RX100 Movie: సెన్సేషనల్ హిట్ బోల్డ్ మూవీకి ఆరేళ్లు.. ఇప్పుడు ఏ ఓటీటీలో ఉందంటే!

కార్తికేయ గుమ్మకొండ, పాయల్ రాజ్‍పుత్ హీరోహీరోయిన్లుగా నటించిన ఆర్ఎక్స్ 100 సినిమా ఓ సెన్సేషన్ క్రియేట్ చేసింది. 2018 జూలై 12న వచ్చిన ఈ చిత్రం యూత్‍లో ఫుల్ క్రేజ్ తెచ్చుకుంది. ఎలాంటి అంచనాలు లేకుండా వచ్చిన ఈ బోల్డ్ రొమాంటిక్ యాక్షన్ డ్రామా మూవీ భారీ హిట్ అయింది. ఆర్ఎక్స్100 మూవీతోనే డైరెక్టర్ అజయ్ భూపతి దర్శకుడిగా పరిచయం అయ్యాడు. తొలి చిత్రంతోనే హిట్ కొట్టాడు. వింటేజ్ బైక్ మోడల్ ఆర్ఎక్స్100ను టైటిల్‍గా పెట్టడంతో క్రేజ్ రాగా.. మూవీ ఆకట్టుకోవటంతో సూపర్ సక్సెస్ అయింది. ఆర్స్ఎక్స్100 చిత్రం రిలీజై నేటితో (జూలై 12) ఆరేళ్లు పూర్తయ్యాయి.

‘అందరి మనసుల్లో..’

ఆర్ఎక్స్100 సినిమాకు ఆరేళ్లు పూర్తయిన సందర్భంగా హీరో కార్తికేయ గుర్తు చేసుకున్నారు. దీనిపై నేడు ట్వీట్ చేశారు. అందరి మనసుల్లో ఆర్ఎక్స్100 సినిమా చోటు దక్కించుకుందని పేర్కొన్నారు. “సంవత్సరాలు గడుస్తున్న కొద్దీ.. ఆర్ఎక్స్100 సినిమాకు ప్రతీ ఒక్కరి హృదయంలో చోటు, జ్ఞాపకాలు తప్ప.. అన్నీ మారుతున్నాయి. బ్లాక్‍బస్టర్ ఆర్ఎక్స్100 ఆరేళ్లను సెలెబ్రేట్ చేసుకుంటున్నాం” అని కార్తికేయ ట్వీట్ చేశారు.

ఒక్కసారిగా పాపులర్

ఆర్ఎక్స్100 చిత్రంతో హీరో కార్తికేయ, హీరోయిన్ పాయల్ రాజ్‍పుత్‍కు చాలా పాపులారిటీ వచ్చేంది. అంతకు ముందు ఒకటి రెండు సినిమాలు చేసిన పెద్దగా ఎవరికీ తెలియదు. అయితే, ఆర్ఎక్స్100తో ఫేమస్ అయ్యారు. ముఖ్యంగా ఇందు పాత్రలో అందంతో పాటు బోల్డ్ సీన్లలో పాయల్ రాజ్‍పుత్ ఆకట్టుకున్నారు. ఇందు పేరుతో పాపులర్ అయ్యారు. కార్తికేయ తన మాస్ లుక్, యాక్టింగ్ పర్ఫార్మెన్స్‌తో మెప్పించారు. కార్తికేయ, పాయల్ మధ్య రొమాంటిక్ సీన్లు యూత్‍లో ఫుల్ క్రేజ్ తెచ్చుకున్నాయి. మొత్తంగా ఆర్ఎక్స్100 చిత్రం కార్తికేయ, పాయల్‍కు కెరీర్ ఆరంభంలోనే భారీ హిట్ అందించింది.

ఆర్ఎక్స్100 చిత్రంతో డైరెక్టర్ అజయ్ భూపతి సంచలనం చేశారు. ఎవరీ దర్శకుడు అని అందరూ తిరిగి చూసేలా చేశారు. తొలి చిత్రంతోనే సూపర్ సక్సెస్ అందుకున్నారు. ఆయన కథ, టేకింగ్, కథను తాను అనుకున్నట్టుగా చెప్పిన విధానం ఆకట్టుకున్నాయి. ప్రేమ, మోహం, మోసం చుట్టూ ఈ మూవీ స్టోరీ సాగుతుంది.

కలెక్షన్లు ఇలా..

ఆర్ఎక్స్100 చిత్రం కేవలం రూ.2కోట్లలోపు బడ్జెట్‍లోనే తెరకెక్కిందని అంచనా. ఈ చిత్రం సుమారు రూ.25 కోట్ల వరకు గ్రాస్ కలెక్షన్లు రాబట్టింది. బాక్సాఫీస్ వద్ద సూపర్ హిట్ అయింది.

ఆర్ఎక్స్100 చిత్రంలో కార్తికేయ, పాయల్ రాజ్‍పుత్‍తో పాటు రావు రమేశ్, రాంకీ, మహేశ్, తెనాలీ శకుంతల, లక్ష్మణ్ మీసాల కీలకపాత్రలు పోషించారు. ఈ మూవీకి చేతన్ భరద్వాజ్, స్మరణ్ మ్యూజిక్ డైరెక్టర్లుగా పని చేశారు. ఈ చిత్రంలోని పిల్లారా సాంగ్ చార్ట్ బస్టర్ అయింది. ఈ మూవీని కార్తికేయ క్రియేటివ్ వర్క్స్ పతాకంపై అశోక్ రెడ్డి గుమ్మకొండ నిర్మించారు.

ఓటీటీలో ఎక్కడంటే..

ఆర్ఎక్స్100 సినిమా అమెజాన్ ప్రైమ్ వీడియో ఓటీటీలో స్ట్రీమింగ్‍కు అందుబాటులో ఉంది. ఆ ప్లాట్‍ఫామ్‍లో ఈ చిత్రాన్ని చూడొచ్చు. డిస్నీ+ హాట్‍స్టార్ ఓటీటీలో హిందీ డబ్బింగ్‍లో ఈ సినిమా ఉంది.

కార్తికేయ హీరోగా ఈ ఏడాది వచ్చిన భజే వాయువేగం సినిమా మంచి హిట్ అయింది. ఈ యాక్షన్ థ్రిల్లర్ మూవీకి అంచనాలకు తగ్గట్టుగా కలెక్షన్లు వచ్చాయి.