Dil Raju On Game Changer: తమిళంలో ఇంకా సినిమాలు చేస్తా.. అమెరికాలో గేమ్ చేంజర్ భారీ ఈవెంట్.. దిల్ రాజు కామెంట్స్

Dil Raju About Tamil Movies: గ్లోబ‌ల్ స్టార్ రామ్ చ‌ర‌ణ్‌, స్టార్ డైరెక్ట‌ర్ శంక‌ర్ కాంబినేష‌న్‌లో రూపొందుతోన్న భారీ బ‌డ్జెట్ పాన్ ఇండియా చిత్రం ‘గేమ్ చేంజర్’. ప్ర‌పంచ వ్యాప్తంగా తెలుగు, త‌మిళ‌, హిందీ భాష‌ల్లో జ‌న‌వ‌రి 10, 2025న గేమ్ చేందర్ మూవీ గ్రాండ్‌గా రిలీజ్ కానుంది.

తమిళంలో రిలీజ్

న‌వంబ‌ర్ 9న ల‌క్నోలో గేమ్ చేంజర్ టీజ‌ర్‌ను రిలీజ్ చేస్తున్నారు. గేమ్ చేంజ‌ర్‌ను ఎస్‌వీసీ, ఆదిత్య‌రామ్ మూవీస్ సంస్థ‌లు త‌మిళంలో విడుద‌ల చేస్తున్నాయి. ఈ సంద‌ర్బంగా ఏర్పాటు చేసిన పాత్రికేయుల స‌మావేశంలో నిర్మాత‌లు దిల్‌రాజు, ఆదిత్య రామ్‌లు పాల్గొన్నారు. ఈ సంద‌ర్భంగా ఇంట్రెస్టింగ్ విశేషాలు చెప్పారు.

నిర్మాత దిల్‌రాజు మాట్లాడుతూ.. "నా 21 ఏళ్ల ప్ర‌యాణంలో నిర్మాత‌గా ‘గేమ్ చేంజ‌ర్‌’ నా 50వ సినిమా. సినిమా షూటింగ్ పూర్త‌య్యింది. మూడేళ్ల క్రితం శంక‌ర్‌ గారు ఈ సినిమా స్టోరీ లైన్ నాకు చెప్ప‌గానే ఎగ్జ‌యిట్ అయ్యాను. ఆదిత్య‌రామ్‌ గారు నాకు మంచి స్నేహితుడు. ఆయ‌న ఇది వ‌ర‌కే తెలుగు సినిమాల‌ను కూడా నిర్మించారు. త‌ర్వాత ఆయ‌న చెన్నైలో రియ‌ల్ ఎస్టేట్ చేస్తూ బిజీగా ఉండిపోయారు" అని తెలిపారు.

"ఇటీవ‌ల ఆయ‌న్ని క‌లిసిన‌ప్పుడు నేను గేమ్ చేంజ‌ర్ మూవీని చేస్తున్నాన‌ని చెప్పగా, ఆదిత్య రామ్ కూడా ఇన్‌స్పైర్ అయ్యి ఇద్ద‌రం క‌లిసి చేద్దామ‌ని నిర్ణ‌యించుకున్నాం. ఈ ట్రావెల్ కంటిన్యూ అవుతుంది. ఈ సినిమాతో పాటు, మ‌రికొన్ని తమిళ సినిమాల‌ను, పాన్ ఇండియా సినిమాల‌ను కూడా మేం నిర్మించ‌టానికి ప్లాన్ చేస్తున్నాం" అని దిల్ రాజు పేర్కొన్నారు.

అమెరికాలో భారీ ఈవెంట్

"వారిసు సినిమా త‌ర్వాత నేను త‌మిళంలో ఇంకా సినిమాలు చేయాల‌నుకుంటున్నాను. న‌వంబ‌ర్ 9న గేమ్ చేంజ‌ర్ టీజ‌ర్‌ను ల‌క్నోలో విడుద‌ల చేయ‌బోతున్నాం. త‌ర్వాత యూఎస్‌లో ఓ భారీ ఈవెంట్ చేయ‌టానికి ప్లాన్ చేస్తున్నాం. త‌ర్వాత చెన్నైలో ఓ ఈవెంట్ చేస్తున్నాం. జ‌న‌వ‌రి తొలి వారంలో ఏపీ, తెలంగాణ‌ల్లో ఈవెంట్స్ నిర్వ‌హిస్తాం" అని ప్రొడ్యూసర్ దిల్ రాజు చెప్పారు.

"జ‌న‌వ‌రి 10న సంక్రాంతి స్పెష‌ల్‌గా గేమ్ చేంజ‌ర్ సినిమాను రిలీజ్ చేస్తాం. చాలా ఎగ్జ‌యిటింగ్‌గా ఉన్నాం. యూనివ‌ర్స‌ల్‌గా గేమ్ చేంజ‌ర్ సినిమా అంద‌రినీ మెప్పిస్తుంది. శంక‌ర్ గారి సినిమాలంటేనే స్పెష‌ల్‌గా ఉంటాయి. సాంగ్స్‌, క‌మ‌ర్షియ‌ల్ ఎలిమెంట్స్‌తో పాటు సామాజిక సందేశం కూడా సినిమాలో ఉంటుంది. అవ‌న్నీ గేమ్ చేంజ‌ర్ మూవీలో ఉంటాయి" అని దిల్ రాజు నమ్మకంగా చెప్పారు.

"ఆర్ఆర్ఆర్ త‌ర్వాత రామ్ చ‌ర‌ణ్‌ గారు గ్లోబ‌ల్ స్టార్ అయ్యారు. ఆయ‌న హీరోగా న‌టిస్తోన్న సినిమా గేమ్ చేంజ‌ర్‌. కియారా అద్వానీ హీరోయిన్‌. ఎస్‌.జె.సూర్య‌గారు కీ రోల్ చేశారు. త‌మ‌న్ ఫెంటాస్టిక్ సాంగ్స్ అందించారు" అని నిర్మాత దిల్ రాజు పేర్కొన్నారు.

పదేళ్లకు పైగానే

ఆదిత్య రామ్ మాట్లాడుతూ.. "నేను సినీ రంగం నుంచి గ్యాప్ తీసుకుని 10 సంవత్సరాలకు పైగానే అయ్యింది. దిల్‌ రాజు గారితో క‌లిసి ఈ రోజు మీ ముందుకు వ‌చ్చాను. నేను ఆదిత్య‌రామ్ మూవీస్ బ్యాన‌ర్‌పై నాలుగు సినిమాలు చేశాను. ప్ర‌భాస్‌ గారితో ఏక్ నిరంజ‌న్ సినిమా నిర్మించిన త‌ర్వాత బ్రేక్ తీసుకున్నాను. రియ‌ల్ ఎస్టేట్ రంగంలోకి అడుగు పెట్టేశాను. అందువ‌ల్ల బ్రేక్ వ‌చ్చింది" అని చెప్పారు.

"ఇప్పుడు గేమ్ చేంజ‌ర్ సినిమాతో మీ ముందుకు వ‌స్తున్నాను. ఎస్‌వీసీతో క‌లిసి ఆదిత్య‌రామ్ మూవీస్ ఈ సినిమాను తమిళంలో విడుద‌ల చేస్తుంది. అలాగే మా కాంబినేష‌న్‌లో త‌మిళంతో పాటు పాన్ ఇండియా సినిమాల‌ను కూడా నిర్మించ‌టానికి ప్లాన్ చేస్తున్నాం. మంచి క‌థ‌లు, డైరెక్ట‌ర్స్‌తో మంచి సినిమాలు చేయ‌టానికి ప్లాన్ చేస్తున్నాం" అని ఆదిత్య రామ్ అన్నారు.

"దిల్‌ రాజు గారి విష‌యానికి వ‌స్తే మంచి క‌థ‌ను సెల‌క్ట్ చేసుకుని, స్క్రిప్ట్‌ను గొప్ప‌గా సిద్ధం చేసి, కొత్త ద‌ర్శ‌కుడిని ఎంచుకుని సినిమా చేస్తారు. తెలుగు సినీ ఇండ‌స్ట్రీలో ఎక్కువ సంఖ్య‌లో బ్లాక్ బ‌స్ట‌ర్స్‌, హిట్ సినిమాలు చేసిన నిర్మాత దిల్‌ రాజు గారు. ఆయ‌న‌తో క‌లిసి స‌క్సెస్‌ఫుల్ సినిమాల‌ను నిర్మిస్తాన‌ని న‌మ్మ‌కంగా ఉన్నాను" అని ఆదిత్య రామ్ పేర్కొన్నారు.