Agent OTT: ఏడాదిన్న‌ర త‌ర్వాత ఓటీటీలోకి అఖిల్ ఏజెంట్ - స్ట్రీమింగ్ ప్లాట్‌ఫామ్ ఛేంజ్‌?

Agent OTT: అఖిల్ అక్కినేని ఏజెంట్ మూవీ థియేట‌ర్ల‌లో రిలీజై ఏడాదిన్న‌ర దాటినా ఇప్ప‌టివ‌ర‌కు ఓటీటీలో మాత్రం రిలీజ్ కాలేదు. ఏజెంట్ హిందీ వెర్ష‌న్ కూడా టీవీలోకి వ‌చ్చింది. కానీ తెలుగు వెర్ష‌న్ ఇటు ఓటీటీలో, అటు టీవీలో టెలికాస్ట్ కాలేదు.

భారీ రేట్‌కు...

ఏజెంట్ మూవీ ఓటీటీ రైట్స్‌ను భారీ ధ‌ర‌కు సోనీలివ్ ద‌క్కించుకున్న‌ది. థియేట‌ర్ల‌లో ఈ మూవీ డిజాస్ట‌ర్‌గా నిల‌వ‌డంతో ఆ ఎఫెక్ట్ ఓటీటీ రిలీజ్‌పై గ‌ట్టిగానే ప‌డింది. ఈ సినిమాను ఓటీటీలో రిలీజ్ చేసే సాహ‌సం ఏడాది అయినా చేయ‌లేక‌పోయింది సోనీలివ్‌.

మ‌రో కొత్త ఓటీటీలో...

తాజాగా ఏజెంట్ ఓటీటీ రిలీజ్‌కు సంబంధించిన అడ్డంకుల‌కు ఓ పుల్‌స్టాప్ ప‌డిన‌ట్లు స‌మాచారం. ఈ సినిమా ఓటీటీ ప్లాట్‌ఫామ్ మారిన‌ట్లు వార్త‌లు వినిపిస్తోన్నాయి. సోనీ లివ్ నుంచి అమెజాన్ ప్రైమ్‌ ఈ మూవీ డిజిట‌ల్ రైట్స్‌ను సొంతం చేసుకున్న‌ట్లు వార్త‌లు వినిపిస్తోన్నాయి.

న‌వంబ‌ర్ నెల‌లో అమెజాన్ ప్రైమ్ ద్వారా ఏజెంట్ మూవీ ఓటీటీలోకి వ‌చ్చే అవ‌కాశం ఉంద‌ని సోష‌ల్ మీడియాలో వార్త‌లు వినిపిస్తోన్నాయి. తొంద‌ర‌లోనే కొత్త ఓటీటీ ప్లాట్‌ఫామ్‌తో పాటు ఏజెంట్ ఓటీటీ రిలీజ్‌పై ఓ క్లారిటీ వ‌చ్చే అవ‌కాశం ఉంద‌ని అంటోన్నారు. కాగా ఓటీటీ రిలీజ్‌కు ముందే ఇటీవ‌లే ఏజెంట్ మూవీ తెలుగు వెర్ష‌న్ పైర‌సీ సైట్స్‌లో ద‌ర్శ‌న‌మిచ్చింది.

ఎన‌భై కోట్ల బ‌డ్జెట్ - 30 కోట్ల క‌లెక్ష‌న్స్‌...

ఏజెంట్ మూవీలో అఖిల్‌కు జోడీగా సాక్షి వైద్య హీరోయిన్‌గా న‌టించింది. మ‌ల‌యాళ మెగాస్టార్ మ‌మ్ముట్టి ఓ కీల‌క పాత్ర‌లో న‌టించాడు. స్పై యాక్ష‌న్ థ్రిల్ల‌ర్ క‌థాంశంతో తెర‌కెక్కిన ఈ మూవీకి సురేంద‌ర్ రెడ్డి ద‌ర్శ‌క‌త్వం వ‌హించాడు. దాదాపు ఎన‌భై కోట్ల బ‌డ్జెట్‌తో ప్రొడ్యూస‌ర్ అనిల్ సుంక‌ర ఏజెంట్ మూవీని నిర్మించాడు. ఈ సినిమా నిర్మాణంలో సురేంద‌ర్ రెడ్డి ఓ భాగ‌స్వామిగా వ్య‌వ‌హ‌రించాడు.

భారీ అంచ‌నాల న‌డుమ రిలీజైన ఈ మూవీ నిర్మాత‌ల‌తో పాటు అఖిల్‌ను కోలుకోలేని దెబ్బ‌కొట్టింది. కేవ‌లం ఎనిమిది కోట్ల లోపు వ‌సూళ్ల‌ను రాబ‌ట్టి గ‌త ఏడాది అతి పెద్ద డిజాస్ట‌ర్‌గా నిలిచింది. నిర్మాత‌ల‌కు డెబ్బై కోట్ల‌కుపైనే న‌ష్టాల‌ను మిగిల్చింది.

ఏజెంట్ క‌థ ఇదే...

రిక్కీ అలియాస్ రామ‌కృష్ణ (అఖిల్‌) చిన్న‌త‌నం నుంచి రా ఏజెంట్ కావాల‌ని క‌ల‌లు కంటుంటాడు. ఎన్ని ప్ర‌య‌త్నాలు చేసిన ఫెయిల‌వుతాడు. రా చీఫ్ మ‌హ‌దేవ్ (మ‌మ్ముట్టి) సిస్ట‌మ్‌ను రిక్కీ హ్యాక్ చేసి అత‌డి మెప్పును పొందుతాడు.ఆప‌రేష‌న్ రాబిట్ పేరుతో ఇండియాలో ప‌లు చోట్ల బాంబు దాడుల‌కు పాల్ప‌డేందుకు గాడ్ అలియా ధ‌ర్మ (డినో మారియా) కుట్ర‌లు ప‌న్నుతాడు.

ఈ బాంబు దాడుల‌ను అడ్డుకోనే బాధ్య‌త‌ను రిక్కీకి అప్ప‌గిస్తాడు మ‌హ‌దేవ్‌.ఈ ప్ర‌య‌త్నంలో రిక్కీ స‌క్సెస్ అయ్యాడా? ఈ సీక్రెట్ ఆప‌రేష‌న్ కోసం రిక్కీని మ‌హ‌దేవ్ ఎందుకు సెలెక్ట్ చేశాడు? ధ‌ర్మ‌తో మ‌హ‌దేవ్‌కు సంబంధం ఉందా? తాను గురువుగా భావించే మ‌హ‌దేవ్‌ను రిక్కీ ఎందుకు చంపాడు? రిక్కీ జ‌ర్నీలో వైద్య పాత్ర ఏమిట‌న్న‌దే ఏజెంట్ మూవీ క‌థ‌.

నెక్స్ట్ మూవీ…

ఏజెంట్ డిజాస్ట‌ర్‌తో త‌న నెక్స్ట్ మూవీ విష‌యంలో అఖిల్ చాలా జాగ్ర‌త్త‌లు తీసుకుంటోన్న‌ట్లు తెలిసింది. ఈ సారి ఎక్కువ‌గా అంచ‌నాలు లేకుండా సైలెంట్‌గా త‌న కొత్త మూవీ షూటింగ్‌ను పూర్తిచేసిన‌ట్లు స‌మాచారం. ప్ర‌స్తుతం సాహో అసిస్టెంట్ డైరెక్ట‌ర్‌తో అఖిల్ ఓ మూవీ చేస్తోన్న‌ట్లు స‌మాచారం. ఫాంట‌సీ ల‌వ్ స్టోరీగా తెర‌కెక్కుతోన్న ఈ మూవీని యూవీ క్రియేష‌న్స్ సంస్థ ప్రొడ్యూస్ చేస్తోన్న‌ట్లు చెబుతోన్నారు.