Bigg Boss Telugu Season 7 Promo: నాగార్జున అదిరిపోయే లుక్.. బిగ్ బాస్ 7 ప్రోమో వచ్చేసింది

Bigg Boss Telugu Season 7 Promo: ప్రపంచవ్యాప్తంగా ఏ భాషలో వచ్చినా మంచి టాక్ సొంతం చేసుకున్న రియాల్టీ షో బిగ్ బాస్. తెలుగులోనూ ఇప్పటికే ఆరు సీజన్లు పూర్తి చేసుకొని త్వరలోనే ఏడో సీజన్ తో ప్రేక్షకుల ముందుకు రానుంది. ఈసారి కూడా నాగార్జుననే ఈ షో హోస్ట్ చేయనున్నాడు. తాజా ప్రోమోతో ఈ విషయం మరోసారి స్పష్టమైంది.

బిగ్ బాస్ కొత్త సీజన్ కు సంబంధించి స్టార్ మా మంగళవారం (జులై 18) రాత్రి ఓ కొత్త ప్రోమో రిలీజ్ చేసింది. ఈ ప్రోమోలో నాగార్జున అదిరిపోయే లుక్ లో కనిపించాడు. అతని హెయిర్ స్టైల్ డిఫరెంట్ గా ఉండటంతోపాటు గడ్డం కూడా పెంచాడు. ఈ కొత్త సీజన్ గురించి అతడు చేసిన అనౌన్స్‌మెంట్, స్టార్ మా క్రియేట్ చేసిన హైప్ కూడా డిఫరెంట్ గా ఉంది.

బిగ్ బాస్ సీజన్ 7.. ఈ సారి సీజన్ లో అని చెప్పబోతూ ఆగిపోతాడు నాగార్జున. ఏం చెప్పాలి.. ఆ.. ఈసారి కొత్తగా.. ప్రతిసారీ ఇదే కదా చెప్పేది.. అంటూ మళ్లీ ఆగిపోతాడు. చివరికి కుడి ఎడమైతే అనే పాట పాడుతూ చిటికేస్తాడు. వెంటనే అతని చేతిలోని పాప్ కార్న్ తోపాటు ఆ గదిలోని వస్తువులన్నీ గాల్లోకి లేస్తుంటాయి. ఈ ప్రోమో ద్వారా ఈసారి బిగ్ బాస్ షో పూర్తి భిన్నంగా ఉండబోతున్నట్లు స్టార్ మా హింట్ ఇచ్చింది.

ఇన్నాళ్లూ మీకు తెలిసిన బిగ్ బాస్ షోకి భారీ మార్పులు చేసినట్లు చెబుతూ ఈ ప్రోమోను స్టార్ మా రిలీజ్ చేసింది. మీ మోస్ట్ ఫేవరెట్ నాగార్జునతో ఈ సీజన్ కోసం ఎదురు చూస్తున్నారా? అయోమయంగా ఉందా? ఉత్సాహంగా ఉందా? బిగ్ బాస్ కొత్త సీజన్ మరింత సమాచారం కోసం చూస్తూ ఉండండి అనే క్యాప్షన్ తో స్టార్ మా ఈ ప్రోమోను ప్రేక్షకుల ముందుకు తీసుకొచ్చింది.

బిగ్ బాస్ కొత్త సీజన్ సెప్టెంబర్ నుంచి ప్రారంభమయ్యే అవకాశాలు కనిపిస్తున్నాయి. గత కొన్ని సీజన్లుగా నాగార్జున ఈ షోను విజయవంతంగా నడిపిస్తున్నాడు. ఈసారి హోస్ట్ మారతాడన్న వార్తలు వచ్చినా.. తాజా ప్రోమోతో స్టార్ మా ఆ పుకార్లకు చెక్ పెట్టింది.