Brahmamudi Swapna: బ్ర‌హ్మ‌ముడి సీరియ‌ల్ నుంచి స్వ‌ప్న‌ ఔట్ - హ‌మీదా ఖాతూన్ పాత్ర‌లో కొత్త న‌టి ఎంట్రీ

Brahmamudi Swapna: బ్ర‌హ్మ‌ముడి సీరియ‌ల్‌లో ఇక నుంచి స్వ‌ప్న పాత్ర‌లో హ‌మీదా ఖాతూన్ క‌నిపించ‌దు. అర్ధాంత‌రంగా సీరియ‌ల్ నుంచి త‌ప్పుకొని ఫ్యాన్స్‌కు షాకిచ్చింది హ‌మీదా. శ‌నివారం నాటి బ్ర‌హ్మ‌ముడి ఎపిసోడ్‌ స్వ‌ప్న పాత్ర‌లో కొత్త న‌టి రూప క‌నిపించ‌డంతో అభిమానులు స‌ర్‌ప్రైజ్ అయ్యారు.

బ్ర‌హ్మ‌ముడి నుంచి హ‌మీదా ఖాతూన్ త‌ప్పుకోవ‌డానికి బిగ్‌బాస్ కార‌ణ‌మంటూ ప్ర‌చారం జ‌రుగుతోంది. బిగ్‌బాస్ సీజ‌న్ 8లోకి హ‌మీదా ఖాతూన్ వైల్డ్ కార్డ్ ఎంట్రీ ఇవ్వ‌బోతున్న‌ట్లు వార్త‌లు వినిపిస్తున్నాయి.

కావ్య‌తో స‌మానంగా...

బ్ర‌హ్మ‌ముడి సీరియ‌ల్‌లో కావ్యతో స‌మాన‌మైన పాత్ర‌గా స్వ‌ప్న పాత్ర‌ను మేక‌ర్స్ డిజైన్ చేశారు. నెగెటివ్ షేడ్స్‌తో మొద‌లైన ఈ క్యారెక్ట‌ర్‌ను ప్ర‌స్తుతం పాజిటివ్ షేడ్స్‌లోకి ట‌ర్న్ తీసుకున్న‌ది. స్వ‌ప్న పాత్ర‌లో హ‌మీదా ఖాతూన్ ఒదిగిపోయింది. త‌న మ‌న‌సులోని మాట‌ను కుండ బ‌ద్ద‌లు కొట్టిన‌ట్లుగా చెప్పే డేరింగ్ అండ్ డాషింగ్ క్యారెక్ట‌ర్‌కు వంద‌శాతం న్యాయం చేసింది.

ముఖ్యంగా బ్ర‌హ్మ‌ముడిలో రుద్రాణి, స్వ‌ప్న కాంబినేష‌న్‌లోని సీన్స్ సీరియ‌ల్ కు స్పెష‌ల్ అట్రాక్ష‌న్‌గా నిలుస్తూ వ‌చ్చాయి. కుళ్లు కుతంత్రాల‌తో దుగ్గిరాల కుటుంబాన్ని నాశ‌నం చేసేందుకు రుద్రాణి వేసే ఎత్తుల‌ని తిప్పికొట్టే కోడ‌లిగా పోటాపోటీగా హ‌మీదా ఖాతూన్, ష‌ర్మిత గౌడ‌ పాత్రలు సాగాయి.

హ‌మీదా ఖాతూన్ సీరియ‌ల్ నుంచి త‌ప్పుకోవ‌డానికి కార‌ణం ఏమిట‌నేదానిపై అభిమానులు ర‌క‌ర‌కాల కామెంట్స్ చేస్తున్నారు.త‌న‌కు ఎంతో పేరు తెచ్చిపెట్టిన ఈ సీరియ‌ల్ నుంచి హ‌మీదా ఖాతూన్ ఎందుకు త‌ప్పుకుంద‌న్న‌ది ఆస‌క్తిక‌రంగా మారింది.

బిగ్‌బాస్‌లోకి ఎంట్రీ...

హ‌మీదా ఖాతూన్ బిగ్‌బాస్ సీజ‌న్ 8లోకి వైల్డ్ కార్డ్ ఎంట్రీ ఇవ్వ‌బోతున్న‌ట్లు స‌మాచారం. అందుకే బ్ర‌హ్మ‌ముడి సీరియ‌ల్ నుంచి త‌ప్పుకున్న‌ట్లు వార్త‌లు వినిపిస్తున్నాయి. ఈ వార‌మే ఆమె బిగ్‌బాస్ హౌజ్‌లోకి అడుగుపెట్టే అవ‌కాశం ఉన్న‌ట్లు చెబుతోన్నారు.

అభిషేకం సీరియ‌ల్‌తో...

హ‌మీదా ఖాతూన్ పాత్ర‌లో బ్ర‌హ్మ‌ముడి సీరియ‌ల్‌లోకి ఎంట్రీ ఇచ్చిన రూప ముగ్గ‌ల్ల ఇది వ‌ర‌కు తెలుగులో అభిషేక్ సీరియ‌ల్‌లో న‌టించింది. ల‌త‌గా నెగెటివ్ పాత్ర‌లో చ‌క్క‌టి యాక్టింగ్‌తో మెప్పించింది.

బిగ్‌బాస్ సీజ‌న్ 5లో ఓ కంటెస్టెంట్‌గా పాల్గొన్న‌ది హ‌మీదా ఖాతూన్‌. ఐదు వారాల్లోనే ఎలిమినేట్ అయ్యింది. తెలుగులో మెహ‌బ్బ‌త్ మే, య‌మ‌డ్రామాతో పాటు మ‌రికొన్ని సినిమాల్లో న‌టించింది.

టీఆర్‌పీ రేటింగ్స్‌...

బార్క్ ప్ర‌క‌టించిన తాజా టీఆర్‌పీ రేటింగ్స్‌లో బ్ర‌హ్మ‌ముడి మ‌రోసారి అద‌ర‌గొట్టింది. 13.39 టీఆర్‌పీతో టాప్ ప్లేస్‌లో నిలిచింది. . రెండో స్థానంలో కార్తీకదీపం 2 సీరియల్ 12.39 రేటింగ్ తో ఉంది