Toyota Innova Hycross waiting period : ఇన్నోవా హైక్రాస్​ కోసం.. 'వెయిట్'​ చేయాల్సిందే!

Toyota Innova Hycross waiting period : ఆటోమొబైల్​ వర్గాలు అంచనా వేసినట్టే.. టయోటా ఇన్నోవా హైక్రాస్​ ఎంపీవీకి మంచి డిమాండ్​ కనిపిస్తోంది. 2022 చివర్లో లాంచ్​ అయినా ఈ కొత్త మోడల్​కు సంబంధించి.. డెలివరీ ఇటీవలే ప్రారంభమైంది. కానీ భారీ డిమాండ్​ నేపథ్యంలో ఈ న్యూ జెనరేషన్​ ఎంపీవీకి వెయిటింగ్​ పీరియడ్​ కూడా ఎక్కువగానే ఉంది. దేశంలోని వివిధ నగరాల్లో.. టయోటా ఇన్నోవా హైక్రాస్​కు ఉన్న వెయిటింగ్​ పీరియడ్​ను ఇక్కడ తెలుసుకుందాము..

ఇన్నోవా హైక్రాస్​ కావాలంటే.. వెయిట్​ చేయాల్సిందే..!

టయోటా నుంచి వచ్చిన సరికొత్త ఎంపీవీకి కనిష్ఠంగా 2.5 నెలలు- గరిష్ఠంగా 4.5 నెలల వెయిటింగ్​ పీరియడ్​ ఉంది. దేశ రాజధాని ఢిల్లీలో 3-4 నెలల వెయిటింగ్​ పీరియడ్​ నడుస్తోంది. ఇక బెంగళూరు, పుణె, జైపూర్​, ఛండీగఢ్​ నగరాల్లో వెయిటింగ్​ పీరియడ్​ 4 నెలలుగా ఉంది.

Toyota Innova Hycross on road price in Hyderabad : హైదరాబాద్​లో టయోటా ఇన్నోవా హైక్రాస్​ డెలివరీకి 4- 4.5 నెలల సమయం పడుతోంది. అదే సమయంలో.. ముంబై, చెన్నై, అహ్మదాబాద్​, లక్నో, సూరత్​, కోయంబత్తూర్​, పట్నా, ఇండోర్​లో ఈ ఎంపీవీని దక్కించుకోవాలంటే కనీసం 3 నెలలు వెయిట్​ చేయాల్సిందే. గురుగ్రామ్​, కోల్​కతా, ఠాణె, ఫరీదాబాద్​, నోయిడాల్లో వెయిటింగ్​ పీరియడ్​ వచ్చేసి 3-4 నెలల మధ్యలో ఉంది. ఘజియాబాద్​లో కస్టమర్లు 2.5- 3.5 నెలల వరకు ఎదురుచూడాల్సి వస్తోంది.

టయోటా ఇన్నోవా హైక్రాస్​- ఫీచర్స్​..

ఈ హైక్రాస్ మోడల్​.. 4755 ఎంఎం పొడవు, 1850 ఎంఎం వెడల్పు, 1795 ఎంఎం ఎత్తు ఉంటుంది. దీని వీల్ బేస్ 2850 ఎంఎంగా ఉంది. అంటే ఇన్నోవాలోని గత మోడల్స్​తో పోల్చుకుంటే దీని డైమెన్షన్స్​ ఎక్కువ.

Toyota Innova Hycross vs Kia Carnival : ఇన్నోవా హైక్రాస్​- కియా కార్నివాల్.. పూర్తి వివరాల కోసం ఇక్కడ క్లిక్​ చేయండి.

Toyota Innova Hycross bookings : ఇక ఈ కొత్త మోడల్ ముందువైపు ఆకర్షణీయమైన హెక్సాగోనల్ రేడియేటర్ గ్రిల్, డ్యుయెల్ టోన్ బంపర్​ను అమర్చారు. ఇన్నోవా క్రిస్టాతో పోలిస్తే.. ఇంటీరియర్స్ లోనూ విప్లవాత్మక మార్పులు జరిగాయి.

ఇండియా మార్కెట్​లో ఈ టయోటా ఇన్నోవా హైక్రాస్​.. ఎంజీ హెక్టర్ ప్లస్, టాటా సఫారీ, మహింద్ర ఎక్స్యూవీ 700, హ్యుందాయ్​ అల్కజార్ మోడల్స్​కు గట్టిపోటీనిస్తోంది.

టయోటా ఇన్నోవా హైక్రాస్- ఇంజిన్​, ధర..

Toyota Innova Hycross price : ఇన్నోవా హైక్రాస్​లో డీజిల్​ వేరియంట్​ లేదు. రెండు పెట్రోల్​, మూడు హైబ్రీడ్​ వేరియంట్లలో దీనిని టయోటా రూపొందిస్తోంది. 2.0లీటర్​ పెట్రోల్​, 2.0 లీటర్​​ పెట్రోల్​ హైబ్రీడ్​ మోటార్​లు ప్రధానంగా కనిపిస్తున్నాయి. హైబ్రీడ్​ మోడల్​ లీటరుకు 21.1కేఎంపీఎల్​ మైలేజీని ఇస్తోంది. అంటే.. ఫుల్​ ట్యాంక్​ కొట్టిస్తే.. 1,097కి.మీల వరకు ప్రయాణించవచ్చు!

మార్కెట్​లో టయోటా ఇన్నోవా హైక్రాస్​ ధర రూ. 18.30లక్షలు- రూ. 28.97లక్షలు (ఎక్స్​షోరూం)గా ఉంది.