Gunasekhar: ప్రతీ వారం అలాంటి ఘటనలే జరుగుతున్నాయి, నన్ను కదిలించాయి.. శాకుంతలం డైరెక్టర్ గుణ శేఖర్ కామెంట్స్
08 October 2024, 13:47 IST
Share
Gunasekhar About Telugu Movie Euphoria Glimpse: డైరెక్టర్ గుణ శేఖర్ తెలుగులో తెరకెక్కిస్తున్న న్యూ సినిమా యుఫోరియా. యూత్‌ను టార్గెట్ చేస్తూ అంతా కొత్త నటీనటులతో ఈ సినిమా రూపొందించిటన్లు తెలుస్తోంది. అక్టోబర్ 7న యుఫోరియా మూవీ గ్లింప్స్ లాంచ్ చేశారు. ఈ కర్మంలో గుణ శేఖర్ ఇంట్రెస్టింగ్ కామెంట్స్ చేశారు.
ప్రతీ వారం అలాంటి ఘటనలే జరుగుతున్నాయి, నన్ను కదిలించాయి.. శాకుంతలం డైరెక్టర్ గుణ శేఖర్ కామెంట్స్
Director Gunasekhar New Telugu Movie Euphoria: వైవిధ్యమైన సినిమాలు, భారీ చిత్రాలను తెరకెక్కించటంలో సెన్సేషనల్ డైరెక్టర్ గుణశేఖర్‌కు ఓ ప్ర‌త్యేక స్థానం ఉంది. శాకుంతలం, రుద్రమదేవి, ఒక్కడు వంటి సినిమాలు తెరకెక్కించిన గుణ శేకర్ డైరెక్ష‌న్‌లో ‘యుఫోరియా’ అనే యూత్‌ఫుల్ సోషల్ డ్రామాని గుణ హ్యాండ్‌మేడ్ ఫిలిమ్స్ బ్యాన‌ర్‌పై నీలిమ గుణ నిర్మించారు.
భూమిక కీలక పాత్ర
యుఫోరియా సినిమాలో విఘ్నేష్, లిఖిత, పృథ్వీ, శ్రీనిక ప్రధాన పాత్రలు పోషించారు. అలాగే, సీనియర్ హీరోయిన్ భూమిక కీలక పాత్రలో కనిపిస్తున్నారు. తాజాగా యుఫోరియా గ్లింప్స్‌ను ప్రముఖ నిర్మాత దిల్ రాజు, కే ఎల్ దామోదర ప్రసాద్ సోమవారం (అక్టోబర్ 8) నాడు రిలీజ్ చేశారు. ఈ మేరకు నిర్వహించిన కార్యక్రమంలో కేఎల్ దామోదర్ ప్రసాద్, డైరెక్టర్ గుణ శేఖర్ ఇంట్రెస్టింగ్ కామెంట్స్ చేశారు.
వర్క్ షాప్స్ నిర్వహించి
గుణ శేఖర్ మాట్లాడుతూ.. "యుఫోరియా గ్లింప్స్‌ను లాంచ్ చేసిన దిల్ రాజు గారు, దాము గారికి థాంక్స్. అంతా కొత్త వారితో ఈ చిత్రం చేశాను. తొంభై శాతం అంతా కొత్త వాళ్లే కనిపిస్తారు. కథను బేస్‌గా చేసుకుని ఈ ఫిల్మ్ చేశాను. ఏడాదిన్నర క్రితం ప్రాజెక్ట్ అనుకున్నాం. ఆరు నెలలు ప్రీ ప్రొడక్షన్ చేశాం. వీళ్లందరినీ ఆడిషన్స్ చేసి.. వర్క్ షాపులు చేసి షూటింగ్‌కు వెళ్లాం" అని తెలిపారు.
రెండు ఘటనలు కదిలించాయి
"ఇప్పటి వరకు అరవై శాతం షూట్ పూర్తయింది. యుఫోరియా అంటే ఏంటి? అనేది జనాలకు పరిచయం చేయడానికి ఈ గ్లింప్స్‌ను రిలీజ్ చేశాం. ఓ రెండు ఘటనలు నన్ను కదిలించాయి. ప్రతీ వారం అలాంటి (డ్రగ్స్, క్రైమ్) ఘటనలే జరుగుతున్నాయి. ఇప్పుడున్న సమయంలో ఇలాంటి కథను చెప్పాలని అనిపించింది" అని డైరెక్టర్ గుణ శేఖర్ అన్నారు.
ఇప్పటి ట్రెండ్‌కు తగినట్లు
"ఈ కథను రాస్తున్న కొద్దీ.. సమాజంలో ఇలాంటి ఘటనలు జరుగుతూనే వచ్చాయి. ఈ కథ అనుకున్న తరువాత నీలిమకు చెప్పాను. ఇప్పుడు ట్రెండ్‌కు తగ్గట్టుగా ఉందని నా కూతురు చెప్పింది. యూత్‌కు యూత్‌తో చెప్పాల్సిన కథ అని అన్నారు. వాళ్లు కూడా ఇన్‌పుట్స్ ఇచ్చారు. పాత్రలకు ఎవరు సూట్ అవుతారో వారినే తీసుకున్నాం. వాళ్లంతా కూడా కథకు కనెక్ట్ అయ్యారు. వారు వారి పాత్రల్లో జీవించేశారు. సినిమాటిక్‌‌గా కాకుండా అందరూ రియలిస్టిక్‌గా నటించారు" అని గుణ శేఖర్ పేర్కొన్నారు.
యూత్ మైండ్‌సెట్‌కు తగ్గట్లు
"యూత్, పేరెంట్స్ మధ్య జరిగే సంఘర్షణ నేపథ్యంలో ఈ యుఫోరియా చిత్రం ఉంటుంది. ఇప్పుడున్నయూత్ మైండ్‌సెట్‌కు తగ్గట్టుగా సినిమా చాలా కొత్తగా ఉండబోతోంది. మంచి కంటెంట్‌తో వస్తే స్టార్ హీరో ఉన్నాడా? ఏ భాషలో వచ్చింది? అనేది ఆడియెన్స్ చూడటం లేదు. కథ బాగుంటే ఆడియెన్స్ ఆదరిస్తున్నారు. ఇది చాలా పెద్ద కమర్షియల్ సక్సెస్ అవుతుందని నమ్మకం ఉంది" అని గుణ శేఖర్ ఆశాభావం వ్యక్తం చేశారు.
విజువల్స్, ఆర్ఆర్ బాగున్నాయి
కేఎల్ దామోదర్ ప్రసాద్ మాట్లాడుతూ.. "గుణ శేఖర్ వెర్సటైల్ దర్శకుడు. యుఫోరియా గ్లింప్స్ బాగుంది. విజువల్స్ బాగున్నాయి. ఆర్ఆర్ బాగుంది. ఈ చిత్రం పెద్ద హిట్ అవ్వాలని కోరుకుంటున్నాను" అని కేఎల్ దామోదర్ ప్రసాద్ అన్నారు.