Double iSmart Song: డబుల్ ఇస్మార్ట్ నుంచి మరో మాస్ సాంగ్ రిలీజ్: రామ్ డ్యాన్స్ సూపర్.. ‘ఏం చేద్దామంటావ్ మరి’ డైలాగ్‍తో..
16 July 2024, 17:39 IST
Share
- .Maar Muntha Song - Double iSmart: డబుల్ ఇస్మార్ట్ చిత్రం నుంచి రెండో పాట వచ్చేసింది. ఈ సాంగ్ కూడా మాస్ బీట్‍తో ఉంది. రామ్ పోతినేని మరోసారి డ్యాన్స్ ఇరగదీశారు.
Maar Muntha Song: డబుల్ ఇస్మార్ట్ నుంచి మరో మాస్ సాంగ్ రిలీజ్.. రామ్ డ్యాన్స్ సూపర్.. ‘ఏం చేద్దామంటావ్ మరి’ డైలాగ్‍తో..
యంగ్ హీరో ఉస్తాద్ రామ్ పోతినేని, స్టార్ డైరెక్టర్ పూరి జగన్నాథ్ కాంబినేషన్‍లో వస్తున్న డబుల్ ఇస్మార్ట్ చిత్రంపై ఫుల్ హైప్ ఉంది. కొంతకాలంగా వరుస పరాజయాలతో ఉన్న ఆ ఇద్దరినీ ఈ చిత్రం మళ్లీ హిట్ బాటపట్టిస్తుందనే అంచనాలు ఉన్నాయి. రామ్ - పూరి కాంబోలో 2019లో వచ్చిన సూపర్ హిట్ మాస్ యాక్షన్ మూవీ ఇస్మార్ట్ శంకర్ చిత్రానికి సీక్వెల్‍గా వస్తుండటంతోనే డబుల్ ఇస్మార్ట్ ఈ రేంజ్‍లో క్రేజ్ ఉంది. ఇక ఈ చిత్రం నుంచి రెండో పాట నేడు (జూలై 16) రిలీజ్ అయింది.
మాస్ బీట్‍తో ఊపేసేలా..
డబుల్ ఇస్మార్ట్ శంకర్ మూవీ నుంచి రెండో పాటగా మార్ ముంత.. చోడ్ చింత సాంగ్ నేడు వచ్చేసింది. ఈ సాంగ్‍కు కూడా ఫుల్ మాస్ బీట్ ఇచ్చారు మ్యూజిక్ డైరెక్టర్ మణిశర్మ. రాహుల్ సింప్లిగంజ్, కీర్తన శర్మ ఈ పాటను ఫుల్ జోష్‍తో పాడారు. ఈ సాంగ్‍కు కాసర్ల శ్యామ్ లిరిక్స్ రాశారు.
అదిరిన డ్యాన్స్
మార్ ముంత.. చోడ్ చింత పాటలో అక్కడక్కడ ఇస్మార్ట్ శంకర్ మూవీలోని దిమాక్ ఖరాబ్ ట్యూన్‍ను వస్తుంది. మొత్తంగా ఫుల్ జోష్‍తో ఈ సాంగ్ ఉంది. ఈ పాటలోనూ రామ్ పోతినేని తన ఎనర్జిటిక్ స్టెప్‍లతో అదరగొట్టేశాడు. లిరికల్ సాంగ్‍లో కొన్ని స్టెప్స్ చూపించారు మేకప్స్. కల్లు ముంతలతోనూ డ్యాన్స్ చేశాడు రామ్. హీరోయిన్ కావ్య థాపర్ గ్లామర్‌తో పాటు స్టెప్‍లతోనూ మెప్పించారు. ఈ పాట కూడా త్వరగానే చార్ట్ బస్టర్ అయ్యేలా ఉంది.
‘ఏం చేద్దామంటావ్ మరి’
సోషల్ మీడియాలో బాగా పాపులర్ అయిన మీమ్ డైలాగ్ ‘ఏం చేద్దామంటావ్ మరి’ని ఈ పాటలో వాడేశారు డబుల్ ఇస్మార్ట్ మేకర్స్. ఓ ప్రెస్‍మీట్‍లో అప్పటి తెలంగాణ సీఎం కేసీఆర్ అన్న ఈ మాట ఆ తర్వాత సోషల్ మీడియాలో చాలా పాపులర్ అయింది. ఏ ఫేమస్ మీమ్ అయింది. ఇప్పుడు ఆ డైలాగ్ ఈ సాంగ్‍లోకి వచ్చేసింది. ఈ పాటలోని లిరిక్స్‌కు ఈ డైలాగ్ కూడా సెట్ అయింది. ఎంజాయ్.. పండగో అంటూ మరో మీమ్ డైలాగ్ ఈ పాటలో ఉంది.
డబుల్ ఇస్మార్ట్ నుంచి ఇప్పటికే వచ్చిన స్టెప్పా మార్ పాట ఊపేస్తోంది. ఫుల్ నాటు మాస్ బీట్‍తో వచ్చిన ఆ సాంగ్ చాలా పాపులర్ అయింది. ఇప్పుడు వచ్చిన మార్ ముంత.. తోడ్ చింత సాంగ్ కూడా ఇదే జోరుతో ఉంది. ఈ మూవీకి పాటతోనే మరింత హైప్ పెరిగే అవకాశాలు పుష్కలంగా కనిపిస్తున్నాయి.
డబుల్ ఇస్మార్ట్ చిత్రంలో రామ్ పోతినేని సరసన కావ్య థాపర్ హీరోయిన్‍గా నటిస్తున్నారు. బాలీవుడ్ సీనియర్ స్టార్ సంజయ్ దత్ విలన్ పాత్ర పోషిస్తున్నారు. బానీ జే, అలీ, గెటప్ శ్రీను, షాయాజీ షిండే, మార్కండ్ దేశ్‍పాండే, వంశీ, ఉత్తేజ్ కీలకపాత్రలు పోషిస్తున్నారు.
మూవీ రిలీజ్ డేట్
డబుల్ ఇస్మార్ట్ సినిమా ఈ ఏడాది ఆగస్టు 15వ తేదీన థియేటర్లలో రిలీజ్ కానుంది. ఈ ఏడాది మార్చిలోనే రావాల్సిన ఈ చిత్రం ఆలస్యమైంది. షూటింగ్ కొన్ని రోజులు నిలిచిపోయింది. అయితే, మళ్లీ మొదలవగా శరవేగంగా పూర్తయింది. పుష్ప 2 వాయిదా పడడంతో ఆగస్టు 15వ తేదీన డబుల్ ఇస్మార్ట్ మేకర్స్ కన్ఫర్మ్ చేసుకున్నారు.
పూరి జగన్నాథ్ దర్శకత్వం వహిస్తున్న ఈ మాస్ యాక్షన్ థ్రిల్లర్ ‘డబుల్ ఇస్మార్ట్’ పాన్ ఇండియా మూవీగా వస్తోంది. తెలుగుతో పాటు హిందీ, తమిళం, మలయాళం, కన్నడ భాషల్లోనూ ఆగస్టు 15న విడుదల కానుంది. పూరి జగన్నాథ్, చార్మీ సంయుక్తంగా ఈ చిత్రాన్ని నిర్మిస్తున్నారు.