Vishnu Manchu: మంచు విష్ణు సినిమాకు టైటిల్ ఫిక్స్...

మంచు విష్ణు క‌మ‌ర్షియ‌ల్ స‌క్సెస్ అందుకొని చాలా రోజులైంది. ఢీ,దేనికైనా రెడీ లాంటి వినోదాత్మక సినిమాతో మ‌ళ్లీ విజ‌యాల బాట ప‌ట్టాల‌ని ప్ర‌య‌త్నిస్తున్నాడ‌త‌డు. మోస‌గాళ్లు త‌ర్వాత మూవీ ఆర్టిస్ట్ అసోసియేష‌న్ ఎన్నిక‌ల కార‌ణంగా కొన్నాళ్లు సినిమాల‌కు దూరంగా ఉన్న మంచు విష్ణు ప్ర‌స్తుతం వినోదాత్మ‌క క‌థాంశంతో ఓ సినిమా చేస్తున్నారు.

ఇషాన్ సూర్య ద‌ర్శ‌క‌త్వం వ‌హిస్తున్న ఈ సినిమా లో స‌న్నీలియోన్‌,పాయ‌ల్ రాజ్‌పుత్ హీరోయిన్లుగా న‌టిస్తున్నారు. ప‌ల్లెటూరి బ్యాక్‌డ్రాప్‌లో ముగ్గురు స్నేహితుల కథ‌తో ఈ సినిమా రూపొందుతోంది. ఈ చిత్రానికి జిన్నా అనే టైటిల్‌ను ఖ‌రారు చేసింది. విభిన్నంగా వీడియో ద్వారా ఈ సినిమా టైటిల్‌ను వెల్ల‌డించారు. వీడియోను మంచు విష్ణు సోషల్ మీడియా ద్వారా అభిమానుల‌తో పంచుకున్నారు. ఇందులో మంచు విష్ణు సునీల్‌తో ఫోన్ లో మాట్లాడుతూ క‌నిపించారు. ఎమ్మెల్యేగా పోటీచేస్తున్నావ‌ని వార్త‌లొస్తున్నాయ‌ని సునీల్... విష్ణును అడ‌గ‌టం.. అత‌డు ఆ పుకార్ల‌ను న‌మ్మొద్దంటూ చెప్ప‌డం ఆక‌ట్టుకుంటోంది.

ఢీ,దేనికైనా రెడీతో నీకోమంచి విజ‌యాల్ని అందించిన కోన వెంక‌ట్ ను టైటిల్ సూచించ‌మ‌ని అడుగు అంటూ సునీల్..విష్ణుకు స‌ల‌హా ఇచ్చిన‌ట్లుగా వీడియోలో క‌నిపించింది. ఈ స‌ల‌హాను పాటించిన విష్ణు..కోన వెంక‌ట్‌,ఛోటా కే నాయుడు,అనూప్ రూబెన్స్ తో పాటు ద‌ర్శ‌కుడు ఇషాన్ సూర్య‌తో చ‌ర్చించి ఈ టైటిల్ ను రివీల్ చేశారు. ఈ సినిమాలో విష్ణు గాలి నాగేశ్వ‌ర‌రావు పాత్ర‌లో క‌నిపించారు. ఆ పేరుకు షార్ట్ క‌ట్ జిన్నా అంటూ ఈ వీడియోలో కోన వెంక‌ట్ చెప్పారు. అవ ఎంట‌ర్‌టైన్‌మెంట్స్ ప‌తాకంపై మంచు విష్ణు ఈ సినిమాను నిర్మిస్తున్నారు.