OTT: ఓటీటీలోకి వచ్చేసిన 150 కోట్ల బ్లాక్ బస్టర్ మూవీ- ఆద్యంతం థ్రిల్లింగ్‌ సీన్స్- స్ట్రీమింగ్ ఎక్కడంటే?

The Goat Life OTT Release: మలయాళ సినిమాలకు ఉండే క్రేజ్ సెపరేట్‌గా ఉంటుంది. మాలీవుడ్ నుంచి విడుదలై నేషనల్ వైడ్‌గా ప్రజాదరణ పొందిన సినిమాలు చాలానే ఉన్నాయి. వాటిలో లవ్ స్టోరీ నుంచి సర్వైవల్ థ్రిల్లర్ వరకు అనేక సినిమాలు తెలుగు ప్రేక్షకులను అలరించాయి.

అలాంటి మరో బ్లాక్ బస్టర్ సినిమానే ఆడు జీవితం. మలయాళ అగ్ర హీరో పృథ్వీరాజ్ సుకుమారన్ మెయిన్ లీడ్ రోల్ చేసిన సినిమానే ఈ ఆడు జీవితం. మలయాళంలో ఆడు జీవితంగా విడుదలైన ఈ సినిమా ఇతర భాషల్లో ది గోట్ లైఫ్ టైటిల్‌తో రిలీజ్ అయింది. ప్రముఖ రచయిత బెన్యామిన్ రాసిన గోట్ డేస్ నవల ఆధారంగా ఈ చిత్రాన్ని రూపొందించారు.

ది గోట్ లైఫ్ సినిమాకు అవార్డ్ విన్నింగ్ డైరెక్టర్ బ్లెస్సీ దర్శకత్వం వహించారు. మలయాళ చిత్ర పరిశ్రమలో విజువల్ రొమాన్స్ బ్యానర్‌పై ది గోట్ లైఫ్ సినిమాను రూ. 88 కోట్ల భారీ బడ్జెట్‌తో ప్రతిష్టాత్మకంగా నిర్మించింది. మార్చి 28న మలయాళం థియేటర్లలో విడుదలైన ఆడు జీవితం సినిమా తెలుగులో మాత్రం ఏప్రిల్ 10న విడుదల చేశారు. రెండు చోట్ల సినిమాకు భారీ స్పందన వచ్చింది.

అంతేకాకుండా దేశవ్యాప్తంగా ది గోట్ లైఫ్ సినిమాకు మంచి పాజిటివ్ టాక్ వచ్చింది. దీంతో ఈ చిత్రానికి మొత్తంగా రూ. 151.38 కోట్ల కలెక్షనస్ వచ్చాయి. ఈ సినిమాలో పృథ్వీరాజ్ సుకుమారన్‌కు జోడీగా గ్లామర్ బ్యూటి అమలా పాల్ హీరోయిన్‌గా చేసింది. అలాగే ఇందులో హాలీవుడ్ యాక్టర్ జిమ్మీ జీన్ లూయిస్ కీలక పాత్ర పోషించాడు.

పృథ్వీరాజ్ సుకుమారన్, అమలా పాల్, జిమ్మీ జీన్ లూయిస్‌ మాత్రమే కాకుండా ఆడు జీవితం సినిమాలో కేఆర్ గోకుల్, అరబ్ ఫేమస్ యాక్టర్స్ తాలిబ్ అల్ బలూషి, రిక్ ఆబే ఇతరుల మరికొన్ని కీలక పాత్రల్లో నటించారు. ఇదిలా ఉంటే, థియేట్రికల్ రన్ పూర్తి చేసుకుని చాలా కాలం అయినప్పటికీ ఈ సినిమా ఓటీటీలోకి రాలేదు. ఎన్నోసార్లు ఓటీటీ రిలీజ్ డేట్ అంటూ రూమర్స్ వినిపించాయి.

సుమారు నాలుగు నెలల తర్వాత ఎట్టకేలకు ఓటీటీలోకి వచ్చేసింది ఆడు జీవితం మూవీ. సర్వైవల్ థ్రిల్లర్ జోనర్‌లో తెరకెక్కిన ఆడు జీవితం సినిమాను డిజిటల్ ప్రీమియర్ చేస్తున్నట్లు కొద్దిరోజుల క్రితం అధికారికంగా ప్రకటించిన విషయం తెలిసిందే. అందుకు తగినట్లుగానే ఇవాళ అంటే జూలై 19న ఓటీటీలో స్ట్రీమింగ్ అవుతోంది ది గోట్ లైఫ్ మూవీ.

ఆడు జీవితం సినిమా ఓటీటీ దిగ్గజం నెట్‌ఫ్లిక్స్‌లో మలయాళంతోపాటు ఐదు భాషల్లో స్ట్రీమింగ్ అవుతోంది. మలయాళం, తెలుగు, తమిళం, హిందీ, కన్నడ భాషల్లో నెట్‌ఫ్లిక్స్ ఓటీటీలో ది గోట్ లైఫ్ మూవీ అందుబాటులో ఉంది. థియేటర్లలో మిస్ అయిన ఈ బ్లాక్ బస్టర్ హిట్ సినిమాను ఫ్యామిలీతో కలిసి చూస్తూ ఎంచక్కా ఎంజాయ్ చేయొచ్చు.

నిజ జీవిత సంఘటనల ఆధారంగా రూపొందిన ది గోట్ లైఫ్ సినిమా చిత్రీకరణకు దాదాపు 12 సంవత్సరాల సమయం పట్టింది. గల్ఫ్ కంట్రీస్‌లో ఉపాధి కోసం వెళ్లిన వ్యక్తుల పరిస్థితి, వారి జీవణ శైలీ ఎలా ఉంటుందనేది ఆడు జీవితం మూవీలో కళ్లకు కట్టినట్లు చూపించారు. సినిమాలో ఎడారి ప్రాంతంలోని సీన్స్, గల్ఫ్ నుంచి తప్పించుకునే విధానం ప్రేక్షకులకు బాగా కనెక్ట్ అయింది.