Citadel: Honey Bunny OTT: సమంతకి కోపం తెప్పించిన నెటిజన్ రిక్వెస్ట్.. జడ్జ్ చేయడం ఆపి బతకనివ్వండంటూ హీరోయిన్ చురకలు

సీనియర్ హీరోయిన్ సమంత మళ్లీ సినిమాల్లో యాక్టీవ్ అవుతోంది. గత రెండేళ్లుగా మయోసైటిస్, పర్సనల్ లైఫ్‌లో ఇబ్బందులతో మానసిక వేదన అనుభవించిన సమంత.. చాలా రోజుల తర్వాత సోషల్ మీడియాలో నెటిజన్లతో ముచ్చటించింది. ఈ క్రమంలో ఒక నెటిజన్ చేసిన కామెంట్‌కి ఫిదా అయిన సమంత.. మరో నెటిజన్ చేసిన రిక్వెస్‌కి కోపం తెచ్చుకుని చురకలు అంటించేసింది. సమంత తాను నటించిన ‘సిటాడెల్: హనీ బన్నీ’ సిరీస్‌ని దేశ వ్యాప్తంగా ప్రమోట్ చేస్తోంది.

ఆస్క్ మీ ఎనీ థింట్ అన్న సమంత

‘సిటాడెల్: హనీ బన్నీ’ సిరీస్‌ ప్రమోషన్స్‌లో భాగంగా సమంత ఆస్క్ మీ ఎనీ థింగ్ అంటూ నెటిజన్లు ఆహ్వానించింది. దాంతో చాలా మంది నెటిజన్లు ఆమె ఆరోగ్యం, పర్సనల్ లైఫ్, సినిమాల గురించి ప్రశ్నలు అడిగారు. కొన్నింటికి సమాధానం చెప్పడానికి నిరాకరించిన సమంత.. మరి కొన్నింటికి కొంటెగా, తెలివిగా దొరక్కుండా సమాధానం చెప్పింది. మరి కొన్ని ప్రశ్నలకి ఎమోషనల్ అయ్యింది.

ఎవ్వరూ లేకపోయినా.. నేనుంటా

ఓ నెటిజన్ మాత్రం సమంతపై ప్రేమని కురిపిస్తూ ఎమోషనల్‌గా కామెంట్ చేశాడు. ‘మయోసైటిస్ నుంచే కాదు పర్సనల్ లైఫ్‌లో ఎదురైన ఇబ్బందుల నుంచి నువ్వు బయటపడిన తీరుని చూస్తే చాలా గర్వంగా ఉంది సమంత. నీకు ఎవ్వరూ తోడుగా లేకపోయినా నేను ఉంటాను.. ఐ లవ్ యూ’ అని కామెంట్ చేశాడు. ఆ కామెంట్‌కి సమంత ఈ మీ ప్రేమే నా బలం అంటూ రిప్లై ఇచ్చింది.

బతకనివ్వండి.. ప్లీజ్

ఓ నెటిజన్ ‘సమంత మీరు కాస్త బరువు పెరగండి చూడటానికి బాగుంటారు’ అని కామెంట్ చేయగా.. ఆ కామెంట్ చదివిన సమంతకి చిర్రెత్తిపోయింది. ‘మయోసైటిస్ తర్వాత నా ఆరోగ్య పరిస్థితుల కారణంగా నేను ఇలా ఉన్నాను.. ఇలా ఇతరులను జడ్జ్ చేయడం ఆపండి. మమ్మల్ని కాస్త బతకనివ్వండి’ అంటూ ఘాటుగా రిప్లై ఇచ్చింది. దాంతో సదరు నెటిజన్ సైలెంట్ అయిపోయాడు. మయోసైటిస్ నుంచి సమంత కోలుకున్నప్పటికీ ఆమె మరి కొంతకాలం ఇలానే స్ట్రిక్ట్‌గా యాంటీ ఇన్‌ఫ్లమేటరీ డైట్‌లో ఉండటం తప్పనిసరి అని తెలుస్తోంది.

వెబ్ సిరీస్ రిలీజ్ ఎప్పుడంటే?

సిటాడెల్: హనీ బన్నీ వెబ్‌ సిరీస్‌పై సమంత బోలెడు ఆశలు పెట్టుకుంది. వెబ్ సిరీస్‌లు తీయడంలో ఎక్స్‌ఫర్ట్‌గా పేరొందిన రాజ్ అండ్ డీకే ఈ సిటాడెల్: హనీ బన్నీ‌కి కూడా దర్శకత్వం వహించగా.. నవంబరు 7 నుంచి అమెజాన్‌లో ఈ సిరీస్‌ స్ట్రీమింగ్‌కానుంది. రాజ్ అండ్ డీకే గతంలో ఫర్జీ, ది ఫ్యామిలీ మెన్ వెబ్ సిరీస్‌లతో ప్రేక్షకులను మెప్పించారు. స్పై యాక్షన్‌ సిరీస్‌‌‌గా వస్తున్న ఈ సిటాడెల్: హనీ బన్నీలో సమంత లీడ్ రోల్ చేయగా.. వరుణ్ ధావన్‌ ఆమెకి జంటగా నటించాడు.

యశోద మూవీ తర్వాత సమంతకి మళ్లీ హిట్ రాలేదు. శాకుంతలం, ఖుషీ సినిమాలు దారుణంగా నిరాశపరిచాయి. దాంతో బాలీవుడ్‌పై ఫోకస్ పెట్టిన సమంత.. టాలీవుడ్‌లో సినిమాలు బాగా తగ్గించేసింది. గతంలో ‘ది ఫ్యామిలీ మెన్-2’ వెబ్ సిరీస్‌లో సమంత నటించింది.