Discounts on Tata Motors cars : ఈ టాటా మోటార్స్​ కార్లపై రూ. 1.25లక్షల వరకు డిస్కౌంట్​!

Discounts on Tata Motors cars : ఇతర ఆటోమొబైల్​ సంస్థల్లానే.. టాటా మోటార్స్​ సైతం తమ వాహనాలపై ఇయర్​ ఎండ్​ డిస్కౌంట్లను ప్రకటించింది. డిసెంబర్​లో పలు వాహనాలపై రూ. 1.25లక్షల వరకు బెనిఫిట్స్​ని అందిస్తోంది. ఆ వివరాలను ఇక్కడ తెలుసుకుందాము..

ఈ టాటా వాహనాలపై భారీ డిస్కౌంట్లు..

టాటా ఆల్ట్రోజ్​ డీజిల్​ వేరియంట్​పై రూ. 20వేల వరకు కన్జ్యూమర్​ డిస్కౌంట్​, రూ. 10వేల వరకు ఎక్స్​ఛేంజ్​ ఆఫర్​ని ఇస్తోంది. ఇక ఆల్ట్రోజ్​ సీఎన్​జీ మోడల్​పై రూ. 10వేల ఎక్స్​ఛేంజ్​ ఆఫర్​, ఆల్ట్రోజ్​ పెట్రోల్​ ఎంటీపై రూ. 40వేల వరకు డిస్కౌంట్లను అందిస్తోంది.

Discounts on Tata Harrier : టాటా హారియర్​ ఎంటీ-ఏటీ (నాన్​ అడాస్​) మోడల్స్​ప రూ. 50వేల కన్జ్యూమర్​ డిస్కౌంట్​, రూ. 25వేల ఎక్స్​ఛేంజ్​ ఆఫర్​ని ఇస్తోంది సంస్థ. మరోవైపు టాటా హారియర్​ ఏటీ అడాస్​ వేరియంట్​పై రూ. 75వేల కన్జ్యూమర్​ డిస్కౌంట్​, రూ. 50వేల వరకు ఎక్స్​ఛేంజ్​ బెనిఫిట్స్​ను అందిస్తోంది. ఈ మొత్తం కలుపుకుంటే.. ఈ డిసెంబర్​లో టాటా హారియర్​పై రూ. 1.25లక్షల వరకు తగ్గింపు పొందొచ్చు!

టాటా మోటార్స్​కు బెస్ట్​ సెల్లింగ్​గా ఉన్న వాహనాల్లో టాటా పంచ్​ ఒకటి. ఇంతకాలం.. ఈ మోడల్​పై ఎలాంటి తగ్గింపును ఇవ్వలేదు సంస్థ. కాగా.. తొలిసారిగా ఈ డిసెంబర్​లో టాటా పంచ్​పై రూ. 10వేల ఎక్స్​ఛేంజ్​ బోనస్​ని ప్రకటించింది.

Year end discounts on Tata cars : మరోవైపు టాటా టియాగో సీఎన్​జీ, టాటా టిగోర్​ సీఎన్​జీ సింగిల్​ సిలిండర్​ వేరియంట్​పై రూ. 60వేల కన్జ్యూమర్​ డిస్కౌంట్​తో పాటు రూ. 15వేల ఎక్స్​ఛేంజ్​ ఆఫర్​ని ఇస్తోంది సంస్థ. టియాగో ఎంటీ పెట్రోల్​ వేరియంట్​పై రూ. 55వేల వరకు తగ్గింపు లభిస్తోంది. ఏఎంటీ, సీఎన్​జీ ట్విన్​ సిలిండర్​ మోడల్స్​పై గరిష్ఠంగా రూ. 45వేల వరకు బెనిఫిట్స్​ ఉన్నాయి. అదే సమయంలో టాటా టిగోర్​పై రూ. 40వేల డిస్కౌంట్​తో పాటు రూ. 15వేల ఎక్స్​ఛేంజ్​ ఆఫర్​ పొందొచ్చు.

ఇవి.. ఈ నెల చివరి వరకు అమల్లో ఉంటాయి. కాగా.. ఈ డిస్కౌంట్లనేవి లొకేషన్​పై ఆధారపడి ఉంటాయి. పూర్తి వివరాల కోసం సమీప డీలర్​షిప్​ షోరూమ్​ను సంప్రదించాల్సి ఉంటుంది.

ఇప్పుడు డిస్కౌంట్లు.. 2024 నుంచి బాదుడు!

Tata motors price hike : టాటా మోటార్స్​ సంస్థ.. కస్టమర్లకు మళ్లీ షాక్​ ఇచ్చింది. తమ పోర్ట్​ఫోలియోలోని వాహనాల ధరలను పెంచుతున్నట్టు ప్రకటించింది. ఈ ప్రైజ్​ హైక్​ నిర్ణయం.. 2024 జనవరి నుంచి అమల్లోకి వస్తుందని వెల్లడించింది. ఏ వాహనం ధరను ఎంత పెంచుతున్నాము? అన్న విషయాన్ని త్వరలోనే వెల్లడిస్తామని వివరించింది. పూర్తి వివరాల కోసం ఇక్కడ క్లిక్​ చేయండి.