Bigg Boss Season 7 Nagarjuna: బిగ్‌బాస్ సీజ‌న్ 7 ప్రోమో షూటింగ్‌ కంప్లీట్ చేసిన నాగార్జున - ఈ సారి హైరేంజ్‌లో ప్లాన్స్‌

Bigg Boss Season 7 Nagarjuna: బిగ్‌బాస్ (Bigg Boss) హోస్ట్‌గా మ‌రోసారి బుల్లితెర ప్రేక్ష‌కుల్ని అల‌రించేందుకు హీరో నాగార్జున సిద్ధ‌మ‌వుతోన్నాడు. త్వ‌ర‌లో ప్రారంభం కానున్న సీజ‌న్ 7కి నాగార్జున‌నే హోస్ట్‌గా వ్య‌వ‌హ‌రించ‌బోతున్నాడు. సెవ‌న్త్ సీజ‌న్‌కు హోస్ట్‌గా వ్య‌వ‌హ‌రించేందుకు నాగార్జున భారీగానే రెమ్యున‌రేష‌న్ తీసుకుంటున్న‌ట్లు చెబుతోన్నారు. ఒక్కో ఎపిసోడ్‌కు ప‌దిహేను ల‌క్ష‌ల చొప్పున మొత్తంగా ఇర‌వై కోట్ల‌కుపైనే బిగ్‌బాస్‌ షో ద్వారా నాగ్ అందుకోనున్న‌ట్లు స‌మాచారం.

కాగా ఈ సెవ‌న్స్ సీజ‌న్‌కు సంబంధించి ప్రోమో షూట్‌ను మంగ‌ళ‌వారం పూర్త‌యిన‌ట్లు స‌మాచారం. హైద‌రాబాద్‌లోనే గ్రాండ్‌గా ఈ ప్రోమో షూట్ జ‌రిగిన‌ట్లు తెలిసింది. టాలీవుడ్ యంగ్ డైరెక్ట‌ర్ సార‌థ్యంలో జ‌రిగిన ఈ ప్రోమో షూట్‌లో నాగార్జున‌తో పాటు మ‌రికొంద‌రు బుల్లితెర యాక్ట‌ర్స్ పొల్గొన్న‌ట్లు స‌మాచారం. ఓ ఫ్లైట్ లో భారీ ఖ‌ర్చుతో ఈ ప్రోమో షూట్ జ‌రిపిన‌ట్లు తెలిసింది. త్వ‌ర‌లోనే నాగార్జున‌పై షూట్ చేసిన కొత్త‌ ప్రోమోను రిలీజ్ చేయ‌బోతున్న‌ట్లు తెలిసింది.

సెవ‌న్త్ సీజ‌న్‌కు సంబంధించిన ఫ‌స్ట్‌లుక్‌ను మంగ‌ళ‌వారం స్టార్ మా రిలీజ్ చేసింది. స్టార్ మాతో పాటు డిస్నీ ప్ల‌స్ హాట్‌స్టార్‌లో బిగ్‌బాస్ సీజ‌న్ 7 స్ట్రీమింగ్ కాబోతున్న‌ట్లు ప్ర‌క‌టించింది. సెప్టెంబ‌ర్ ఫ‌స్ట్ వీక్ నుంచి బిగ్‌బాస్ సెవ‌న్త్ సీజ‌న్ ప్రీమియ‌ర్ మొద‌లుకానుంది. కాగా మూడో సీజ‌న్ నుంచి బిగ్‌బాస్ షోకు హోస్ట్‌గా నాగార్జున‌నే వ్య‌వ‌హ‌రిస్తూ వ‌స్తోన్నాడు.

ఈ సీజ‌న్‌లో అత‌డి స్థానంలో హోస్ట్‌గా బాల‌కృష్ణ‌(Balakrishna), ఎన్టీఆర్‌తో(Ntr) పాటు మ‌రికొంద‌రు స్టార్ హీరోల‌ పేర్లు వినిపించాయి. కానీ వారంద‌రూ త‌మ సినిమాల షూటింగ్‌ల‌తో బిజీగా ఉండ‌టంతో నాగార్జున‌నే మ‌రోసారి హోస్ట్‌గా కొన‌సాగించాల‌ని బిగ్‌బాస్ నిర్వ‌హ‌కులు డిసైడ్ చేసిన‌ట్లు స‌మాచారం.

బిగ్‌బాస్ సెవ‌న్త్ సీజ‌న్‌లో పాల్గొనే కంటెస్టెంట్స్ ఎవ‌ర‌న్న‌ది త్వ‌ర‌లోనే రివీల్ కానున్న‌ట్లు స‌మాచారం. ఇప్ప‌టికే కంటెస్టెంట్స్ ఎంపిక‌కుసంబంధించిన ప్ర‌క్రియ తుది ద‌శ‌కు చేరుకున్న‌ట్లు స‌మాచారం. గ‌త సీజ‌న్‌కు త‌క్కుత టీఆర్‌పీ రేటింగ్స్ వ‌చ్చిన నేప‌థ్యంలో ఈసారి బిగ్‌బాస్ రూల్స్‌, గేమ్స్ ఆడే విధానంలో చాలా మార్పులు చేయ‌బోతున్న‌ట్లు తెలిసింది.