Boyapati RAPO First Look: రగ్గెడ్ లుక్‌లో రామ్.. బోయపాటి సినిమాలో ఊర మాస్‌‌గా కనిపిస్తున్న హీరో

Boyapati RAPO First Look: టాలీవుడ్ హీరో రామ్ పోతినేని.. సెన్సేషనల్ డైరెక్టర్ బోయపాటి శ్రీను కాంబినేషన్‌లో ఓ సినిమా రాబోతున్న సంగతి తెలిసిందే. ఇప్పటికే ఈ మూవీకి సంబంధించిన ఫస్ట్ లుక్ విడుదలై సినిమాపై ప్రేక్షకుల్లో భారీగా అంచనాలను పెంచేసింది. తాజాగా ఈ సినిమా నుంచి అదిరిపోటే అప్డేట్‌ను విడుదల చేసింది చిత్రబృందం. ఈ మూవీకి సంబంధించిన రామ్ పోతినేని రగ్గెడ్ లుక్‌ను రిలజ్ చేసిందు ఈమేరకు పోస్టర్‌ను ట్విటర్ వేదికగా వదలింది.

ఈ పోస్టర్‌లో రామ్ మాస్ లుక్‌లో కనిపించాడు. ఎప్పుడూ ఛాక్లెట్ భాయ్ మాదిరిగా కనిపించే రామ్.. గుబురు గడ్డంతో చేతిలో బేస్ బాల్ స్టిక్ తిప్పుతూ, ఇంటెన్స్‌గా కనిపించాడు. అంతేకాకుండా మే 15న రామ్ పోతినేని పుట్టిన రోజు సందర్భంగా ఆ రోజు ఈ మూవీకి సంబంధించిన టీజర్‌ను కూడా రిలీజ్ చేయనున్నట్లు ప్రకటించింది. మే 15 ఉదయం 11.25 గంటలకు టీజర్‌ను రిలీజ్ చేస్తామని తెలిపింది. తాజాగా రిలీజ్ చేసిన పోస్టర్‌ను ఈ సినిమా మేకర్స్ లాంచే చేశారు.

బోయపాటి-రామ్ కాంబినేషన్‌లో తెరకెక్కుతున్న ఈ సినిమా పాన్ ఇండియా వ్యాప్తంగా విడుదల చేయనున్నారు. తెలుగుతో పాటు తమిళం, కన్నడ, మలయాళ, హిందీ భాషల్లో రిలీజ్ చేయనున్నారు. ఈ చిత్రం దసరా కానుకగా అక్టోబరు 20న ప్రపంచవ్యాప్తంగా ప్రేక్షకుల ముందుకు రానుంది.

శ్రీనివాస సిల్వర్ స్క్రీన్ పతాకంపై శ్రీనివాస చిట్టూరి ఈ చిత్రాన్ని నిర్మిస్తున్నారు. బోయపాటి శ్రీను దర్శకత్వం వహిస్తున్న ఈ మూవీలో శ్రీ లీల హీరోయిన్‌గా చేస్తోంది. తమన్ సంగీతాన్ని సమకూరుస్తున్నారు. సంతోష్ ఈ మూవీకి సినిమాటోగ్రాఫర్‌గా పనిచేస్తున్నారు. అక్టోబరు 20న ఈ మూవీ ప్రపంచ వ్యాప్తంగా ప్రేక్షకుల ముందుకు రానుంది.