IPO news: మొదటి రోజే ఫుల్ గా సబ్ స్క్రైబ్ అయిన ఐపీఓ; జీఎంపీ కూడా సూపర్

Supreme Facility Management IPO: చిన్న, మధ్య తరహా సంస్థ (ఎస్ఎంఈ) అయిన సుప్రీం ఫెసిలిటీ మేనేజ్మెంట్ ఐపీఓ బిడ్డింగ్ రెండో రోజైన గురువారం 4.15 రెట్లు సబ్స్క్రైబ్ అయింది. పబ్లిక్ ఇష్యూలో భాగంగా సుప్రీం ఫెసిలిటీ మేనేజ్ మెంట్ ఐపీఓ 65,79,200 షేర్లను అందిస్తోంది. రిటైల్ ఇన్వెస్టర్లకు 28,12,800 షేర్లు లేదా 42.75 శాతం, క్వాలిఫైడ్ ఇన్ స్టిట్యూషన్స్ (QIB)కు 6,25,600 షేర్లు లేదా 9.51 శాతం, 28,11,200 షేర్లు లేదా 42.73 శాతం నాన్ ఇన్ స్టిట్యూషనల్ ఇన్వెస్టర్లకు కేటాయించింది.

సుప్రీం ఫెసిలిటీ మేనేజ్ మెంట్ ఐపీఓ వివరాలు

ఈ ఎస్ ఎంఈ ఐపీఓ డిసెంబర్ 11న ప్రారంభమై డిసెంబర్ 13న ముగుస్తుంది. డిసెంబర్ 16న ఎస్ఎంఈ ఐపీఓకు కేటాయింపులు ఖరారు కానున్నాయి. సుప్రీం ఫెసిలిటీ మేనేజ్మెంట్ ఐపీఓ 2024 డిసెంబర్ 18న ఎన్ఎస్ఈ ఎస్ఎంఈలో లిస్ట్ కానుంది.

సుప్రీం ఫెసిలిటీ మేనేజ్ మెంట్ ఐపీఓ సబ్ స్క్రిప్షన్ స్టేటస్

రెండో రోజు సుప్రీం ఫెసిలిటీ మేనేజ్ మెంట్ ఐపీఓ 4.15 సార్లు సబ్ స్క్రైబ్ అయింది. రిటైల్ ఇన్వెస్టర్ల వాటా 7.65 రెట్లు, ఎన్ఐఐ వాటా 0.56 రెట్లు, క్యూఐబీ వాటా 1.06 రెట్లు సబ్స్క్రైబ్ అయింది. ఈ ఐపీఓలో కనీస లాట్ పరిమాణం 1600 షేర్లు. రిటైల్ ఇన్వెస్టర్లకు అవసరమైన కనీస పెట్టుబడి (investment) రూ.1,21,600. హెచ్ఎన్ఐ కోసం కనీస లాట్ సైజ్ పెట్టుబడి 2 లాట్లు లేదా 3,200 షేర్లు. దీని విలువ రూ .2,43,200.

సుప్రీమ్ ఫెసిలిటీ మేనేజ్ మెంట్ ఐపీఓ జీఎంపీ

సుప్రీం ఫెసిలిటీ మేనేజ్ మెంట్ ఐపీఓ (IPO) జీఎంపీ ధర గురువారం రూ.24గా ఉంది. అంటే, ఐపీఓ ఇష్యూ గరిష్ట ధర అయిన రూ.76 తో పోలిస్తే, లిస్టింగ్ ధర రూ.100గా ఉండవచ్చు. ఈ ఐపీఓ షేర్లు అలాట్ అయిన ఇన్వెస్టర్లు ఒక్కో షేరుపై 31.58 శాతం లిస్టింగ్ గెయిన్స్ పొందవచ్చు. పబ్లిక్ ఇష్యూ ద్వారా రూ.50 కోట్లు సమీకరించాలని కంపెనీ యోచిస్తోంది. సుప్రీం ఫెసిలిటీ మేనేజ్ మెంట్ ఐపీఓలో లీడ్ మేనేజర్ గా ఖండ్ వాలా సెక్యూరిటీస్ లిమిటెడ్ వ్యవహరిస్తున్నారు.

సుప్రీమ్ ఫెసిలిటీ మేనేజ్ మెంట్ కంపెనీ వివరాలు

సుప్రీమ్ ఫెసిలిటీ మేనేజ్ మెంట్ ఇంటిగ్రేటెడ్ ఫెసిలిటీ మేనేజ్ మెంట్, సప్లై చైన్ సొల్యూషన్స్, ఎంప్లాయీ ట్రాన్స్ పోర్టేషన్, కార్పొరేట్ ఫుడ్ సొల్యూషన్స్, ప్రొడక్షన్ సపోర్ట్ సర్వీసులను అందిస్తుంది. ఇది 1983 లో ఎల్ వి షిండే గ్రూప్ ఆధ్వర్యంలో స్థాపించబడింది. భద్రత, సుస్థిరతకు ప్రాధాన్యత ఇస్తూ కార్యకలాపాలను క్రమబద్ధీకరించడం ద్వారా విభిన్న కార్పొరేట్ అవసరాలను తీర్చడం దీని లక్ష్యం.

సూచన: పై అభిప్రాయాలు, సిఫార్సులు వ్యక్తిగత విశ్లేషకులు లేదా బ్రోకింగ్ కంపెనీలవి. హెచ్ టీ తెలుగు వి కావు. ఏదైనా పెట్టుబడి నిర్ణయాలు తీసుకునే ముందు సర్టిఫైడ్ నిపుణులను సంప్రదిచాలని మేము పెట్టుబడిదారులకు సలహా ఇస్తున్నాము.