Volkswagen Taigun: ఫోక్స్ వ్యాగన్ టైగన్ పై భారీ డిస్కౌంట్; త్వరపడండి.. ఇది లిమిటెడ్ టైమ్ ఆఫర్

Volkswagen Taigun: జర్మనీ ఆటో దిగ్గజం ఫోక్స్ వ్యాగన్ తన ఫ్లాగ్ షిప్ ఎస్ యూవీ టైగన్ ధరను ఏప్రిల్ లో తగ్గించింది. ప్రత్యర్థి కార్ల తయారీ సంస్థలైన హ్యుందాయ్, కియా లు తమ క్రెటా, కియా సెల్టోస్ ల ధరలను ఈ నెలలో లక్ష రూపాయలకు పైగా తగ్గించిన నేపథ్యంలో, ఫోక్స్ వ్యాగన్ కూడా ఆ దిశగా టైగన్ పై డిస్కౌంట్ ను ప్రకటించింది. టైగన్ పై ప్రకటించిన ఈ డిస్కౌంట్ పరిమిత కాలం పాటు మాత్రమే అమలులో ఉంటుందని ఫోక్స్ వ్యాగన్ తెలిపింది. ఫోక్స్ వ్యాగన్ టైగన్ ధర, ఈ డిస్కౌంట్ కు ముందు రూ .11.70 లక్షల నుండి రూ .20 లక్షల మధ్య ఉంది.

ఎంట్రీ లెవెల్ పై రూ. 70 వేలు

ఫోక్స్ వ్యాగన్ (Volkswagen) అధికారిక వెబ్ సైట్ ప్రకారం, ఫోక్స్ వ్యాగన్ టైగన్ ఎస్ యూవీ ఎంట్రీ లెవల్ వేరియంట్ పై రూ .70,000 తగ్గింపు లభిస్తుంది. ఈ కంఫర్ట్ లైన్ వేరియంట్ ప్రారంభ ధర రూ .11 లక్షలు (ఎక్స్-షోరూమ్). ఈ వేరియంట్ 1.0-లీటర్ టిఎస్ఐ పెట్రోల్ ఇంజిన్ తో, మాన్యువల్ గేర్ బాక్స్ తో వస్తుంది. టైగన్ ఎస్ యూ వీ మిడ్ వేరియంట్ జీటీ లైన్ క్రోమ్ ధర రూ .1.05 లక్షల వరకు తగ్గింది. ఈ వేరియంట్ ప్రస్తుతం రూ .18.70 లక్షలకు లభిస్తుంది. ఇందులో డీఎస్ జీ గేర్ బాక్స్ తో కూడిన 1.5-లీటర్ ఇంజిన్ ఉంటుంది. డిస్కౌంట్ కు ముందు, ఈ వేరియంట్ల ధర రూ.19.44 లక్షల నుంచి రూ.19.74 లక్షల (ఎక్స్-షోరూమ్) మధ్య ఉంది.

టాప్ ఎండ్ పై రూ. 1.1 లక్షల తగ్గింపు

అలాగే, టైగన్ (Volkswagen Taigun) టాప్ ఎండ్ వేరియంట్ అయిన జీటీ ప్లస్ ఎడ్జ్ ధరను రూ. 1.10 లక్షలు తగ్గించారు. ఈ వేరియంట్ ధర ఇంతకుముందు రూ .19.70 లక్షల నుండి రూ .20 లక్షల (ఎక్స్-షోరూమ్) మధ్య ఉంది. ఇప్పుడు ఇది రూ .18.90 లక్షలకు (ఎక్స్-షోరూమ్) లభిస్తుంది.

లిమిటెడ్ పీరియడ్ ఆఫర్

అయితే, ఈ డిస్కౌంట్ ఆఫర్ పరిమిత కాలం మాత్రమే అందుబాటులో ఉంటుందని ఫోక్స్ వ్యాగన్ స్పష్టం చేసింది. అయితే, ఎప్పటివరకు ఈ ఆఫర్ ఉంటుందో స్పష్టంగా చెప్పలేదు. కనీసం ఈ నెలాఖరు వరకు ఈ ఆఫర్ కొనసాగుతుందని భావిస్తున్నారు. ఫోక్స్ వ్యాగన్ టైగన్ రెండు ఇంజన్ ఆప్షన్లలో వస్తుంది. వీటిలో 1.5-లీటర్ టర్బో పెట్రోల్ ఇంజన్ గరిష్టంగా 148 బీహెచ్పీ పవర్ ను, 250 ఎన్ఎమ్ గరిష్ట టార్క్ ను ప్రొడ్యూస్ చేస్తుంది. 1.0-లీటర్ టీఎస్ఐ ఇంజన్ 113 బీహెచ్పీ పవర్, 178 ఎన్ఎమ్ గరిష్ట టార్క్ ను ఉత్పత్తి చేస్తుంది.