Stocks to buy today : స్టాక్​ మార్కెట్​లో భారీ పతనం- కానీ ఈ 5 షేర్లలో ట్రేడింగ్​కి ఛాన్స్​!

అంతర్జాతీయ ప్రతికూల పరిస్థితుల కారణంగా దేశీయ స్టాక్​ మార్కెట్​లు గురువారం ట్రేడింగ్​ సెషన్​ని భారీ నష్టాల్లో ముగించాయి. బీఎస్​ఈ సెన్సెక్స్​ 1769 పాయింట్లు పడి 82,497 వద్ద స్థిరపడింది. నిఫ్టీ50.. 547 పాయింట్లు కోల్పోయి 25,250 వద్ద సెషన్​ని ముగించింది. బ్యాంక్​ నిఫ్టీ 1077 పాయింట్లు పతనమై 51,842 వద్దకు చేరింది.

“25,580 వద్ద ఉన్న 20 డే ఈఎంఏ సపోర్ట్​, 25,350 వద్ద ఉన్న ట్రెండ్​లైన్​ సపోర్ట్​ని నిఫ్టీ50 ఒక్క రోజులో బ్రేక్​ చేసింది. ఫలితంగా మార్కెట్​ మరింత కిందకి వెళ్లొచ్చు. 25000- 25,150 వద్ద సపోర్ట్​ ఉంది. 25,450- 25,600 రేంజ్​ వద్ద రెసిస్టెన్స్​ ఉంది,” అని రిలేగేర్​ బ్రోకింగ్​ ఎస్​వీపీ రీసెర్చ్​కి చెందిన అజిత్​ మిశ్రా తెలిపారు.

బ్యాంక్​ నిఫ్టీలో కూడా మరింత కరెక్షన్​ కనిపించే అవకాశం ఉందని స్టాక్​ మార్కెట్​ నిపుణులు చెబుతున్నారు. బ్యాంక్​ నిఫ్టీ 49,700 లెవల్స్​ వద్దకు చేరవచ్చని షేర్​ఖాన్​ టెక్నికల్​ రీసెర్చ్​ ఎనలిస్ట్​ జతిన్​ గేడియా పేర్కొన్నారు.

ఎఫ్​ఐఐలు.. డీఐఐలు..

గురువారం ట్రేడింగ్​ సెషన్​లో ఎఫ్​ఐఐలు రూ. 15243.27 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 12913.96 కోట్లు విలువ చేసే షేర్లను కొనుగోలు చేశారు.

సెప్టెంబర్​లో భారీగా కొనుగోళ్లు చేసిన ఎఫ్​ఐఐలు.. అక్టోబర్​ మొదటి రెండు ట్రేడింగ్​ సెషన్స్​లో ఇప్పటివరకు ఏకంగా రూ. 20822.62 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 17523.51 కోట్లు విలువ చేసే షేర్లను కొనుగోలు చేశారు.

ఇక దేశీయ స్టాక్​ మార్కెట్​లు.. శుక్రవారం ట్రేడింగ్​ సెషన్​ని నష్టాల్లో ప్రారంభించే అవకాశం ఉంది. గిఫ్ట్​ నిఫ్టీ దాదాపు 65 పాయింట్ల నష్టంలో ఉండటం ఇందుకు కారణం.

అమెరికా స్టాక్​ మార్కెట్​లు..

గురువారం ట్రేడింగ్​ సెషన్​లో అమెరికా స్టాక్​ మార్కెట్​లు ఫ్లాట్​గా ముగిశాయి. డౌ జోన్స్​ 0.44శాతం పడింది. ఎస్​ అండ్​ పీ 500​ 0.17శాతం పడింది. టెక్​ ఇండెక్స్​ నాస్​డాక్ 0.04 పతనమైంది.

ఇజ్రాయెల్​- ఇరాన్​ మధ్య అనిశ్చితి కారణంగా ఆసియా స్టాక్​ మార్కెట్​లు ఫ్లాట్​గా ట్రేడ్​ అవుతున్నాయి.

స్టాక్స్​ టు బై..

పిట్టి ఇంజనీరింగ్:- బై రూ. రూ .1366.85, స్టాప్ లాస్ ను రూ .1325, టార్గెట్ ధర రూ. 1460

శారదా ఎనర్జీ అండ్​ మినరల్స్​:- బై రూ. 491.9, స్టాప్​ లాస్​ రూ. 472, టార్గెట్​ రూ. 520

ఇంటర్​గ్లోబ్​ ఏవియేషన్​:- బై రూ. 4716, స్టాప్​ లాస్​ రూ. 4650, టార్గెట్​ రూ. 4950

మహారాష్ట్ర సీమ్​లెస్​​:- బై రూ. 633, స్టాప్​ లాస్​ రూ. 620, టార్గెట్​ రూ. 655

టాటా కమ్యూనికేషన్స్​:- బై రూ. 2145, స్టాప్​ లాస్​ రూ. 2100, టార్గెట్​ రూ. 2300

(గమనిక:- ఇవి నిపుణుల అభిప్రాయాలు మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ట్రేడ్​ తీసుకునే ముందు ట్రేడర్లకు సొంతంగా ఎనాలసిస్​ ఉండటం శ్రేయస్కరం.)