రాయల్ క్లాన్స్ గెలిచిన ఇదివరకు హౌజ్‌లో ఉన్న ఓజీ (ఒరిజినల్ గ్యాంగ్‌స్టర్స్) క్లాన్స్‌కు స్ట్రాంగ్ పోటీ ఇచ్చారు. ఇక బిగ్ బాస్ 8 తెలుగు ఆరో వారం నామినేషన్స్ జోరుగా జరిగాయి. కొత్త కంటెస్టెంట్స్ వచ్చిన తొలి రోజునే ఈ నామినేషన్ల పర్వం ప్రారంభమైంది. అయితే, నామినేట్ చేసే అధికారం కొత్తగా వచ్చిన వైల్డ్ కార్డ్ కంటెస్టెంట్స్‌కే ఇచ్చారు.

నామినేషన్స్-డిఫెండ్స్

బిగ్ బాస్ తెలుగు 8 ఈ వారం నామినేషన్స్‌లో ఎక్కువగా యష్మీపై నామినేషన్స్ పడ్డాయి. ఆ తర్వాత జాబితాలో సీత ఉంది. వారి తప్పులను చెబుతూ వైల్డ్ కార్డ్ కంటెస్టెంట్స్ వారి పాయింట్స్ పెట్టారు. యష్మీ, సీత కూడా బాగానే డిఫెండ్ చేసుకున్నారు. ఆరో వారం నామినేషన్స్‌ ఇంకా పూర్తి కాలేదు. సోమవారం (అక్టోబర్ 7) నాడు జరిగిన నామినేషన్స్‌లో హరితేజ, నయని పావని, గౌతమ్, మెహబూబ్, టేస్టీ తేజ మాత్రమే నామినేట్ చేశారు.

సీత, విష్ణుప్రియను నయని, యష్మీ, విష్ణుప్రియను గౌతమ్, యష్మీ, పృథ్వీని హరితేజ, యష్మీ, సీతను మెహబూబ్, సీత, మణికంఠను టేస్టీ తేజ నామినేట్ చేశారు. ఇక ఇవాళ (అక్టోబర్ 8) కూడా కొనసాగే ఈ నామినేషన్స్‌లో గంగవ్వ, అవినాష్, రోహిణి నామినేట్ చేయనున్నారు. వీరిలో గంగవ్వ.. యష్మీ, విష్ణుప్రియను, అవినాష్.. యష్మీ, పృథ్వీని, రోహిణి.. యష్మీ, విష్ణుప్రియను నామినేట్ చేసినట్లు సమాచారం.

అందరూ కలిసి

ఇలా మొత్తంగా రెండు రోజులు పాటు సాగిన బిగ్ బాస్ తెలుగు 8 ఆరో వారం నామినేషన్స్‌లో మొత్తంగా ఆరుగురు నామినేట్ అయినట్లు తెలుస్తోంది. బిగ్ బాస్ 8 తెలుగు ఈవారం నామినేషన్స్‌లో యష్మీ గౌడ, పృథ్వీరాజ్, కిర్రాక్ సీత, విష్ణుప్రియ, మెహబూబ్, గంగవ్వ ఉన్నట్లు సమాచారం. అయితే, మొదట రాయల్స్ క్లాన్‌కే నామినేట్ అధికారం ఇచ్చినప్పటికీ తర్వాత వైల్డ్ కార్డ్ కంటెస్టెంట్స్ నుంచి ముగ్గురిని నామినేట్ చేయాల్సిందిగా ఓజీ క్లాన్ సభ్యులందరికీ కలిసి బిగ్ బాస్ ఆదేశమిచ్చినట్లు సమాచారం.

దాంతో ఓజీ క్లాన్స్ సభ్యులందరు కలిసి మెహబూబ్, గంగవ్వ, నయని పావనిని నామినేట్ చేశారు. అయితే, బిగ్ బాస్ రీలోడ్ ఈవెంట్‌ టాస్క్‌లో రాయల్ క్లాన్స్ ఇమ్యునిటీ పవర్ గెలుచుకున్నారు. దాన్ని నయని పావనికి వాడి ఆమెను నామినేషన్స్‌ నుంచి సేవ్ చేసినట్లు సమాచారం. దాంతో నయని పావనికి అలా స్పెషల్ ఆఫర్ వచ్చి మొదటి వారం నామినేషన్స్ నుంచి సేవ్ అయింది.

ఆ కారణంతోనే!

అయితే, బిగ్ బాస్ తెలుగు 7 సీజన్‌లో ఇలాగే వైల్డ్ కార్డ్‌గా ఎంట్రీ ఇచ్చిన నయని పావని తొలి వారమే ఎలిమినేట్ అయి వెళ్లిపోయింది. అది దృష్టిలో పెట్టుకునే రాయల్ క్లాన్స్ నయని పావనిని సేవ్ చేసినట్లు తెలుస్తోంది.