Tesla Gigafactory : ప్రతి 40 సెకన్లకు ఒక ఎలక్ట్రిక్​ కారు తయారయ్యే ఫ్యాక్టరీ ఇది!

Tesla Gigafactory Shanghai : దిగ్గజ ఆటోమొబైల్​ సంస్థ టెస్లా సామర్థ్యాన్ని చాటిచెప్పే వార్త ఇది! చైనా షాంఘైలోని టెస్లాకు చెందిన గిగాఫ్యాక్టరీలో.. ప్రతి 40 సెకన్లకు ఓ ఎలక్ట్రిక్​ వాహనం తయారవుతోంది. ఈ విషయం ఓ ట్విట్టర్​ వీడియో ద్వారా తెలిసింది. సంస్థ మేన్యుఫ్యాక్చరింగ్​ ప్రాసెస్​కు, ప్రొడక్టివిటీకి, ఎఫీషియన్సీ సామర్థ్యాన్ని ఈ విషయం చాటిచెబుతోంది.

ఫోర్డ్​ సంస్థకు మించి..!

చైనాలో టెస్లాకు అతిపెద్ద మేన్యుఫ్యాక్చరింగ్​ హబ్​ ఉంది. ఇక్కడ తయారు చేసిన వాహనాలు ఆసియాతో పాటు పాశ్చ్యాత్య దేశాలకు కూడా ఎగుమతి అవుతుంటాయి. కానీ.. 40 సెకన్లకు ఓ మోడల్​ 3/ మోడల్​ వై కారు తయారవుతుండటం పెద్ద విషయమే. ఈ అంశంలో మరో దిగ్గజ ఆటోమొబైల్​ సంస్థ ఫోర్డ్​ను టెస్లా వెనక్కి నెట్టేసింది. అమెరికా డియర్​బార్న్​ ట్రక్​ ప్లాంట్​లో 49 సెకన్లకు ఓ ఎఫ్​-150 పికప్​ ట్రక్​ను తయారు చేస్తున్నట్టు ఈ ఏడాది తొలినాళ్లల్లో చెప్పుకొచ్చింది ఫోర్డ్​.

టెస్లాకు అమెరికాలో ఓ మేన్యుఫ్యాక్చరింగ్​ హబ్​ ఉంది. అమెరికా బయట.. చైనాలో మాత్రమే ఓ ఫ్యాక్టరీ ఉంది. షాంఘైలో ఉన్న ప్లాంట్​కు సంబంధించి.. ఓ మహిళ తాజాగా ఓ వీడియో తయారు చేసింది. దానిని ట్విట్టర్​లో పోస్ట్​ చేసింది. టెస్లా ఫ్యాక్టరీ మొత్తాన్ని ఆమె చుట్టేసింది. అక్కడి సిబ్బందితో ప్రత్యేకంగా మాట్లాడింది. పలు వివరాలు తెలుసుకుంది. ప్రొడక్షన్​లో తాము ఎందుకు అంత ఎఫీషియంట్​గా ఉన్నామనే విషయాన్ని అక్కడి సిబ్బంది, ఆమెకు వివరించారు.

సామాజిక మాధ్యమాల్లో వైరల్​గా మారిన ఈ వీడియోను ఇక్కడ చూడండి:

షాంఘై గిగా ఫ్యాక్టరీలో రెండు మోడల్స్​ను మాత్రమే తయారు చేస్తోంది టెస్లా సంస్థ. ఈ రెండూ కూడా ప్రస్తుతం.. సంస్థకు అతి చౌకైన మోడల్స్​గా ఉన్నాయి. ఇక్కడి సిబ్బందిని, వారి పనితనాన్ని ఇటీవలి కాలంలో అనేకమార్లు మెచ్చుకున్నారు టెస్లా సీఈఓ ఎలాన్​ మస్క్​.

ఇండియాలో కూడా..!

Tesla in India : ఇండియాలోకి ఎంట్రీ ఇచ్చేందుకు టెస్లా ప్లాన్​ చేస్తోందన్న విషయం తెలిసిందే. ఇండియా కోసం, ప్రత్యేకంగా ఓ ఎలక్ట్రిక్​ కారును ఆటోమొబైల్​ సంస్థ రూపొందిస్తోందని తెలుస్తోంది. ఇది.. సంస్థ చరిత్రలోనే అతి చౌకైన కారుగా నిలుస్తుందని సమచారం.

ఇండియాలో పెద్ద ఈవీ మేన్యుఫ్యాక్చరింగ్​ ఫ్యాక్టరీని ఏర్పాటు చేయాలని ఎలాన్​ మస్క్​కు చెందిన టెస్లా గత కొన్ని నెలలుగా ప్లాన్​ చేస్తోంది. ఈ విషయంపై.. టెస్లా బృందం, భారత కేంద్రమంత్రి పీయుష్​ గోయల్​తో భేటీ అవుతుందని సమాచారం. అన్ని అనుకున్నట్టు జరిగితే.. భేటీ తర్వాత ఓ కీలక అప్డేట్​ వెలువడే సూచనలు కనిపిస్తున్నాయి. పూర్తి వివరాల కోసం ఇక్కడ క్లిక్​ చేయండి.