Investment tips : మిడిల్ క్లాస్ ‘ట్రాప్’ నుంచి బయటపడాలంటే- మ్యూచువల్ ఫండ్స్లో ఈ తప్పులు చేయకండి..
Mutual funds investment tips for middle class : మ్యూచువల్ ఫండ్స్ ఇన్వెస్ట్మెంట్ ద్వారా మనం కోటీశ్వరులు అవ్వొచ్చు! కానీ మనం తెలియక చేసే చిన్నచిన్న తప్పుల కారణంగా కోటీ సంపాదన అనేది కష్టమవుతుంది. అందుకే, ఈ కింద చెప్పే విషయాలను కచ్చితంగా తెలుసుకుని, అప్లై చేయాల్సి ఉంటుంది.
ద్రవ్యోల్బణంతో పోరాడేందుకు, భవిష్యత్తులో మన లైఫ్ స్టాండర్డ్స్ని పెంచుకునేందుకు ఉన్న గొప్ప సాధనం ‘ఇన్వెస్ట్మెంట్’. ఇవి చాలా రకాలుగా ఉంటాయి. కానీ మ్యూచువల్ ఫండ్స్ అనేవి మంచి ఆప్షన్ అవుతాయని నిపుణులు చెబుతున్నారు. దీనికి కారణం.. అతి తక్కువ డబ్బులను కూడా ఇన్వెస్ట్ చేసే ఆప్షన్ ఉండటం! అందుకే ఇటీవలి కాలంలో ఇండియాలో మ్యూచువల్ ఫండ్స్కి ఆదరణ పెరుగుతోంది. మరీ ముఖ్యంగా మిడిల్ క్లాస్ ప్రజలు పొదుపు చేస్తూ, ఇన్వెస్ట్ చేస్తున్నారు. అయితే చాలా మందికి ఈ విషయంలో కాస్త గందరగోళం నెలకొంది. ఫలితంగా తప్పులు చేస్తున్నారు. అందుకే మిడిల్ క్లాస్ ట్రాప్ నుంచి బయటపడాలంటే ఉపయోగపడే సాధమైన మ్యూచువల్ ఫండ్స్లో చేయకూడని కొన్ని తప్పుల గురించి ఇక్కడ తెలుసుకోండి. ఇవి మీ ఇన్వెస్ట్మెంట్ జర్నీకి బాగా ఉపయోగపడతాయి.
మ్యూచువల్ ఫండ్స్ ఇన్వెస్ట్మెంట్లో ఈ తప్పులు చేయకండి..
- మీకు తగ్గ మ్యూచువల్ ఫండ్ని ఎంచుకోండి : మ్యూచువల్ ఫండ్స్లో చాలా రకాలు ఉంటాయి. ఒక్కో మ్యూచువల్ ఫండ్కు రిస్క్ అనేది ఒక్కో విధంగా ఉంటుంది. మీ రిస్క్ సామర్థ్యాన్ని చూసుకోండి. దానికి తగ్గట్టు ఇన్వెస్ట్మెంట్ నిర్ణయాలు తీసుకోండి. మ్యూచువల్ ఫండ్లో పెట్టుబడి పెట్టే ముందు దాని 'రిస్కోమీటర్'ని కచ్చితంగా పరిశీలించాల్సి ఉంటుంది.
- ఎల్లప్పుడు డైరక్ట్ ప్లాన్నే ఎంచుకోవాలి : ఇన్వెస్టర్స్ చేసే పెద్ద తప్పుల్లో ఇదొకటి! చాలా మంది తెలియక రెగ్యులర్ ప్లాన్ని ఎంచుకుంటారు. కానీ దాని వల్ల చాలా నష్టాలు చూడాల్సి ఉంటుంది. రెగ్యూలర్ ప్లాన్లో ఇన్వెస్టర్స్కి ఫండ్ హౌజ్కి మధ్య బ్రోకర్లు/ ఏజెంట్లు ఉంటారు. మన రిటర్నుల్లో వారికి కమిషన్లు ఇవ్వాల్సి ఉంటుంది. అందుకే ఎక్స్పెన్స్ రేషియో ఎక్కువ! డైరక్ట్ ప్లాన్లో ఇలా ఉండదు. కాబట్టి ఎక్స్పెన్స్ రేషియో తక్కువ. దీర్ఘకాలంలో ఇన్వెస్ట్మెంట్పై ఈ ఎక్స్పెన్స్ రేషియో గణనీయమైన ప్రభావం చూపిస్తుంది. అందుకే జాగ్రత్త!
- మీ ఫండ్ని ట్రాక్ చేయాల్సిందే : మ్యూచువల్ ఫండ్స్ని స్టార్ట్ చేసి వదిలేయడం కాదు. వాటిని ట్రాక్ చేస్తూ ఉండాలి. రిటర్నులు ఎల్లప్పుడు ఒకే విధంగా ఉండవు. కనీసం 3ఏళ్ల పాటు చూసి, సంతృప్తికర రిటర్నులు వస్తుంటే అలాగే ఉంచడం బెటర్ లేదా మార్చే ఆప్షన్ని చూసుకోండని నిపుణులు చెబుతుంటారు.
- ఇన్వెస్ట్మెంట్ అమౌంట్ని పెంచండి : తొలినాళ్లల్లో తక్కువ డబ్బులతో మ్యూచువల్ ఫండ్స్ ఇన్వెస్ట్మెంట్ని ప్రారంభించినా తప్పు లేదు! కానీ వాటిని ఎప్పటికప్పుడు పెంచుతూ ఉండాలి. తద్వారా మార్కెట్లో మీరు ఎక్కువ సంపాదించే అవకాశం ఉంటుంది.
ఉదాహరణకు నెలకు రూ. 3వేలతో మీరు ఇన్వెస్ట్మెంట్ ప్రారంభిస్తే.. 12శాతం రిటర్ను(ఇండెక్స్)తో 30ఏళ్లకు మీ పెట్టుబడి వాల్యూ రూ. 1.05కోట్లుగా ఉంటుంది. అదే మీరు.. మీ రూ. 3వేల ఇన్వెస్ట్మెంట్ని ప్రతియేట 10శాతం పెంచుకుంటూ వెళితే.. అదే 30ఏళ్లకు పెట్టుబడి వల్యూ రూ. 2.6కోట్లు దాటిపోతుంది!
(గమనిక:- ఇది సమాచారం కోసం మాత్రమే. ఇన్వెస్ట్మెంట్ చేసే ముందు మీ ఫైనాన్షియల్ అడ్వైజర్ని సంప్రదించాల్సి ఉంటుంది.)
సంబంధిత కథనం