Bigg Boss Amardeep: ద‌స‌రా రోజున బిగ్‌బాస్ అమ‌ర్‌దీప్ కొత్త మూవీ లాంఛ్ - రొమాంటిక్ ల‌వ్‌స్టోరీకి డిఫ‌రెంట్ టైటిల్ ఫిక్స్

బిగ్‌బాస్ ర‌న్న‌ర‌ప్ అమ‌ర్‌దీప్ చౌద‌రి హీరోగా సెకండ్ మూవీకి గ్రీన్‌సిగ్న‌ల్ ఇచ్చాడు. నా నిరీక్ష‌ణ పేరుతో ఓ ల‌వ్‌స్టోరీ చేయ‌బోతున్నాడు. ద‌స‌రా సంద‌ర్భంగా శ‌నివారం అమ‌ర్‌దీప్ కొత్త మూవీ లాంఛ్ అయ్యింది. ఈ సినిమాలో అమ‌ర్‌దీప్‌కు జోడీగా లిపి గ‌ణేష్ క‌ల్ల‌పు హీరోయిన్‌గా న‌టిస్తోంది. సాయివ‌ర్మ దాట్ల ద‌ర్శ‌క‌త్వం వ‌హిస్తోన్న ఈ మూవీని పి సంతోష్ రెడ్డి ప్రొడ్యూస్ చేస్తోన్నాడు.

విలేజ్ బ్యాక్‌డ్రాప్‌లో ఫీల్‌గుడ్ ల‌వ్ ఎంట‌ర్‌టైన‌ర్‌గా ఈ మూవీ సాగ‌నున్న‌ట్లు స‌మాచారం. నా నిరీక్ష‌ణ సినిమా ఫ‌స్ట్ షాట్‌కు నిర్మాత దిల్‌రాజు క్లాప్ కొట్టారు. ఈ లాంఛింగ్ ఈవెంట్‌లో సురేష్‌బాబు, రాజా ర‌వీంద్ర పాల్గొన్నారు.

బిగ్‌బాస్ త‌ర్వాత ఫ‌స్ట్ మూవీ...

అమర్ దీప్ మాట్లాడుతూ.. ‘హీరోగా ఇది నా రెండో చిత్రం. బిగ్ బాస్ తరువాత సెలెక్ట్ చేసుకున్న ఫస్ట్ స్క్రిప్ట్ ఇది. దర్శకుడు సాయివ‌ర్మ ఈ స్క్రిప్ట్‌పై ఏడు నెలలు పని చేశారు. వారి వల్లే ఈ మూవీ ఇక్కడికి వరకు వచ్చింది. డిఫ‌రెంట్ ల‌వ్‌స్టోరీగా తెలుగు ప్రేక్ష‌కుల‌ను మెప్పిస్తుంది అని తెలిపాడు. నా నిరీక్ష‌ణ క‌థ గురించి ఎక్కువ‌గా చెప్ప‌ను...కానీ మంచి మూవీగా తెలుగు ప్రేక్ష‌కుల‌కు చాలా రోజులు గుర్తుండిపోతుంద‌ని అన్నాడు.

శేఖ‌ర్ చంద్ర మ్యూజిక్‌...

అమ‌ర్‌దీప్‌తో పాటు లిపిగ‌ణేష్‌కు కూడా ఇది సెకండ్ మూవీ కావ‌డం గ‌మ‌నార్హం. నా నిరీక్ష‌ణ మూవీకి తిరుమలేష్ బండారు మాటలు అందిస్తుండగా.. వి.రవి కుమార్ కెమెరామెన్‌గా పని చేయనున్నారు. శేఖర్ చంద్ర సంగీత మ్యూజిక్ అందిస్తోన్నాడు. ఈ సినిమలో ర‌మ్య ప్రియ ఓ కీల‌క పాత్ర‌లో క‌నిపించ‌బోతున్న‌ది.

సురేఖ‌వాణి కూతురు...

ప్ర‌స్తుతం అమ‌ర్‌దీప్ హీరోగా న‌టిస్తోన్న డెబ్యూ మూవీ రిలీజ్‌కు సిద్ధంగా ఉంది. ఈ మూవీ ద్వారా టాలీవుడ్ న‌టి సురేఖ‌వాణి కూతురు సుప్రియ హీరోయిన్‌గా ఎంట్రీ ఇస్తోంది. బిగ్‌బాస్ కంటే ముందే అమ‌ర్‌దీప్ ఈ సినిమాను అంగీక‌రించారు. బిగ్‌బాస్ కార‌ణంగా షూటింగ్ ఆల‌స్య‌మైంది.

బిగ్‌బాస్ ర‌న్న‌ర‌ప్‌...

బిగ్‌బాస్ తెలుగు సీజ‌న్ 7 ర‌న్న‌ర‌ప్‌గా నిలిచాడు అమ‌ర్‌దీప్‌. ఓ టైమ్‌లో అత‌డే విన్న‌ర్ అవుతాడ‌ని అంద‌రూ అనుకున్నారు. కానీ ఫైన‌ల్‌లో అమ‌ర్‌దీప్‌కు షాకిచ్చిన ప‌ల్ల‌వి ప్ర‌శాంత్ టైటిల్ ఎగ‌రేసుకుపోయాడు. బిగ్‌బాస్ కంటే ముందు తెలుగులో ప‌లు సీరియ‌ల్స్ చేశాడు అమ‌ర్‌దీప్‌. ఉయ్యాల జంపాల‌, జాన‌కి క‌ల‌గ‌న‌లేదు సీరియ‌ల్స్ అత‌డికి మంచి పేరు తెచ్చిపెట్టాయి. ప్రేమ‌దేశం, ఐరావ‌తంతో పాటు మ‌రికొన్ని సినిమాల్లో న‌టించాడు.