Tesla news : ఈ ఎలక్ట్రిక్​ కారు రిపేర్​కు రూ. 17.5లక్షల బిల్లు! కస్టమర్​ షాక్​..!

Tesla Model Y repair cost : ప్రముఖ ఎలక్ట్రిక్​ వాహనాల తయారీ సంస్థ 'టెస్లా'కు అంతర్జాతీయ మార్కెట్​లో మంచి గుర్తింపు ఉంది. అందుకు తగ్గట్టుగానే టెస్లా వాహనాల ధరలు కూడా ఉంటాయి. ఈ టెస్లా సంస్థ.. ఏదో ఒక విషయంతో నిత్యం వార్తల్లో ఉంటుంది. ఇక తాజాగా.. టెస్లా వెహికిల్​కు సంబంధించిన ఓ షాకింగ్​ వార్త.. సోషల్​ మీడియాలో వైరల్​గా మారింది. ఓ వ్యక్తి.. తన టెస్లా మోడల్​ 'వై'ని రిపేర్​ చేయించాలని భావించగా.. అందుకు ఏకంగా రూ. 17.5లక్షలు ఖర్చు అవ్వడమే ఈ వార్త..!

ఇదీ జరిగింది..

పలు నివేదికల ప్రకారం.. స్కాట్​ల్యాండ్​కు చెందిన ఓ వ్యక్తి దగ్గర టెస్లా మోడల్​ వై ఎలక్ట్రిక్​ క్రాసోవర్​ వెహికిల్​ ఉంది. కాగా.. ఆ బండిని రిపేర్​కు ఇవ్వగా.. ఆయనకు 21వేల డాలర్ల బిల్లు వచ్చింది! ఇండియన్​ కరెన్సీలో అది రూ. 17.46లక్షలు. ఆ బిల్లు చూసి ఆ వ్యక్తి షాక్​కు గురయ్యాడు. వర్షంలో ఈ వెహికిల్​ను నడపడమే.. రిపేర్​కు ఇంత మొత్తంలో ఖర్చు అవ్వడానికి కారణం.

Tesla Model Y : కొన్ని రోజుల క్రితం.. భారీ వర్షాల మధ్య తన ఎలక్ట్రిక్​ వెహికిల్​ని నడిపాడు ఆ వ్యక్తి. మొదట్లో ఈవీ బాగానే పనిచేసినప్పటికీ.. తర్వాత స్టార్ట్​ అవ్వలేదు. 5 గంటల పాటు ఆయన రోడ్డు మీదే ఉండిపోవాల్సి వచ్చింది. చివరికి.. ఒక ట్రక్​ వచ్చి.. టెస్లా మోడల్​ వైని టో చేసుకుని వెహికిల్​ వర్క్​షాప్​ వరకు తీసుకెళ్లింది.

"అంత కష్టపడి వర్క్​షాప్​కు వెళ్లిన తర్వాత అక్కడి సరైన సాయం లభించలేదు. కస్టమర్​ సపోర్ట్​ సిబ్బంది సరిగ్గా స్పందించలేదు," అని ఆ టెస్లా వెహికిల్​ ఓనర్​ మీడియాకు చెప్పారు.

"నా ఈవీ బ్యాటరీ పోయిందని, సంస్థ ఆఫర్​ చేస్తున్న 8ఏళ్ల వారెంటీ పరిధిలో అది లేదని టెస్లా సిబ్బంది చెప్పారు. ఈవీలోని బ్యాటరీ ప్యాక్​లోకి వర్షం నీరు ప్రవేశించిందట. ఆ భాగం పూర్తిగా నాశనమైపోయిందట. ఫలితంగా కారులోని ప్రొపల్షన్​ సిస్టెమ్​పై ప్రభావం పడిందని అన్నారు. చివరికి 21వేల డాలర్ల రిపేర్​ బిల్లు వేశారు," అని తన అసంతృప్తిని బయటపెట్టారు టెస్లా మోడల్​ వై ఓనర్​.

Tesla latest news : "టెస్లా వెహికిల్​ని అనవసరంగా కొన్నానని నాకు ఇప్పుడు అనిపిస్తోంది. అంత పెద్ద బిల్లుకు.. సిబ్బంది చెప్పిన సమాధానం నాకు సంతృప్తికరంగా అనిపించలేదు. కస్టమర్​ సర్వీస్​ ఇంత దారుణంగా ఉంటుందని ముందే తెలిస్తే.. అసలు నేను ఈ కారు కొనుగోలు చేసి, ఇలా బాధపడే వాడిని కాదు," అని ఓనర్​ తన ఆవేదన వ్యక్తం చేశారు.

టెస్లా కస్టమర్​ కేర్​ సిబ్బంది పనితీరుపై ఇప్పటికే చాలా వ్యతిరేకత ఉంది. టెస్లా వెహికిల్​ రిపేర్​కు అయ్యే ఖర్చులు ఎక్కువగానే ఉంటాయన్న విషయం వాస్తవమే. కానీ ఈ రేంజ్​లో వారు బిల్లు వేయడం ఇప్పుడు అందరిని షాక్​కు గురిచేస్తోంది.