KA Movie Twitter Review: 'క' ట్విట్టర్ రివ్యూ: కిరణ్ అబ్బవరం సినిమాకు టాక్ ఎలా ఉందంటే.. అవే హైలైట్స్

టాలీవుడ్ యంగ్ హీరో కిరణ్ అబ్బవరం నటించిన ‘క’ చిత్రం ప్రీమియర్ షోలు నేడు (అక్టోబర్ 30) ప్రదర్శితమయ్యాయి. ఈ సస్పెన్స్ థ్రిల్లర్ చిత్రం రేపు విడుదల కానుంది. దీపావళి సందర్బంగా ఈ చిత్రం వచ్చేసింది. ఆలోగానే నేటి సాయంత్రం ప్రీమియర్ షోలు పడ్డాయి. మంచి అంచనాలతో ఈ చిత్రం ప్రేక్షకుల ముందుకు వచ్చింది. ఈ సినిమాకు సుజీత్, సందీప్ దర్శకత్వం వహించారు. ప్రీమియర్ షోల తర్వాత ‘క’ సినిమా టాక్ బయటికి వచ్చేసింది. ఈ సినిమా చూసిన నెటిజన్లు ఎక్స్ (ట్విట్టర్)లో పోస్టులు చేస్తూ రివ్యూలు ఇచ్చారు. ఆ వివరాలు ఇక్కడ చూడండి.

ఆ రెండు ట్విస్టులు, బీజీఎం హైలైట్స్

‘క’ చిత్రానికి ప్రీమియర్ల ద్వారా పాజిటివ్ రెస్పాన్స్ వచ్చింది. ఈ మూవీ అదిరిపోయిందని చాలా మంది నెటిజన్లు ట్వీట్లు చేస్తున్నారు. హీరో కిరణ్ అబ్బవరం హిట్ కొట్టేశారని అంటున్నారు. ముఖ్యంగా ఈ సినిమాలో రెండు ట్విస్టులు అదిరిపోయాయని చాలా మంది పోస్ట్ చేస్తున్నారు. క చిత్రంలో ఇంటర్వెల్‍తో పాటు క్లైమాక్స్‌లో వచ్చే ట్విస్టులు హైలైట్ అంటూ చాలా మంది అంటున్నారు. ముఖ్యంగా ప్రీ క్లైమాక్స్, క్లైమాక్స్ సూపర్ అని ట్వీట్లు చేస్తున్నారు.

‘క’ చిత్రంలో బ్యాక్‍గ్రౌండ్ మ్యూజిక్ ఊపేసిందని నెటిజన్లు అంటున్నారు. సామ్ సీఎస్ అందించిన మ్యూజిక్ సీన్లను ఎలివేట్ చేసిందని, సస్పెన్స్‌ఫుల్‍గా అనిపించిందని కామెంట్లు చేస్తున్నారు. పాటలు కూడా బాగున్నాయంటున్నారు. ఈ మూవీలో సామ్ సీఎస్‍కు అవకాశాలు పెరుగుతాయని అభిప్రాయపడుతున్నారు. టెక్నిషియన్లు అందరూ ఈ మూవీకి న్యాయం చేశారని చెబుతున్నారు. జాతర సాంగ్ అన్ని అంశాల్లో దుమ్మురేపేలా ఉన్నాయంటున్నారు.

అబ్బవరం యాక్టింగ్, యాక్షన్ అదుర్స్

‘క’ సినిమాలో హీరో కిరణ్ అబ్బవరం యాక్టింగ్ అదిరిపోయిందని నెటిజన్లు అంటున్నారు. సస్సెన్స్, యాక్షన్ సీన్లలోనూ అబ్బవరం దుమ్మురేపేశారని కామెంట్లు చేస్తున్నారు. ఈ మూవీకి అతడి పర్ఫార్మెన్స్ కూడా హైలైట్ అని అంటున్నారు. ప్రమోషన్లలో కిరణ్ చెప్పినట్టు ఈ చిత్రం కొత్తగా ఉందని, ట్విస్టులు కూడా ఊహలకు అందకుండా ఉన్నాయంటూ కొందరు ట్వీట్లు చేశారు. ఈ చిత్రంలో తన్వి రామ్, నయని సారిక కూడా బాగా చేశారని చెబుతున్నారు.

గ్రిప్పింగ్‍గా స్క్రీన్‍ప్లే.. సీక్వెల్ కూడా..

సస్పెన్స్ థ్రిల్లర్‌గా క చిత్రాన్ని తెరకెక్కించటంలో డైరెక్టర్లు సుజీత్, సందీప్ సక్సెస్ అయ్యారని నెటిజన్లు అంటున్నారు. బ్యాక్‍డ్రాప్, కాన్సెప్ట్, క్యారెక్టర్స్ రాసుకున్న తీరు అదిరిపోయాయని కామెంట్లు చేస్తున్నారు. టేకింగ్ బాగుందని చెబుతున్నారు. ఈ చిత్రంలో స్క్రీన్‍ప్లే కూడా గ్రిప్పింగ్‍గా ఆకట్టుకుంటుందని పోస్ట్ చేస్తున్నారు. క్లైమాక్స్ కూడా బాగా ఎండ్ అయిందని రాసుకొస్తున్నారు. మూవీ మొత్తం ఎంగేజింగ్‍గా సాగిందంటూ చెబుతున్నారు. మొత్తంగా ‘క’ చిత్రానికి ప్రీమియర్ల ద్వారా పాజిటివ్ టాకే వస్తోంది. ఈ చిత్రానికి సీక్వెల్ పార్ట్-2 కూడా ఉంటుందని ఎండింగ్‍లో మేకర్స్ కన్ఫర్మ్ చేశారు.

‘క’ సినిమాతో కిరణ్ అబ్బవరం బ్లాక్‍బస్టర్ కొట్టేస్తున్నారని చాలా మంది నెటిజన్లు అంటున్నారు. హిట్‍కు కావాల్సిన అన్ని అంశాలు ఈ చిత్రంలో ఉన్నాయని అభిప్రాయపడుతున్నారు. ఎస్ఆర్ కల్యాణ్ మండపం తర్వాత రెండేళ్లలో ఆరు చిత్రాలు చేసినా కిరణ్‍కు హిట్ పడలేదు. అయితే, ‘క’ మూవీలో ఆ లోటు తీరిపోతుందని కొందరు కామెంట్స్ చేస్తున్నారు. ఈ మూవీ బ్లాక్‍బస్టర్ పక్కా అంటూ రాసుకొస్తున్నారు.

‘క’ సినిమా ప్రమోషన్లను కిరణ్ అబ్బవరం జోరుగా చేశారు. ఈ చిత్రంపై చాలా నమ్మకాన్ని వ్యక్తం చేశారు. ఇది చెడ్డ మూవీ అనిపించుకుంటే సినిమాలే మానేస్తానని చెప్పారు. కచ్చితంగా కొత్తగా అనిపిస్తుందని చెప్పారు. ప్రీమియర్ల ద్వారా వచ్చిన టాక్ చూస్తుంటే కిరణ్ చెప్పిన విషయాలు నిజమైనట్టే తెలుస్తోంది. మరి, రేపు (అక్టోబర్ 31) పూర్తిస్థాయి రిలీజ్ నుంచి ఎలాంటి రెస్పాన్స్ వస్తోందో, ఈ చిత్రం ఎంత కలెక్షన్లను దక్కించుకుందో చూడాలి. ఈ చిత్రాన్ని శ్రీ చక్రాస్ ఎంటర్‌టైన్‍మెంట్ బ్యానర్ ప్రొడ్యూజ్ చేసింది.