Honor Pad 9 : ఇండియాలో లాంచ్​కు రెడీ అవుతున్న హానర్​ ప్యాడ్​ 9.. ఫీచర్స్​ ఇవే!

Honor Pad 9 launch date in India : ప్యాడ్​ 9 గ్యాడ్జెట్​ని.. గతేడాది డిసెంబర్​లో, చైనాలో లాంచ్​ చేసింది దిగ్గజ స్మార్ట్​ఫోన్​ తయారీ సంస్థ హానర్​. ఇక ఇప్పుడు.. ఈ హానర్​ ప్యాడ్​ 9ని ఇండియాలో లాంచ్​ చేసేందుకు ఏర్పాట్లు చేసుకుంటోంది. ఈ ట్యాబ్లెట్​కి.. ఇటీవలే బీఐఎస్​ సర్టిఫికేషన్​ లభించినట్టు సమాచారం. ఈ నేపథ్యంలో ఈ మోడల్​ ఫీచర్స్​కు సంబంధించిన వివరాలను ఇక్కడ తెలుసుకుందాము..

హానర్​ ప్యాడ్​ 9 ట్యాబ్లెట్​ ఫీచర్స్​ ఇవే..!

సాధారణంగా.. బీఐఎస్​ సర్టిఫికేషన్​ లభించిందంటే.. సంబంధిత గ్యాడ్జెట్​, ఆ తర్వాతి కొంత కాలానికే లాంచ్​ అవుతుంది. ఈ లెక్కన చూసుకుంటే.. హానర్​ ప్యాడ్​ 9 కూడా త్వరలోనే ఇండియాలోకి అడుగు పెట్టడం ఖాయంగా ఉంది.

బీఐఎస్​ సర్టిఫికేషన్​ పొందిన మోడల్​ నెంబర్​ హెచ్​ఈ2- డబ్ల్యూ09. సింగపూర్​లో కూడా ఇదే మోడల్​ నెంబర్​ సర్టిఫికేషన్​ పొందింది. వాస్తవానికి.. మోడల్​ నెంబర్​ తప్ప.. హానర్​ ప్యాడ్​ 9కి చెందిన ఇతర వివరాలేవీ బయటకు రాలేదు. కానీ.. చైనాలో ఈ ట్యాబ్లెట్​ ఇప్పటికే లాంచ్​ అయ్యింది కాబట్టి, ఫీచర్స్​ దాదాపు అవే ఉండే అవకాశం ఉంది.

Honor Pad 9 price in India : హానర్​ ప్యాడ్​ 9 ట్యాబ్లెట్​లో 12.1 ఇంచ్​ స్క్రీన్​ ఉంటుంది. పేపర్​ లైక్​ డిస్​ప్లేకి మాట్​ ఫినిషింగ్​ ఇచ్చినట్టు సంస్థ చెబుతోంది. 2,560 x 1,600 పిక్సెల్స్​ రిసొల్యూషన్​ ఇందులో ఉంది. ఎల్​సీడీ ప్యానెల్​ పీక్​ బ్రైట్​నెస్​ 550 నిట్స్​. స్క్రీన్​ టు బాడీ రేషియో 88శాతంగా ఉంది. ఈ స్క్రీన్​.. రిఫ్లెక్టెడ్​ లైట్​ని 98శాతం ఎలిమినేట్​ చేస్తుందని సంస్థ అంటోంది. స్టైలస్​, కీబోర్డ్​తో కూడా ఈ ట్యాబ్లెట్​ని ఆపరేట్​ చేయవచ్చు.

ఈ హానర్​ ప్యాడ్​ 9లో 13ఎంపీ రేర్​, 8ఎంపీ సెల్ఫీ కెమెరాలు వస్తున్నాయి. ఆడియో కోసం.. ఇందులో 8 స్పీకర్స్​ ఉంటాయి. ఈ ట్యాబ్లెట్​లో.. స్నాప్​డ్రాగన్​ 6 జెన్​ 1 ప్రాసెసర్​ ఉంటుంది. 12జీబీ ర్యామ్​- 512జీబీ స్టోరేజ్​ వేరియంట్​ ఇందులో ఉంది.

ఈ గ్యాడ్జెట్​కి 8,300 ఎంఏహెచ్​ బ్యాటరీ, 35వాట్​ ఫాస్ట్​ ఛార్జింగ్​ సపోర్ట్​ లభిస్తోంది. ఆండ్రాయిడ్​ 13 ఆధారిత మేజిక్​ఓఎస్​ 7.2 సాఫ్ట్​వేర్​పై ఇది పనిచేస్తుంది. చైనాలో.. అజుర్​, వైట్​, గ్రే కలర్స్​లో ఇది అందుబాటులో ఉంది.

ఇండియాలో లాంచ్​ ఎప్పుడు..?

Honor Pad 9 : చైనాలో ఇప్పటికే.. ఈ హానర్​ ప్యాడ్​ 9కి మంచి డిమాండ్​ కనిపిస్తోంది. ఇండియాలో కూడా సేల్స్​ బాగా జరుగుతాయని సంస్థ ఆశిస్తోంది. కానీ.. ఈ హానర్​ ప్యాడ్​ 9 లాంచ్​ డేట్​పై సంస్థ ఇంకా ఎలాంటి అధికారిక ప్రకటన చేయలేదు. ధరకు సంబంధించిన వివరాలను కూడా చెప్పలేదు. త్వరలోనే వాటిపై ఓ అప్డేట్​ వచ్చే అవకాశం ఉంది. అప్డేట్​ వచ్చిన వెంటనే.. మేము మీకు తెలియజేస్తాము. అప్పటివరకు స్టే ట్యూన్డ్​ టు హిందుస్థాన్​ టైమ్స్​ తెలుగు.