Bhag Saale OTT Release : ఓటీటీలోకి వచ్చేసిన 'భాగ్ సాలే' సినిమా.. ఎందులో అంటే?

ఆస్కార్ అవార్డు విన్నర్ ఎంఎం కీరవాణి(MM Keeravani) చిన్న కుమారుడు శ్రీ సింహా(Sri Simha) ప్రధాన పాత్రలో వచ్చిన చిత్రం భాగ్ సాలే(Bhaag Saale). దర్శకుడు ప్రణీత్ బ్రాహ్మండపల్లి దర్శకత్వం వహించాడు. ఈ సినిమాలో నేహా సోలంకి.. కథానాయికగా నటించింది. నెల రోజుల్లోపే.. ఓటీటీ(OTT)లో వచ్చేసింది. అమెజాన్ ప్రైమ్ వీడియో(Amazon Prime Video)లో భాగ్ సాలే స్ట్రీమింగ్(Bhaag Saale Streaming) అవుతోంది.

రాజీవ్ కనకాల(Rajiv Kanakala), జాన్ విజయ్, వర్షిణి సౌందరరాజన్, నందిని రాయ్, హర్ష చెముడు తదితరులు ఈ సినిమాలో కీలక పాత్రలు పోషించారు. బిగ్ బెన్ సినిమాస్, సినీవాలి మూవీస్ తో కలిసి వేదాన్ష్ క్రియేటివ్ వర్క్స్ చిత్రాన్ని నిర్మించింది. కాలభైరవ(Kala Bhairava) సంగీతం అందించారు.

గతంలో సూర్యకాంతం అనే చిత్రంతో డైరెక్టర్ గా మారిన ప్రణీత్.. భాగ్ సాలే చిత్రంతో వచ్చాడు. క్రైమ్ కామెడీగా తెరకెక్కించాడు. ఈ సినిమాను బాగానే ప్రమోషన్ చేశారు. బండ్ల గణేశ్ లాంటి వారు కూడా సపోర్ట్ ఇచ్చారు. సిద్ధూ జొన్నలగడ్డ వాయిస్ ఓర్ ఇవ్వడంతో సినిమాపై హైప్ క్రియేట్ అయింది. జులై 7న ప్రేక్షకులు ముందుకు వచ్చింది. కానీ అనుకున్నంత స్థాయిలో సినిమా ఆడలేదు. దీంతో వెంటనే ఓటీటీలోకి వచ్చేసింది. అమెజాన్ ప్రైమ్ వీడియోలో స్ట్రీమింగ్ అవుతోంది. ఓటీటీ ప్రేక్షుకులు ఎలా ఆదరిస్తారో చూడాలిక.

కథం ఏంటంటే.. అర్జున్(శ్రీసింహ) ఒక స్లమ్ లో నివసిస్తాడు. అక్కడ వారిదే పెద్ద ఇల్లు. దీంతో అర్జున్ తండ్రి(రాజీవ్ కనకాల)ను అందరూ రాయల్ మూర్తి అని పిలుస్తుంటారు. తమది రాయ్ ఫ్యామిలీ అనే భ్రమల్లో ఉంటాడు అర్జున్. మాయ(నేహా సోలంకి) కూడా అర్జున్ ది రాయల్ ఫ్యామిలీ అని నిజంగానే నమ్ముతుంది. ప్రాణంగా ప్రేమిస్తుంది. నిజంగానే.. రాజవంశానికి చెందిన మాయ.. తండ్రి వద్ద నిజాంకు చెందిన ఉంగరం కోసం ఆయనను కిడ్నాప్ చేస్తారు. మరి ఆ ఉంగరాన్ని తెచ్చి ఇచ్చి.. అర్జున్ తన ప్రియురాలి తండ్రిని కాపాడుకుంటాడా? లేదా? అర్జున్ రాయల్ ఫ్యామిలీ కాదని తెలిసిన మాయ ఏం చేసింది? కిడ్నాప్ చేసిన వాళ్లకు ఉంగరంతో పని ఏంటని తెలియాలంటే.. భాగ్ సాలే సినిమా చూడాల్సిందే.